Иордания қиролининг Трамп билан учрашишидан мақсад юрт аҳлини Америка манфаатлари учун сафарбар қилишдир
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
Иордания қиролининг Трамп билан учрашишидан мақсад юрт аҳлини Америка манфаатлари учун сафарбар қилишдир
Трамп қирол Абдуллоҳ II билан биргаликда берган матбуот анжуманида Иордан-Америка муносабатлари билан боғлиқ бир неча нарсаларга тўхталди. У ўз нутқида бундай деди:
«Қирол Абдуллоҳ II чуқур фикрли, режа билан иш тутадиган ва қатъий қарорли инсон бўлгани боис Америка ўзини у билан бахтиёр ҳис қилади. У мамлакатининг махсус кучларига кўп йиллар давомида етакчилик қилган. Сизларга шуни айта оламанки, у аскар бўлиш нимани англатишини яхши билган инсон, қандай жанг қилиш кераклигини билади. Қирол ИШИДни буткул мағлубиятга учратиш режасини тузиш даъватига етакчилик қилди, мен сиз қирол жанобларини бу борада қўллаб-қувватлайман. Сизларни ишонтириб айтаманки, иккаламиз ҳам бу соҳадаги ҳаракатларга етакчилик қиламиз, бугун биз гаплашган ва келажакда амалга оширадиган ишлар мана шулар. Бу жанг кўпчилик ўйлаётгани каби узоққа чўзилмайди, менга ишонинглар, биз катта қадамларни ташладик, шунингдек, ИШИДдек бир ёвуз кучга ҳамда унга илҳом бераётган ва бутун олам бошига бало олиб келган адашганлар фикрларига қарши курашиш чораларини қирол Абдуллоҳ II билан муҳокама қилдик. Америка ва Иордания нафақат Ўрта Шарқ, балки бутун дунёда реал тинчлик ва барқарорликни амалга ошириш йўлидаги ишларни биргаликда амалга оширишга қодир ва биз буни уддалаймиз…».
Трампнинг бу баёноти Иордания режими юрт аҳлини Американинг бу ифлос урушига аралаштиришга ҳаракат қилаётганини англатади. Масалан, Трампнинг айни баёнотига жавобан қирол ҳам бундай деди:
«… Шубҳасиз, биз дунёда мана шундай муаммоларга дуч келаётган бир вақтда, Америка айни масалалар олдида асосий роль бажарди. Лекин бу деганим, бундай улкан меҳнатларни фақат Қўшма Штатларнинг бир ўзидан кутаётганимизни англатмайди, балки бу меҳнатларга барчамиз биргаликда ҳиссамизни қўшмоғимиз кераклигини, Американи қўллаб-қувватлаб, унга ёрдам беришимизни англатади».
АҚШ президенти Трамп Исломга қарши очиқчасига уруш эълон қилиб, Исломий Умматдан ва Исломдан нафратланишини изҳор қилди. Унинг бу эълони капиталистик жирканч қадриятларни ва вайрон қилувчи турмуш тарзини мусулмонларга зўрлаб ўтказиш учун Ислом ақидасига қаратилди. Бундан ташқари мусулмонлар юртларига таъмагирлик қилиб бу юртлардаги бойликларни талади, халқини қашшоқлаштирди ва босқинчи яҳуд вужудини тўхтовсиз қўллаб-қувватлади. Американинг мустамлакачилик сиёсати ҳамда у амалга оширган қирғин ва босқинчиликлар оқибатида ҳар бир жойда мусулмонлар зулм остида яшамоқда. У мусулмонлар юртларида террорни келтириб чиқарди, уни озиқлантирди ва бу юртлар ишларига аралашиш учун террордан йўлак ўрнида фойдаланди. Бу юртлар ишларига аралашишдан кўзлаган мақсади ҳукмронлик қилиш ҳамда бу юртларни ўзининг мустамлакачилик лойиҳалари хизматига бўйсундириш бўлди. Мана шуларга қарамасдан Иордания режими раҳбари шундай баёнотларни бермоқда ва Трампни қўллаб-қувватламоқда.
Эй Иорданиядаги мусулмонлар!
Америка ва унинг иттифоқчилари, тобеларию малайлари сизларни бўйсундиришни, юртларингизга куфрни ҳукмрон қилишни, буюк Исломингиз асосида уйғонишингизга йўл қўймасликни режалаштиришди. Динингизга ҳамда унинг аҳкомлари асосида яшашга бўлган рағбатингизга қарши уруш қилиш учун қаттиқ тайёргарлик кўришди. Бас, ҳукмдорларингиз Америка ва бошқа куфр тоғут кучлар режаларини ижро этишларига имкон берманг. Шунингдек, аскар фарзандларингизни Американинг Ислом ва мусулмонларга қарши урушига сафарбар қилаётган экан, бунга йўл қўйманг, ахир, Аллоҳ Таоло бундай деган:
يَا أَيُّهَا الَّذِينَ آمَنُوا لَا تَتَّخِذُوا عَدُوِّي وَعَدُوَّكُمْ أَوْلِيَاءَ تُلْقُونَ إِلَيْهِم بِالْمَوَدَّةِ وَقَدْ كَفَرُوا بِمَا جَاءَكُم مِّنَ الْحَقِّ يُخْرِجُونَ الرَّسُولَ وَإِيَّاكُمْ ۙ أَن تُؤْمِنُوا بِاللَّـهِ رَبِّكُمْ إِن كُنتُمْ خَرَجْتُمْ جِهَادًا فِي سَبِيلِي وَابْتِغَاءَ مَرْضَاتِي ۚ تُسِرُّونَ إِلَيْهِم بِالْمَوَدَّةِ وَأَنَا أَعْلَمُ بِمَا أَخْفَيْتُمْ وَمَا أَعْلَنتُمْ ۚ وَمَن يَفْعَلْهُ مِنكُمْ فَقَدْ ضَلَّ سَوَاءَ السَّبِيلِ* إِن يَثْقَفُوكُمْ يَكُونُوا لَكُمْ أَعْدَاءً وَيَبْسُطُوا إِلَيْكُمْ أَيْدِيَهُمْ وَأَلْسِنَتَهُم بِالسُّوءِ وَوَدُّوا لَوْ تَكْفُرُونَ* لَن تَنفَعَكُمْ أَرْحَامُكُمْ وَلَا أَوْلَادُكُمْ ۚ يَوْمَ الْقِيَامَةِ يَفْصِلُ بَيْنَكُمْ ۚ وَاللَّـهُ بِمَا تَعْمَلُونَ بَصِيرٌ
«Эй мўминлар, Менинг душманим ва сизларнинг душманларингизни дўст тутманглар! Сизлар уларга дўстлик (ҳақида хат-хабар) юборурсизлар, ҳолбуки улар сизларга келган ҳаққа кофир бўлгандирлар! Улар пайғамбарни ҳам, сизларни ҳам Роббингиз бўлмиш Аллоҳга имон келтирганларингиз сабабли (ўз диёрларингиздан) ҳайдаб чиқармоқдалар-ку! Агар сизлар Менинг йўлимда жиҳод қилиш учун ва Менинг розилигимни истаб чиққан бўлсангизлар (у ҳолда мушрик-кофир кимсаларни дўст тутманглар)! Сизлар уларга пинҳона дўстлик қилмоқдасизлар. Ҳолбуки, Мен сизлар яширган нарсани ҳам, ошкор қилган нарсани ҳам жуда яхши билгувчидирман! Сизлардан ким шу (иш)ни қилса, бас, аниқки, у тўғри йўлдан озибди! (Эй мўминлар), агар улар устингиздан зафар топсалар, душманларингиз бўлурлар ва сизларга қўл ва тилларини ёмонлик билан чўзурлар (яъни сизларни ўлдирурлар, ҳақоратлар қилурлар). Улар сизларнинг яна кофир бўлишларингизни истарлар. (Қиёмат кунида) сизларга қариндош-уруғларингиз ҳам, бола-чақаларингиз ҳам ҳаргиз фойда бермас! Қиёмат кунида (Аллоҳ) ўрталарингизни ажратиб қўюр. Аллоҳ қилаётган амалларингизни кўриб тургувчидир» [Мумтаҳина 1-3]
Ҳизб ут-Таҳрирнинг
Иорданиядаги матбуот бўлими
E-Mail: info@hizb-jordan.org
