Иордания режими инсон ўйлаб топган қонунига ўзгартиш киритиш билан икки ёмон хислатни жамлади!
بِسْمِ اللهِ الرَّحْمنِ الرَّحِيمِ
Матбуот баёноти
Иордания режими инсон ўйлаб топган қонунига ўзгартиш киритиш билан икки ёмон хислатни жамлади!
Иордания вазирлар кенгаши депутатлар кенгашига жазо қонунларига тузатиш киритишга оид қонун лойиҳасини тақдим этди. Бу лойиҳа тўрт юз олтмиш еттитадан иборат аслий қонундан бир юз етмиштасига, яъни амалдаги қонуннинг учдан биридан кўпроғига оид тузатишни ўз ичига олди. Бу жазо қонунларига 1960 йилдан бери йигирма тўртинчи марта тузатиш киритилиши. Бу эса икки нарсага далолат қилади:
Биринчи: Инсон томонидан ўйлаб топилган қонун башарият муаммоларини ҳал этишга ожиз, демакки, лаёқатсиз ва парокандадир. Қанчалик тузатилгани ёки унга қўшимча қилингани ёхуд ундан олиб ташлангани сари, шунчалик унинг мавжуд муаммоларни ҳал этишида муваффақиятсизлик келиб чиқаверади. Ҳатто мавжуд қонуннинг ўзини татбиқ қилиш билан ҳам кутилмаган янги муаммо пайдо бўлаверади… Аллоҳ Субҳанаҳу ва Таолонинг ушбу каломи нақадар ҳақ:
أَلَا يَعْلَمُ مَنْ خَلَقَ وَهُوَ اللَّطِيفُ الْخَبِيرُ
«(Ахир) яратган зот (Ўзи йўқдан бор қилган нарсаларни) билмасми?! У меҳрибон ва (ҳар нарсадан) хабардор зотдир» [Мулк 14]
Бу ақлдан озган кимсалар инсон томонидан ўйлаб топилган қонунларни олиш ва раббоний қонунларни тарк этишнинг гуноҳ эканини англаб етиш ўрнига, бу қонунларга тузатиш ва ўзгартиш киритиб ётишибди, Аллоҳ Субҳанаҳунинг ҳукми ва қонунига қайтишдан ҳазар қилишяпти. Аллоҳ Субҳанаҳу ва Таоло бундай деди:
فَأَمَّا الَّذِينَ آمَنُواْ وَعَمِلُواْ الصَّالِحَاتِ فَيُوَفِّيهِمْ أُجُورَهُمْ وَيَزيدُهُم مِّن فَضْلِهِ وَأَمَّا الَّذِينَ اسْتَنكَفُواْ وَاسْتَكْبَرُواْ فَيُعَذِّبُهُمْ عَذَاباً أَلُيماً وَلاَ يَجِدُونَ لَهُم مِّن دُونِ اللّهِ وَلِيّاً وَلاَ نَصِيراً
«(Аллоҳ) имон келтириб, солиҳ амаллар қилган кишиларнинг мукофотларини комил қилиб бериб, яна Ўз фазлу карамидан қўшимча ҳам қилур. Аммо ор қилган, кибру ҳаво қилган кимсаларни эса, аламли азоб билан азоблайди ва улар ўзлари учун Аллоҳдан ўзга на бир дўст топурлар ва на бир мададкор» [Нисо 173]
Иккинчи: Иордания режими, аслида, инсонлар ишини бошқариш учун тузилган эмас. Шунинг учун у қонун тузиш ва қонунчиликда янгилик яратиш ишларини муаммоларни ҳақиқатда ҳал этиш учун қилмайди. Аксинча, одамлар бошдан кечираётган муаммолардан, ўз қилмишларини оқлашда, инсонлар ҳақ-ҳуқуқлари ва молларига тажовуз қилиш жиноятларини яширишда ҳамда Исломга даъват қилаётганларга қарши курашиб, уларни жиноятчига чиқаришда фойдаланмоқда… Шунингдек, ўзига қарши чиқиши мумкин бўлган ёки ҳуқуқини талаб қилган ёхуд коррупцион синф вакилларини танқид қилган, улардан ҳисоб талаб қилган барча кимсаларни бостиришда фойдаланмоқда… кофир Ғарб дунёқарашини мусулмонларга зўрлаб ўтказиш орқали Ғарб ва унинг муассасаларини рози қилишга уринмоқда… Мана шу қилмишларнинг барчаси айни тузатишда яққол кўзга ташланади.
Дарҳақиқат, Иордания режими жазо қонунларини янги бир манбалардан бирига, яъни жарималарни бир неча баробарга ошириш орқали молларни талаш манбаига айлантирди. Режим «террор» маъносини янги кенг маънолар билан бойитди. Бу таъриф орқали ҳар томонга оғдириш мумкин бўлган эгилувчан иборалар билан исталган кишини террорчиликда айблаш мумкин. Чунки бу режим терроризмнинг «зўравонлик», деган таърифидан, қонуннинг асл матнида келганидек, «ҳар қандай қасд қилинган иш ёки шу иш билан таҳдид қилиш ёки ундан ман этиш… ва шунга ўхшаш» иборани ишлатишга ўтиб олди. Шунингдек, терроризм таърифида истаган томонга бурса бўладиган эгилувчан ибораларни қўллади, масалан, «жамият тинчлигини хавф остига қўядиган ёки фитна чиқариб, шу орқали тузумни ағдаришга сабаб бўладиган» каби. Бу ибора эса шуни англатадики, жамиятдаги партия аъзолари, касаба уюшмаси аъзолари, журналистлар, ёзувчилар ва бошқалар ҳам, бирор сўз ёки мақола ёхуд шарҳ сабабли «терроризм» билан айбланишлари мумкин бўлади. Дарвоқе, тузилган бу қонунда жазо энг камида ўн йилга белгиланди.
Шунингдек, тузатиш киритилган қонунда «ноқонуний жамоа»га бериладиган жазо кучайтирилиб, вақтинча ишлаш жазосига ўзгартирилди. Маълумки, Иордания режими исломий ҳаётни қайта бошлашга ва Ислом аҳкомларини барпо этишга ҳаракат қилаётганларни, хусусан, Ҳизб ут-Таҳрирни «ноқонуний жамоа», деб атайди. Ваҳоланки, Ҳизб бир марта ҳам моддий иш билан шуғулланмаган ва даъватида зўравонлик қўлламайди. Чунки унинг тариқати Набий САВнинг тариқатларидир. Сарвари олам Мадинаи мунавварада илк Ислом давлатини барпо этиш йўлида бирорта ҳам моддий иш қилган эмаслар. Бироқ шунга қарамай, Ҳизб йигитлари моддий иш, зўравонлик қилиш айбловлари билан суд қилинмоқдалар. Шунингдек, режим қонун тузатиш ишида норозилик намойишларига оид жазони кучайтирди, давлат мулозимларининг иш ташлаш пикетларини жиноят, деб белгилади ҳамда кофир Ғарбни рози қилиш учун айрим ташкилот ва ҳайъатлар талаб қилаётган ўзгартишларни ҳам қонунга қўшимча қилди.
Хуллас калом, бу қонунга киритилган тузатишлар ҳам, уларнинг асллари ҳам, барчаси жуда-жуда ёмондир, қонунчилик гуноҳига қўшимча янада гуноҳдир. Шунинг учун биз Иорданиядаги мусулмонларни бу режимга тўғри йўлни кўрсатиб қўйишга ҳамда репрессив адолатсиз қонунларини зўрлаб тиқиштиришдан қайтаришларига чақирамиз. Чунки режимни агар ношаръий ҳукм чиқаришида қўйиб берсалар, ёвузликда давом этаверади. Дарҳақиқат, Аллоҳ Субҳанаҳу золимлар зулмига сукут қилувчиларга қаттиқ азоб ваъда қилиб, бундай деган:
وَاتَّقُواْ فِتْنَةً لاَّ تُصِيبَنَّ الَّذِينَ ظَلَمُواْ مِنكُمْ خَآصَّةً وَاعْلَمُواْ أَنَّ اللّهَ شَدِيدُ الْعِقَابِ
«Сизлардан фақат золим кимсаларнинг ўзигагина етмай (балки барчага етадиган) балодан сақланингиз! Ва билингизки, албатта Аллоҳнинг азоби қаттиқдир» [Анфол 25]
Мусулмонлар барча муаммоларининг реал ечими Холиқ Субҳанаҳу ва Таоло шариатини ҳаётнинг барча соҳасида татбиқ этиш билан бўлишини биладилар. Шунинг учун биз уларни режим ва унинг бутун гумашталарини рад этиб, Пайғамбарлик минҳожи асосидаги рошид Халифалик давлатини барпо этиш орқали исломий ҳаётни қайта бошлаш учун Ҳизб ут-Таҳрир билан бирга фаолият олиб боришга даъват қиламиз.
مَنْ عَمِلَ صَالِحاً مِّن ذَكَرٍ أَوْ أُنثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُم بِأَحْسَنِ مَا كَانُواْ يَعْمَلُونَ
«Эркакми ё аёлми — кимда-ким мўмин бўлган ҳолида бирон яхши амал қилса, бас, Биз унга покиза ҳаёт ато этурмиз ва уларни ўзлари қилиб ўтган амалларидан чиройлироқ ажр-савоблар билан мукофотлаймиз» [Наҳл 97]
Ҳизб ут-Таҳрирнинг
Иорданиядаги матбуот бўлими
E-Mail: info@hizb-jordan.org
