Хорликларга чидаш сабрми?
بِسْمِ اللهِ الرَّحْمنِ الرَّحِيمِ
Хорликларга чидаш сабрми?
Халқимизда «Сабрнинг таги – сариқ олтин» деган хикматли мақол бор. Албатта, бу мақол бежизга айтилмаган. Аллоҳ хам сабр–тоқатли бандаларини яхши кўради ва сабр–тоқатимизни Ўзи хоҳлаган пайтида синовдан ўтказади. Аллоҳ Таъоло бу тўғрида бир неча марта таъкидлаган,
… وَاللّهُ يُحِبُّ الصَّابِرِينَ
“Аллоҳ сабрлиларни яхши кўради” (Оли – Имрон, 146)
… وَلَوْ شَاء اللّهُ لَجَعَلَكُمْ أُمَّةً وَاحِدَةً وَلَـكِن لِّيَبْلُوَكُمْ فِي مَا آتَاكُم فَاسْتَبِقُوا الخَيْرَاتِ إِلَى الله مَرْجِعُكُمْ جَمِيعاً
“…Агар Аллоҳ хоҳласа сизларни бир уммат қилиб қўйган бўлар эди, лекин У сизларни Ўзи берган нарсаларда синашни истайди. Бас, яхшиликларга шошилинглар, ҳаммангизни борадиган ерингиз Аллоҳ” (Моида, 48)
Лекин хикматли сабр–тоқат билан хикматсиз сабр– тоқатнинг, чидаб юраверишнинг жуда катта фарқи бор. Сабр аслида қандай бўлади? Сабр бу – качонки хар қандай мусибат, халокат етганда буларнинг ҳаммаси Аллохдан деб иймон келтирган ва хар қандай қийинчиликда хам, Аллоҳнинг тўғри йўлидан оғишмай сабот билан тура олган, иймони бақувват мусулмоннинг сабр–тоқати синаладиган пайтдаги холат сабрдир. Кофирларнинг зулмига, хорлашларига чидаб юравериш эса, мусулмонларнинг иймони пок эмаслиги ва сустлигидан далолат беради. Худди шундай воқеъликлар кундалик хаётимизда оддий холатга айланди ва биз бунга ўрганиб қолдик. Гўёки аслида ҳам шундай булиши керакдек, олдиндан шундай бўлиб келгандек.
Ўзингиз яшаб турган жамиятга, инсонларнинг яшаш тарзига, яъни ижтимоий ахволига бир назар солинг, атиги 5 ёки 10 дақиқагина вақтингизни шунга сарфланг. Хар кадамда ёлғон, ҳаёсизлик, хиёнат ва ҳоказо иллатларга кўмилиб қолганмиз. Бу иллатларнинг илдизи диний эътиқодимизни унутганлигимиз бўлса, унинг танаси шу нотўғри тушуниб қолинган, аниқроғи ўрганиб қолинган сабр–тоқатдир. Кимлардир айтиши мумкин, бизларни қўлимиздан нима ҳам келиши мумкин?! – деб.
Воқеъликни ўзгартириш учун қилинадиган харакат хар доим ҳам инсоннинг ўз ихтиёрида бўлган.
Яхшилаб фикр юритиб кўрадиган бўлсак, бу дунёга қаердан келдик, нима учун келдик, кимнинг хохиши билан келдик ва вақтимиз етиб бандаликни бажо келтирсак, яна кимнинг олдига қайтиб борамиз?
وَاتَّقُواْ يَوْماً تُرْجَعُونَ فِيهِ إِلَى اللّهِ ثُمَّ تُوَفَّى كُلُّ نَفْسٍ مَّا كَسَبَتْ وَهُمْ لاَ يُظْلَمُونَ
“Аллоҳга қайтариладиган кунингиздан қўрқинг. Сўнгра хар бир нафс қилганига яраша олади ва уларга асло зулм қилинмас” (Бақара, 281)
Ҳаммамиз Аллохнинг гуноҳкор бандаларимиз ва ул Зотга кайтгувчимиз. Қиёмат куни Аллоҳ, Мен сенга устингдаги зулмга жим чидаб юравергин демаган эдим, бошингдаги зулмни кўтариш учун сенда ихтиёр бериб қўйган эдимку, холатингни ўзгартиришни нега ихтиёр қилмадинг? деган саволга нима деб жавоб берамиз?
“Аниқки, то бирон қавм ўзларини ўзгартирмагунларича Аллоҳ уларнинг аҳволини ўзгартирмас”. (Раъд,11)
Эй мусулмонлар! Устингиздаги зулмларга ва хорликларга қачонгача чидаб, индамай юрасиз? Ўзингизча “сабр” деб, ўзингизни овунтириб юрган сабрингизни охири, нихояси борми? Ёки келажак авлодга хам шу бемаъни сабр–тоқатни мерос қилиб қолдирмокчимисиз? Ёки ўзингиз яшаб турган жирканч жамиятними? Ёки ёлғон ва фисқу–фасодга тўлган мамлакатними? Ёки «мустақил» дейилаётган, аслида эса хали ҳам мустамлака давлатними? Сиз ўйламанг, хозирги қийинчиликлар вақтинчалик, деб. Бу хеч қачон тугамайди, қачонки давлат ўз фуқароларига инсон сифатида қарасагина аҳвол ўзгариши мумкин. Ёки демократик жамият фуқароларини ҳақиқий иззат икром билан, хурмат билан эъзозлайдими? Бу жирканч жамиятда фақатгина “манфаатлар” деган сўз бор холоску, сиздан манфаат кўрмаса, ўша захоти кераксиз чиқиндига айланасиз, шундай жамиятни сизга бахт беришига ишонаяпсизми?
Ўз фуқаросининг хамма муаммоларини тўлиқ илоҳий қонун билан хал қилиб берадиган Исломий давлатгина фуқароларини Аллоҳнинг мукаррам бандаси деб қарайди ва уни тўлик мукаммал эъзоз билан эъзозлайди,
وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُم مِّنَ الطَّيِّبَاتِ وَفَضَّلْنَاهُمْ عَلَى كَثِيرٍ مِّمَّنْ خَلَقْنَا تَفْضِيلاً
“Аниқки, Биз Одам авлодини азизу мукаррам қилиб қўйдик ва уларни қуруқлик ва денгизда (уловлар билан) кўтардик, ҳамда уларни пок нарсалар билан ризқлантирдик ва уни Ўзимиз яратган кўп нарсалардан мутлақо афзал қилиб қўйдик”. (Исро, 70)
Хозирги ва бундан кейинги хукуматлар ҳам, модомики мусулмонни Аллоҳнинг бандаси, мукаррам зот, деб кўрадиган давлат бўлмас экан, сизу бизни одам ўрнида кўрмайди, улар бизни чўнтакларини тўлдирувчи механизмнинг таъминот батарейкаси, деб билишади. Эскирдингизми, янгисига алмаштиришади, уларга фойда келтирмайдиган нарсаларни эса чиқиндига чиқаришади.
Шундай экан, кўзимизни очиш вақти аллақачон келган, дунё Исломи уйғона бошлади, сиз ҳам уйғонинг Ўзбекистон мусулмонлари!
Ўзбекистон Ҳизб ут-Таҳрирининг медиа офиси Зайниддин
09.01.2014й.
