بسم الله الرحمن الرحيم

Роя газетаси:

Бирлашган Миллатлар Ташкилоти Ямандаги очликка қарши урушда зиён кўргани йўқ, аксинча бу урушни бошлаган ва аланга олдираётган шу ташкилотдир

Ҳижрий 1440 йил 12 муҳаррам, милодий 2018 йил 22 сентябр шанба куни «Элаф» сайтида нашр қилинган хабарда бундай дейилади:

Жума куни БМТ Бош котибининг инсонпарварлик масалалари бўйича ёрдамчиси Марк Локок БМТнинг Ямандаги очликка қарши урушда зиён кўрганини айтди.

У Британия талаби билан ўтказилган Хавфсизлик Кенгашининг фавқулодда йиғинида «Вазият жуда қоронғу, биз очликка қарши урушда зиён кўряпмиз. Сўнгги ҳафталарда вазият хавотир уйғотадиган даражада мураккаблашмоқда», деди… Сўнг «Биз борса келмас нуқтага яқинлашиб қолдик. Бу – юртда кенг тарқалган очлик сабабли инсонлар ҳаёти масаласида катта йўқотишлардан сақланиш мумкин бўлмайдиган нуқтадир», деди.

Лококнинг таъкидлашича, Яман бугун «дунёдаги гуманитар кризиснинг энг оғир дамларини» гувоҳи бўляпти. У ерда «22 миллиондан зиёд инсон ёрдамга муҳтож» бўлиб, «уларнинг 18 миллиони озиқ-овқат хавфсизлиги»дан азият чекмоқда.

БМТ мулозими яна бундай деди: «8 миллиондан зиёд инсон озиқ-овқат хавфсизлигининг ғоят оғир ҳолатидан азият чекмоқда. Бу шуни англатадики, улар навбатдаги озиқ-овқатга қачон эришишларини билмайдилар». У шунингдек, «Тирик қолишлари учун уларнинг тезкор ёрдамга нақадар муҳтож эканликларини» таъкидлаб ўтди».

Роя газетаси шарҳи:

Бирлашган Миллатлар Ташкилоти Ямандаги очликка қарши урушда зиён кўргани йўқ. Аксинча, ўзининг вакиллари ва аъзо давлатлари орқали, яъни Яман устида нуфуз талашиб курашаётган АҚШ ва Британия каби халқаро давлатлар ёки уларнинг ушбу курашдаги қуроллари бўлган Саудия, Бирлашган Араб Амирликлари, Эрон каби регионал давлатлар орқали айни урушни бошлаган ва аланга олдираётган шу ташкилот бўлади. Бу ташкилотни Яман аҳлининг аҳволи, уларнинг қони ва фарзандларининг озиқ-овқатлари ҳеч қачон ташвишлантирмайди. Шу билан бирга, бу ташкилот дунёдаги мазлум халқларга, айниқса, мусулмон халқлар орасидаги заифҳолларга ёрдам бериш борасида бир кун ҳам қайғурмаган. Нега ҳам бундай бўлмасин, ахир, Сурияда мусулмонлар мана шу БМТнинг кўз ўнгида, АҚШ топшириғи ва Россиянинг аралашуви билан қатли ом қилинмоқда-ку. Шунингдек, бу ишлар жиноятчи давлатлар бошчиси бўлган мутакаббир Америка хоҳлаётган сиёсий ечимга Сурия аҳлини рози қилиш учун амалга оширилмоқда-ку… Бу ёқда эса, Фаластин аҳли қони босқинчи яҳудийлар қўли билан дарё қилиб оқизилмоқда. Буларнинг барчаси жинояткор яҳудийларни қўллаб-қувватлаб, босқични вужудни давлат сифатида тан олган БМТнинг кўз ўнгида содир бўлмоқда. Ироқ, Афғонистон, Шарқий Туркистон, Мьянма… ва бошқа юртларимизда ҳам аҳвол шу, буларни санаб тугатиб бўлмайди. Шунинг учун мусулмонлар зиммасида бу каби жиноятчи ташкилотларга ҳаргиз ишонмаслик, балки Умматнинг Пайғамбарлик минҳожи асосидаги буюк Халифалик лойиҳаси атрофида маҳкам жипслашиш вазифаси турибди. Мусулмонларнинг қутқарув чамбараги ва халоскори мана шу Халифаликдир.

Роя газетасининг 2018 йил 26 сентябр чоршанба кунги 201-сонидан