بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Иордания режими жиноятларни олдини олиш ҳамда терроризмга қарши кураш қонунлари орқали Ҳизб ут-Таҳрирга зулмни кучайтирмоқда

Иордания режими қонун устуворлиги, адолат, тенглик, ҳалоллик ва шаффофликнинг рўёбга чиқаётгани ҳақидаги ҳайқириқлари билан одамларнинг энсасини қотирмоқда. Шунингдек бу режим инcон ҳуқуқлари ҳимоя қилинаётгани, ўз адлиясининг мустақил ва ҳалоллигига эътибор берилаётганини ҳам даъво қилиб келади. Шундай даъволардан охиргиси бош вазир Ҳоний Мулқийнинг депутатлар кенгаши олдида «Ҳукумат Иордания адлияси мустақиллиги ва ҳалоллигига эътибор бериш билан фуқаролар ўртасида адолат ва тенгликни кафолатламоқда» дея баёнот бериши бўлди.

Шунча баёнотлардан кейин, мана, Иордания режими зулмни кучайтириб, халқни алдамоқда: охиратини дунё эвазига сотган, бировга зулм қилишни яхши кўрадиган кимсаларни ишга солмоқда. Улар шу халқ фарзандлари бўлган Ҳизб ут-Таҳрир аъзоларига нисбатан ўз нафратларидан келиб чиққан ҳолда, ҳақиқатни бузиб кўрсатиб, уларга нисбатан жиноятларни олдини олиш қонуни билан терроризмга қарши кураш қонунларини қўллашмоқда… Яъни маъмурий раҳбарлар Ҳизбнинг адлия қарори билан озод этилган аъзоларига нисбатан ҳибсга олиш, узоқ муддатга (олти ой) уй қамоғида ушлаш ҳамда 100.000 диноргача кафолат белгилашга ўтишди… Улар ҳокимият қўлларида бўлгани сабабли ҳамда улар учун жиноятларни олдини олиш қонуни берган салоҳиятларга таяниб йигитлар устидан ҳам, бош вазир томонидан «мустақиллиги ва ҳалоллигини ҳурмат қилиш» иддио қилинган Иордания судлари қарорлари устидан ҳам устунлик қилишмоқда. Бу қонун улар учун одамларга зулм қилиш ва ҳақ-ҳуқуқларини топташга имкон бермоқда. Ваҳоланки, жиноятларни олдини олиш тўғрисидаги айни қонунда унинг қандай шахсларга нисбатан қўлланиши учинчи модда орқали белгилаб қўйилган. Яъни бу қонун илгари жиноят содир этган шахсларга қўлланилиб, сиёсий фаолият қилган ёки исломий сиёсий фаолият шарафига эга бўлган шахслар улар орасида йўқ. Бироқ бу маъмурий раҳбарлар айни қонунни Ҳизб ут-Таҳрир аъзоларига нисбатан зулм ва адоват билан ишга солишяпти ҳамда зулмлари учун улардан ҳисоб талаб қиладиган, ҳақ тарафини олиб, бундай адолатсизликни даф қиладиган, Ҳизб азоларига мунофиқлик қилаётган бундай раҳбарларни тийиб қўядиган бирорта ҳам инсон топилмаётганидан фойдаланишяпти!!

Энди, режимнинг Ҳизб ут-Таҳрир аъзоларига нисбатан терроризмга қарши кураш қонуни билан зўравонлик қилаётганига келсак, шуни таъкидлаш лозимки, давлат хавфсизлик суди ноҳақ равишда Ҳизб аъзоларидан бирига тўрт йил қамоқ жазосини берди, маҳбус қамоқнинг маълум вақтини оғир меҳнат шароитида ўтказадиган бўлди. Ушбу муҳандис Иброҳим Муҳаммад Абдулфаттоҳ Наср исмли гўзал ахлоқли биродаримизга қуйидаги айбловлар қўйилди:

1 –   ИШИД ташкилотининг маълумот тармоғидан фойдаланган ҳолда террорчи ташкилот фикрларини тарқатиш;

2 –   Ҳукумат ижозат бермайдиган ва давлатнинг бошқа давлатлар билан муносабати бузилишига олиб келадиган фаолиятлар билан шуғулланиш;

3 –   Тилга эрк бериш.

Булардан ташқари, суд айтилаётган жиноятлар учун бирорта асос топилмаганини ҳам инобатга олмади. Шунингдек, прокуратура гувоҳи электрон жиноятлар бўйича эксперт Айюб Валид Абу Робиъ тақдим этган ҳужжатдан ҳам кўз юмди. Ҳужжатда эса «… Муҳандис Иброҳим Муҳаммад Абдулфаттоҳ Насрнинг Фейсбукидаги нашрлари Ҳизб ут-Таҳрирни ва Исломий Халифалик барпо этишни қўллаб-қувватловчи адабиётлар сирасига киради», дейилган. Шу билан бирга, унинг Ҳизб ут-Таҳрирга аъзолигини тан олганидан ҳам кўз юмди.

Режимнинг мана шундай фактларни била туриб, ўзини билмасликка олаётгани шуни исботламоқдаки, у Ҳизб ут-Таҳрирни жуда яхши билади, унинг сиёсий ҳизб эканини, моддий зўравонлик билан шуғулланиш Ҳизбнинг шаръий тариқатида табанний қилинмаганини, бу аъзолари томонидан мутлақо табанний қилинмаганини, фикрлари ва фаолиятларида бунга тарғиб этилмаганини, буларнинг барчасини яхши билади. Аммо шуларни била туриб, ҳукумат Ҳизб аъзоларидан бири муҳандис биродарни терроризмга қарши кураш қонуни асосида суд қилиш мақсадида ўзи виждонан аниқ ҳис қилиб, кўриб турган фактлардан ҳамда гувоҳликлардан кўз юмди. Бунга биродарнинг Фейсбукда Халифалик давлатини барпо этишга даъват қилувчи нашрлар бор, деган нарсани дастаклади. Ҳолбуки, Ҳизб Пайғамбарлик минҳожи асосидаги Халифалик давлатига 1953 йилдан, яъни ҳали ИШИД, деган нарса пайдо бўлишидан олдин даъват қилиб келмоқда. Ўшандан буён Ҳизб аъзолари сафар қилишдан маҳрум этиш, ишдан бўшатиш, таъқибу тазйиқ остига олиш, қамоққа ташлаш, қийноқларга солиш ва ўлдириб юбориш… каби не-не азоб-уқубатларга дуч келмадилар… Аммо шуларга қарамай, иродалари синмаган ҳолда собит туриб сабр қилиб келмоқдалар ва то яқинда Аллоҳ Ўз изни ила мусулмонларга нусрату ғолиблик бергунга қадар шундай туражаклар. Унинг сайтида нашр қилинган байроқ сурати эса, Уқоб байроғи, Росулуллоҳ САВнинг ва бутун мусулмонларнинг роялари суратидир. Бу суратни Қироллик девони сайтидаги мусулмонлар байроқларининг тарихий жадвалида ҳам кўриш мумкин. Шунчалар ҳам адолатсизлик ва зулм бўладими, шунчалар инсон ҳаётига беписанд муносабатда бўлинадими, Исломга даъват қилиб, унинг учун фаолият қилаётган зотларга қарши шунчалик ҳам саркашлик билан курашиладими?!

وَاتَّقُوا يَوْمًا تُرْجَعُونَ فِيهِ إِلَى اللَّـهِ

«Ва (барчангиз) Аллоҳга қайтариладиган кундан қўрқинг!»            [Бақара 281]

Бас, энди кассацион суд куни кеча Ҳизб ут-Таҳрирга ҳамда «Мўъта масаласи», дейилган ишда айбланганларга инсоф қилгани каби, бугун муҳандис Иброҳим Муҳаммад Абдулфаттоҳ Насрга ҳам инсоф қилармикин. Ўшанда кассацион суд судьялари инсонларга зулм қилишдан кўра, истеъфо беришни афзал билгандилар. Ёки кассацион суд судьларига Аллоҳ Азза ва Жалланинг ушбу сўзлари тўғри келармикин?!

وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَإِثْمًا مُّبِينًا

«Мўмин ва мўминаларга – улар бирон гуноҳ қилмасалар ҳам – озор берадиган кимсалар бўҳтонни ва очиқ гуноҳни ўз устларига олибдилар»           [Аҳзоб 58]

Ҳизб ут-Таҳрирнинг

Иорданиядаги матбуот бўлими