بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Имомларимизни жума минбарларидан маҳрум қилиш Американи рози қилиб, Аллоҳнинг динига уруш қилишдир!

2017 йил 27 феврал якшанба ва душанба кунги матбуотда тарқатилган хабарларга кўра, Олий кенгаш Хартум марказидаги катта жоме масжидининг икки улуғ имоми шайх Камол Ризқ билан шайх Исмоил Ҳакимни даъватдан тўхтатиб қўйган. Олий кенгаш қарорни оғзаки равишда чиқарган ва ҳеч қандай расмий қоғоз тақдим қилмаган. Шайх Камол Ризқ «Ахиру лаҳза» газетасининг 2017 йил 26 феврал якшанба кунги сонига берган интервьюсида «Масжидда 23 йилдан бери хутба қилиб келганини, бундай тақиқ ортидаги сабаб хутбанинг айрим доираларга ёқмаётган бўлиши мумкинлиги»ни таъкидлади. Айни газетанинг эртасига душанба куни берган – хатиб минбардан туриб давлатнинг бирор доирасига қарата танқид йўлласа, бу доиранинг жаҳлини чиқарган бўлиши мумкинми, деган саволига шайх Исмоил Ҳаким «Мен хутбанинг бундай тўхтатилиши оғизларни ёпиш сиёсати ва ташвиқоти билан боғлиқмикан, бу сиёсатни аввало масжид минбарларидан бошлашдимикин, деб чўчияпман», деб жавоб қилди. Сўнг «Қилаётган хутбалари ўтган йиллардаги хутбалардан фарқ қилмаслигини, мавзуларида ҳам бирор янгилик бўлмагани»ни қўшимча қилди.

Судан ҳукумати ҳам юртни илмонийлаштириш ва Исломни четлатиш, холис, ростгўй инсонлар оғзини ёпиш каби Америка лойиҳаси бўйича шаҳдам қадам ташлай бошлади, бунга асло шубҳа йўқ. Зотан, имомларни жума минбаридан четлатиш Американи рози қилиб, Аллоҳ динига уруш эълон қилишдир. Масалан, 2016 йил августда Иршод вазири Аммор Мирғани бозор ва жамоат жойларида ваъз-иршод ҳалқалари ва диний суҳбатлар ўтказишни тақиқлади, сўнг «юртдаги даъватни тўғри йўналиш бўйича олиб бориш тўғрисида юқоридан қарорлар келгани»ни айтди. У билан 2016 йил 18 октябрда ўтказилган мулоқотда «Даъват хутбаси намозхонлар тушунчасига қараб айтилиши лозим, масжид имоми уларга ҳукумат сиёсати ҳақида гапирмаслиги керак», деди. Сўнг «диний хутбаларни қайта кўриб, қолипга солишимиз керак», дея қўшимча қилди. 2016 йил 22 апрелда «Радиоконференция» номли дастурда масжид имомларини жума хутбасида вазирлар ва масъулларга ҳужум қилишдан огоҳлантирган ҳам шу вазир бўлади. Иршод вазирлиги 2016 йил 28 апрелда экстремизм ва терроризм ҳақида махсус конференция ўтказди. Буни Вашингтонда 2015 йил 19 февралда Америка ташқи ишлар вазирлиги ўтказган экстремизмга қарши кураш конференцияси билан мувофиқлашган ҳолда қилди. Шубҳасиз, Америка ташқи ишлар вазирлиги ўтказган конференция Исломни асосий айбдорга чиқариш, Исломга ва уни ҳакам қилишга ҳаракат қилаётганларни терроризмда айблаб, уларга қарши тилбириктириш учун ўтказилган. Бунга Судан ташқи ишлар вазирлиги вакилининг Америка президентининг диний эркинликлар бўйича вакили билан учрашганда «Судан дини йўқ давлатдир» (Явмут тали газетаси 2015 йил 5 октябр), деган сўзлари мисол бўлади.

Демак Америка истаётган ва Судан ҳукмдорлари ижро этаётган нарса Исломнинг сиёсатда ҳеч қандай ролга эга бўлмаслиги, одамлар исломий шариат татбиқини талаб қилмаслиги, ҳукмдорлардан Ислом асосида ҳисоб сўрамаслиги, Ислом фақат ибодатларга, шахсий масалаларга чекланган бўлиши, яъни худди коҳинлик каби инсонлар ҳаётига алоқаси бўлмаслиги, шариатни четлатиш ва ғайриилоҳий қонунларни татбиқ қилиш иши давом этишидир. Улар шуларни амалга оширишга ҳаракат қилишмоқда.

يُرِيدُونَ لِيُطْفِئُوا نُورَ اللَّـهِ بِأَفْوَاهِهِمْ وَاللَّـهُ مُتِمُّ نُورِهِ وَلَوْ كَرِهَ الْكَافِرُونَ

«Улар Аллоҳнинг нурини оғизлари билан ўчирмоқчи бўлишади, Аллоҳ эса, гарчи кофирлар истамасалар-да, Ўз нурини тўла ёйгувчидир»                        [Саф 8]

Судан ҳукмдорлари буларнинг барчасини Американи рози қилиш учун, Судан номи терроризмни ҳимоя қилаётган давлатлар рўйхатидан олиб ташланиши учун қилишмоқда.

Америка истаётган ва Судан ҳукмдорлари ижро этаётган бундай макр, инша Аллоҳ, йўқ бўлишга маҳкумдир. Бу маккорлар истамасалар-да, ушбу аср, Ислом асридир, Пайғамбарлик минҳожи асосидаги рошид Халифалик давлати асридир. Ушбу давлат барпо бўлганда

وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ

«Золим кимсалар яқинда қандай оқибатга қараб кетаётганларини билиб олурлар»                                                                                       [Шуаро 227]

Иброҳим Усмон (Абу Халил)

Ҳизбут Таҳрирнинг Судан

вилоятидаги расмий нотиғи

Телефон: 0912377707 – 0912240143

Электрон почта: spokman_sd@dbzmail.com