Ислом Уммати Росулуллоҳ ﷺнинг байроғидан бошқа байроқ остида жамланмайди
بِسْمِ اللهِ الرَّحْمٰنِ الرَّحِيمِ
Ислом Уммати Росулуллоҳ ﷺнинг байроғидан бошқа байроқ остида жамланмайди
Ислом Уммати Росулуллоҳ ﷺ Бадр куни тутган байроқдан бошқа байроқ остида жамланиши мумкин эмас. 57та байроқ остида тарқалган бу Умматни ким бирлаштиради?! Ким Фаластинни ва босиб олинган бутун мусулмон юртларни озод этишни истаса, аввало бу Умматни бошқа байроқ остида эмас, балки Росулуллоҳ ﷺнинг байроқлари остида бирлаштиришга ҳаракат қилиши керак. Ким ватанпарвар бўлса, у ҳам бошқа ватанпарварларга ўхшайди. Шу боис, ватанпарварлар учун йиғлашни кераги йўқ. Ироқда аҳлимиз ўлдирилди, уларга ёрдам кўрсатишимизга ватанпарварлик тўсқинлик қилди. Шомда аҳлимиз ўлдирилди, уларга ёрдам кўрсатишимизга ватанпарварлик йўл бермади. Улар Бирмада ўлдирилди, уларга ҳам ёрдам беришимизга ватанпарварлик тўсқинлик қилди. Кашмир, Туркистон, Чеченистон, Ҳиндистон, Фаластин, Ливан ва Яманда… ҳар бир ватанпарвар ўз ватани учун курашмоқда. Биз ватаннинг чақириғига эмас, балки Исломнинг чақириғига жавоб қилувчи мусулмон бўлишни истаймиз!
Эй мусулмонлар! Аллоҳ Субҳанаҳу ва Таоло айтади:
﴿إِنَّ هَٰذِهِۦٓ أُمَّتُكُمۡ أُمَّةٗ وَٰحِدَةٗ وَأَنَا۠ رَبُّكُمۡ فَٱعۡبُدُونِ﴾
«(Эй инсонлар), сизларнинг умматингиз ҳақиқатда бир умматдир. Мен эса (барчаларингизнинг) Парвардигорингиздирман. Бас, Менгагина ибодат қилинглар!» [Анбиё 92]
Китобингиз сизни Уммат сифатида шакллантирди ва сиз у билан денгизларни кесиб ўтдингиз ва дунёдаги биринчи давлат бўлдингиз. Модомики, сизларнинг динингиз бир бўлиб, сизларни битта ақида бирлаштирар экан, Китобингиз ҳам битта бўлиб, у сизнинг қўлингизда бўлар экан, у билан яна ўша мақомга эришасиз. Сизнинг пайғамбарингиз ҳам битта бўлиб, У зот рисолатни етказдилар, Умматга насиҳат қилдилар, Аллоҳнинг йўлида ҳақ жиҳод-ла жиҳод қилдилар ва барчамизга соф йўлни қолдирдилар. Модомики шундай экан, биз сизларни пайғамбарингиз байроғини қайта кўтаришга чақирамиз. Чунки бу байроқ Умматингизни бирлаштиради ва уни кўтарган давлатда Китобингиз татбиқ этилади. Сиз уни кўтариш билан Пайғамбарингиз ﷺнинг зикрини кўтарасиз, тузумингиз ва ҳаётдаги нуқтаи назарингизни ҳамда Пайғамбарингиз ﷺдан намуна олганингизни ифодалайсиз.
Роя газетасининг 2024 йил 20 ноябр чоршанба кунги 522-сонидан
