بِسْمِ اللهِ الرَّحْمٰنِ الرَّحِيمِ

Ислом куфр тузумлари билан безаниш учун эмас, балки уларни қулатиш учун келмоқда

Исломнинг сақланиб қолиши, ҳатто унга қарши курашаётган тузумлар ичидан ҳам юксалиб чиқиши унинг ҳақ дин эканига яққол далолат қилади. Зеро, унинг юксалиши муқаррардир: Ислом куфр тузумлари билан безаниш учун эмас, балки уларни қулатиш учун келмоқда. Ислом куфр тузумларининг парламентларига кириш ёки уларнинг чекланган қолипларига рози бўлиш учун эмас, балки Пайғамбарлик минҳожи асосидаги адолат давлати бўлмиш Халифаликни барпо этиш учун келмоқда.

Ислом номининг шунчаки тилга олинишининг ўзиёқ уларнинг ҳисоб-китобларини барбод қилади, «барқарорлиги»ни ларзага солади ва ич-ичидан емирилган фикрий тизимининг қоқ юрагига зарба беради. Зеро, улар одамларни Исломдан узоқлаштириш учун улкан маблағлар сарфлади. Бироқ Ислом ўзини ўзи намоён этмоқда: қалбларни ҳидоятга бошламоқда, тушунчаларни ўзгартирмоқда ва инсонларга ўзининг ҳақ эканини ҳамда инсоният учун ягона умид эканини исботламоқда.

Бугунги фикрий ва сиёсий кураш гирдобида мусулмонларнинг вазифаси – нажот куфр тузумларидаги юзаки иштирок орқали эмас, балки уларни илдизидан қўпориб ташлайдиган туб ўзгариш орқали келишини англаб етишдан иборат.

Шу боис бугун мусулмонларнинг вазифаси капиталистик режимлар ичида «чиройли» қилиб кўрсатилаётган алдовчи рамзларга эмас, балки Исломга умид боғлашдир. Шунингдек, Пайғамбарлик минҳожи асосидаги иккинчи рошид Халифаликни барпо этиш учун кечаю кундуз онгли равишда саъй-ҳаракат қилаётган ягона шаръий сиёсий лойиҳа – Ҳизб ут-Таҳрир лойиҳаси атрофида жипслашишдир. Зеро, айнан шу Халифаликкина Ислом билан тўлиқ ҳукм юритадиган, унинг рисолатини бутун дунёга даъват ва жиҳод орқали етказадиган буюк давлат ҳисобланади.

Роя газетасининг 2026 йил 4 феврал, чоршанба кунги 585-сонидан