بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Иорданияда газ шартномасига нисбатан норозилик намойиши

Иордания аҳли ҳукуматнинг «Исроил» билан тузган газ шартомасини босқинчилик, мустамлака ва шармандалик битими, демоқдалар

14 октябр жума куни Иордания пойтахти Аммонда мингдан ортиқ Иордания аҳли ҳукуматнинг ўтган ой охирида яҳудийлар давлати билан газ шартномаси тузганига қарши норозилик намойишига чиқдилар. Бу шартномада яҳудийлар давлати Иорданияни табиий газ билан таъминлаши айтилган.

«Франс Пресс» ахборот агентлиги хабарига кўра, намойишчилар «Шармандалик битимига қарши халқ ғазаби куни» номли намойишни жума намози ортидан пойтахтдаги катта Ҳусайний масжиди олдидан бошлаганлар ва «душман гази» дея бу шартномага нисбатан норозиликларини билдирганлар.

Намойишчилар «Иордания халқи эй Жаббор, душман гази истеъмор (мустамлака қилишдир)», «минал Жануб лиш-Шимал, душман гази иҳтилал (босиб олишдир)» каби сўзларни айтиб ҳайқирганлар. Қўлларида кўтариб чиққан плакатларда «Фарзандларимиз қотилидан газ сотиб оляпмиз!!!», «Йўқолсин шармандалик битими» каби сўзлар ёзилган эди. Буларга қўшимча, «Душман «Исроил» қирғинлари», дея ёзилган турли суратларни ҳам кўтариб чиқдилар. (Русиял Явм).

Роя газетаси шарҳи:

Иордания қироли ўзидан олдинги боболари йўлига маҳкам ёпишиб, Фаластин ва Иордания иҳлига қарши ҳамма турдаги душманликни қолдирмай содир этмоқда. Ундан олдинги боболари инглизларни яҳудий давлатини тиклаш ишларига кўмаклашишди, ўзларига ўхшаш рувайбиза ҳукмдорлар билан биргаликда олтмиш йилдан зиёд вақт бу ифлос яҳудийлар давлати чегараларини ҳимоя қилиб хавфсизликларини сақлаб туришди, уларга Ғарбий Соҳил билан Ғазо секторини топшириб юборишди, уларнинг жон томирларини қўриқлаб туришди… Бугун эса ҳозирги қирол яна шу босқинчи давлатнинг жон томирини қўриқламоқда. Яъни ундан Фаластин газини сотиб олиш билан унинг иқтисодини қўллаб-қувватламоқда, инфраструктурасини мустаҳкамламоқда, Фаластин аҳли юрагига ханжар бўлиб санчилиб туришини, юрт эгаси мусулмонлар эса доим мағлуб ҳолда қолишини таъминламоқда.

Роя газетасининг 2016 йил 19 октябр чоршанба кунги 100-сонидан