Ҳукуматнинг фарзандларимизни онгли равишда онгсиз қилиш ҳаракатлари кучаймоқда

بِسْمِ اللهِ الرَّحْمٰنِ الرَّحِيمِ

Хабар: Андижон вилояти халқ таълими тизими тармоқлардаги муҳокамалар марказида қолмоқда. Исми сир қолишини сўраган мактаб директорининг Озодлик радиосига айтишича шу кеча-кундузда Андижон мактабларида урф бўлаётган кечаси гулхан ёқиш анъанасига ўз муносабатини билдирди.

Мактаб раҳбарларининг вазифаси маҳалладаги уюшмаган ёшлар учун кечаси соат 9дан 10гача дискотека ташкил қилиш.

Андижон тумани ХТБ мудири тасдиқлаган “тадбирлар жадвали”да бу аниқ кўрсатилган. Мактаб директорининг айтишича, вилоятдаги барча мактаб директорлари ва уларнинг ўринбосарларига ҳар куни соат 22.00гача мактабда қолиш мажбурияти юкланган.

Ижтимоий тармоқларда тарқалган видеода 20дан ортиқ мактаб ходимининг қишки кийимда, мактаб ҳовлисида колумбиялик қўшиқчининг ашуласига эрталабки бадантарбия қилаётгани акс этган. Видео Андижон вилояти Жалақудуқ туманидаги 1-ИДУМда олингани аниқланди.

Изоҳ: Президент гулхан ёқ, дейиш билан Каримов давридан меърос қолган тарбиялаш услубини жадал қўллашга тарғиб қилмоқда. Баъзилар мактаб директорлари гапнинг маъносини англамади, “президент гулхан ёқ демаган, гулхандай қизисин” деган дейишмоқда. Шу ерда ўринли бир савол туғилади: нега унда халқ таълими вазирлигининг жойлардаги мутасадди раҳбарлари “оташпарастлик” кўринишидаги “гулхан атрофида мушоира кечаси” ўтказилишини ва Исломда қораланган бошқа тадбирларни ташкиллаштиришни қаттиқ туриб назорат қилишмоқда? Гулхандай қизисин, дегани дискотека уюштириш, компьютер ўйинлари ўйнатиш, фильм томоша қилдиришми?

Барча Исломий ўлкаларда бўлганидек, Ўзбекистон мактабларидаги таълим ҳам ёш авлод онгига хаёлий фаразларни жойлаш ва жуда чекланган билимни назарий бериш билан шуғулланади. Бундай таълим натижасида ёш авлодда ягона дунёқарашга асосланган онг шаклланмади. Уларда ақлий йўл билан ҳақиқатларни тадқиқ қилиш қобилиятига ҳам тўсиқ қўйилди. Шунингдек, бу “билим даргоҳлари” ўсмирларга ўзида уйғонаётган нафс ва туйғуларни тўғри йўналтиришни ўргатиб тарбия бермайди, аксинча йигит ва қизларни ёнма-ён ўтқизиб эркин муносабатда бўлишларига шароит яратиб беради. Инсонга фақат салбий таъсир этувчи бундай муҳитда ҳам ўзининг тақво-поклик йўлини топаётган муслималарга эса, “бошқа миллатнинг кийинишига тақлид қилма” деб ҳукумат ҳар тарафдан босим қилади. Имомлар эса, динига амал қилган муслималарга қарши чиқиб, мактаб формасига риоя қилишлари кераклигини айтишади. Қасддан бузуқлик-фаҳшни пайдо қилиш учун уюштирилаётган дискотекалар ва турли байрамлар баҳонасида ташкил қилинаётган валсга тушириш каби тоқат қилиб бўлмайдиган даҳшатли ишларга қарши ҳукумат жонкуярлари ва имом-домлалар курашиш тугул бирор муносабат ҳам билдиришмайди! Нега? Чунки ҳукуматдагиларнинг зеҳнияти шундай. Улар жамиятда Ислом таъсири йўқ қилинса, халқни хоҳлаган сиёсат билан истаганча бошқарамиз, дейишади. Шавкат Мирзиёев биз халқни онгли равишда онгсиз қилдик, деганда мана шуларни назарда тутган эди.

Исломда эса, таълимнинг икки асосий мақсади бор, улар қуйидагилар:

1. Уммат фарзандларида Исломий ақлия ва нафсиядан иборат Исломий шахсияни (комил мусулмонни) пайдо қилиш. Бу иш уларнинг диллари ва ақлларига Исломий сақофатни (ақида, қонун, адабиёт ва тарихдан олинадиган билимлар мажмуасини) эътиқод сифатида ҳам, тафаккур сифатида ҳам, турмуш тарзи сифатида ҳам сингдириш орқали амалга ошириш.

2. Мусулмон фарзандларини ижтиҳод, фиқҳ, қозилик каби Исломий илмлар соҳасида бўлсин ёки геометрия, химия, физика ва тиббиёт каби аниқ фанлар соҳасида бўлсин, ҳаётнинг барча соҳаларида мутахассис олимлар қилиб етиштириш.

Агар халқимиз Исломига қайтса, тафаккури ва иқтисодида кимгадир қарам ёки малай бўлмай ўз тузуми билан таъсир кўрсатувчи етакчи Умматга айланади ва юқоридаги таълимга доир мақсадлар амалга ошади.

Бугунги кунда Ўзбекистонда Исломга даъват қилгани учун қамалаётганлар, рўмоли ечтирилаётганлар, дискотека ва бошқа бузуқлик йиғинларига мажбурланаётганлар бизнинг укаларимиз, сингилларимиз, фарзандларимиздир. Уларга етказилган зулм ҳеч қандай истисносиз Ислом ва мусулмонларга қилинган зулмдир. Зеро, Ислом ва куфр ўртасидаги кураш қиёматгача давом этади. Исломни қабул қилган бирор халқ ундан воз кечмаган, унга амал қилган Уммат эса, ғолиб бўлмай қолмаган. Шундай экан, Аллоҳнинг динига ёрдам берайлик, Исломга амал қилайлик. Шунда Аллоҳ ҳам бизга ёрдам бериб, икки дунёда ғолиблардан қилади. Аллоҳ Таоло айтади:

وَقُلْ جَاء الْحَقُّ وَزَهَقَ الْبَاطِلُ إِنَّ الْبَاطِلَ كَانَ زَهُوقاً

– “Ва: “Ҳақ келди ва ботил йўқ бўлди. Албатта, ботил доимо йўқ бўлувчидир” – деб айт”.                                                              (Исро:81)

Ҳизб ут-Таҳрирнинг Ўзбекистондаги матбуот бўлими аъзоси Абдураҳмон

24.02.2022й