Ироқ бугунги аҳволдан қутулмоғи учун албатта ўз куч-қудрати манбаига қайтмоғи шарт
بِسْمِ اللهِ الرَّحْمٰنِ الرَّحِيمِ
Ироқ бугунги аҳволдан қутулмоғи учун албатта ўз куч-қудрати манбаига қайтмоғи шарт
2020 йил 11 июн куни Ироқ давлат телевидениеси Ироқ билан АҚШ ўртасида стратегик мулоқот бошланганини хабар қилди. «Мулоқотнинг асосий йўналиши Ироқда АҚШ кучларининг мавжуд бўлиб туришини ҳамда мамлакатдаги иқтисодий вазиятни муҳокама қилишдан иборат», дейилади хабарда. «Франс 24» газетасида бундай хабар тарқалди: «Илгари Ироқ разведкасига директорлик қилган ва америкаликлар билан яхши алоқада бўлган Мустафо Козимийнинг ҳукумат тепасига келиши, шунингдек, Эрон тарафдори бўлган фракцияларнинг чекинаётгани, афтидан, мамлакатда қулай имкониятлар яратадиган кўринади». Газета Яқин Шарқ институтидан Роберт Форднинг қуйидаги гапларини келтиради: «Фракцияларнинг чекиниши Козимий ва америкаликлар учун манёвр қилиш имкониятини беради. Ушбу стратегик мулоқот АҚШ учун қурилиш ва энергетика соҳасида шартномалар имзолашига ҳамда Форс Кўрфази давлатларидан ёки Жаҳон Банкидан ёрдамлар ундириб олишига имкон бериши мумкин. Америка бу маблағни бермайди. Аммо Ироққа қўлланадиган санкцияларни татбиқ қилмасликка ваъда бериши мумкин. Чунки бу санкция агар қўлланса Ироқни Эрондан олувчи энергиясидан маҳрум қилади ва Козимийнинг ушбу асосий муаммосини ҳал қилмайди. Расмийлар ва экспертларнинг айтишича, ушбу мулоқот узоқ вақт давом этадиган ва келажакда ҳеч қандай туб ўзгаришга олиб бормайдиган амалиётнинг бошланишидир, бундан бошқа нарса эмас». Газета ироқлик бир расмийнинг гапларини келтиради: «Бизда ҳануз америкалик кучларнинг сони ҳақида аниқ маълумот йўқ. Бироқ америкаликлар кучлар сонини озайтириш таклифини киритишяпти. Шунга қарамай, АҚШнинг ўз аскарлари сонини салмоқли даражада қисқартириши жуда қийин нарса». Газетада яна бир дипломатнинг «Ироқда америкалик аскарлар қолар экан, алянсдаги америкалик бўлмаган бошқа кучлар ҳам Ироқдан чиқиб кетмайди», деган сўзлари келтирилган».
Роя газетаси шарҳи:
Биз бунга Ҳизб ут-Таҳрир амири улуғ олим Ато ибн Халил Абу Роштанинг сўзларини изоҳ сифатида келтирамиз. 2020 йил 2 июндаги саволга жавоб нашрасида Абу Рошта ҳафизаҳуллоҳ Козимийнинг Америка билан қанчалар алоқа қилгани ва Ироқ бош вазирлиги лавозимига нима мақсадда тайинлангани тўғрисида сўз юритар экан, жумладан, бундай деган эди: «Ушбу далилларнинг барчасидан Американинг Козимийга қанчалар «марҳамат» кўрсатгани аён бўлмоқда. Шу боис, Ироқ аҳли буни англаб етмоқлари даркор. Акс ҳолда, кеч қолишлари ва пушаймон фойда бермай қолиши мумкин! Жавобни бир сўз билан тугатаман: Ироқ бугунги аҳволдан қутулмоғи учун албатта ўз куч-қудрати ва улуғлигининг манбаига қайтмоғи шарт. Қачон Ироқ ўз куч-қудратига қайта эришса, ўз шаънини тиклайди ва АҚШ, Британия каби мустамлакачи давлатларни эга оладиган буюк давлатнинг марказига айланади. Мен Ироқнинг бугунги аҳволдан қутулмоғи учун албатта ўз куч-қудрати манбаига қайтмоғи керак деганимда, огоҳ бўлингким, Исломни назарда тутдим. Ислом эса, албатта Пайғамбарлик минҳожи асосидаги рошид Халифалик давтатида қудрат манбаи бўлади. Ушбу каломни айтган Кучли ва Азиз Аллоҳ ҳақ-рост сўзлади:
﴿وَلِلّٰهِ العِزَّةُ وَلِرَسُولِه وَلِلمُؤمِنِينَ وَلَكِنَّ الْمُنَافِقِينَ لا يَعلَمُونَ﴾
«Куч-қудрат Аллоҳники, Росулиники ва мўминларникидир. Лекин мунофиқлар (буни) билмайдилар» [Мунофиқун 8]
Роя газетасининг 2020 йил 17 июн чоршанба кунги 292-сонидан
