بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Покистон билан Россия ўртасидаги муштарак ҳарбий машқлар

Ислом ва мусулмонлар душманлари билан иттифоқчи бўлиш қудратга эмас фақат хорликка элтади

Покистон армияси матбуот воизи генерал Осим Бажунинг айтишича, 2016 йил 10 октябрда Покистон билан Россия ўртасида ҳамкорликда ҳарбий машғулотлар ўтказишга оид битим имзоланиши ортидан, 23 сентябрда рус пиёда кучлари қисми Покистонга етиб келди. Шундан келиб чиққан ҳолда, Ҳизб ут-Таҳрир-Покистон вилояти бугун Шом тоғути Башар Асадга Ҳалаб қирғинларида ёрдам бераётган ҳамда Ислом ва мусулмонларнинг ашаддий душмани саналган Россия билан ҳамкорликда ҳарбий машғулот ўтказишини қаттиқ қоралайди. Зотан, ўнлаб йиллар мобайнида АҚШ билан қилиб келинган сиёсий, иқтисодий ва ҳарбий ҳамкорликлар на Покистон чегараларини мудофаа қилишда, на Ислом ва мусулмонлар манфаатини ҳимоя қилишда муваффақиятли бўлди. Шундай бўлгач, яна бир ашаддий душман давлат билан қилинадиган ҳамкорлик қандай бўлиши мумкин?! Айни битим яна қандай фойда келтириши мумкин, фақат алам ва хорликлардан ўзга нарса келтирмайди, албатта?!

Бу машғулотларни Покистон сиёсий ва ҳарбий раҳбариятидаги сотқинлар, Ҳиндистонга қарши туришимизга ёрдам беради, юртимиз йирик давлатлар қўллаб-қувватловига эришиши лозим, деган дастаклар билан оқлашга уринишди. Бу мақсадга, яъни қўллаб-қувватловга эришишга энг муносиб давлат Америка эди. Шунинг учун у билан Покистон ўртасидаги муносабатлар генерал Айюб Хон давридан бери мисоли қул билан хўжайин ўртасидаги муносабатдан фарқ қилмай келди. Бунга ўхшаш бугунги иттифоқчиликларнинг бари юрт, Ислом ва мусулмонлар манфаатларини ҳимоя қилишда албатта муваффақиятсиз чиқади. Негаки, бу каби битим-келишувларнинг барчаси доимо кучлироқ давлат манфаатини таъминлаб келади. Покистонлик ҳарбийларга маълум, 1965 йил Покистон-Ҳиндистон ўртасидаги жанг 1971 йилда Покистонни бўлиниб кетиши билан тугади. Ўшанда ҳам Покистон Америка билан иттифоқчи бўлган ва ҳеч вақога эришолмаган. Бунинг муқобили ўлароқ, юртдаги сотқин раҳбарлар ёрдамида юртимиз қудратидан, биринчи, Совет Иттифоқининг Афғонистондаги босқинчилигига қарши фойдаланилди. Кейин АҚШнинг Афғонистондаги босқинчилигини мустаҳкамлашда, Покистон билан Афғонистонга чегарадош Қабилалар минтақасида паштун мусулмон қаршилик ҳаракатига қарши фойдаланилди. Бугун ҳам, АҚШ бир томондан, Хитойга қарши туриш, иккинчи томондан, минтақада кўтарилаётган мусулмонлар уйғонишига қарши туриш учун Покистоннинг ашаддий душмани Ҳиндистонни сиёсий, иқтисодий ва ҳарбий соҳада қўллаб-қувватламоқда. Буларнинг барчаси Ислом ва мусулмонлар душманлари билан иттифоқчи бўлиш, юртга офатлардан, хорликлардан ўзга ҳеч нарса олиб келмаганини тасдиқламоқда.

Шуларга қарамай, сиёсий ва ҳарбий раҳбариятдаги хоинлар Америкага қуллик қилишда давом этишяпти. Россия билан ҳарбий муносабатлар ўрнатиб, ундан Ҳиндистонга қарши курашда ёрдам олаётганини дастаклаш билан одамларни лақиллатишга уринишяпти. Модомики, Америка ўнлаб йиллар Покистонга тақдим этган дўстлигининг барини Ҳиндистонга ҳам тақдим этиб келган экан, қандай қилиб Россия Ҳиндистонга қарши Покистон манфаатларини таъминлаши мумкин, ахир, у ҳам Ҳиндистон билан мустаҳкам алоқаларга эгаку, айниқса, совуқ уруш даврида ва Афғонистонга қилган уруши даврида?! Шубҳасиз, Покистондаги сиёсий ва ҳарбий раҳбарият хоинлари ҳануз Америкага малайдирлар. Мана, генерал Раҳил Шарифнинг қуролли кучлар қўмондонлари конференциясида қатнашиш учун Германияга бориши ҳам фикримизга яна бир далилдир. Чунки айни йиғин АҚШ марказий қўмондонлигининг раҳнамолиги остида ўтказилади. Америка доим Покистон дўстлигига хиёнат қилиб келган давлат. Аммо бу юртдаги сиёсий ва ҳарбий раҳбарият хоинлари бўлса, Покистон потенциалларини ҳамон шу давлат манфаатларини рўёбга чиқариш йўлида сарфлашмоқда.

Покистондаги мусулмонлар ва қуролли кучлар шуни билмоқлари лозимки, хоҳ Россия бўлсин, хоҳ Америка бўлсин, Ислом ва мусулмонлар душманлари билан иттифоқчи бўлиш, юртнинг Ҳиндистонга қарши сиёсий, иқтисодий ва ҳарбий қудратини оширишга ҳаргиз хизмат қилмайди. Аксинча, Покистон кучлари ўз потенциалларини фақат бир йўл билан беҳисоб баробарга кучайтириб олишлари мумкин. У ҳам бўлса, Пайғамбарлик минҳожи асосидаги рошид Халифалик давлатини барпо этиш йўлидир. Чунки ёлғиз ушбу Халифаликкина барча мусулмонларни ва уларнинг армияларини битта байроқ остига жамлашга қодир. Шунингдек, Халифалик уларни мутлақо синмайдиган қилиб барчаларини бир шодага тизган ҳолда, асраб-авайлашга қодирдир. Росулуллоҳ САВ

إِنَّمَا الإِمَامُ جُنَّةٌ يُقَاتَلُ مِنْ وَرَائِهِ وَيُتَّقَي بِهِ

«Халифа қалқондир, унинг ортида туриб жанг қилинади ва у билан ҳимояланилади», дея марҳамат қилганлар. (Имом Муслим ривояти). Аллоҳ Субҳанаҳу ва Таоло бизга, қуйидаги каломида Ўзининг нусрати кофирларга бизни мағлуб қилишларига асло имкон бермайдиган нусрат экани ҳақида хабар қилади.

إِن يَنصُرْكُمُ اللَّـهُ فَلَا غَالِبَ لَكُمْ ۖ وَإِن يَخْذُلْكُمْ فَمَن ذَا الَّذِي يَنصُرُكُم مِّن بَعْدِهِ ۗ وَعَلَى اللَّـهِ فَلْيَتَوَكَّلِ الْمُؤْمِنُونَ

«Агар сизларга Аллоҳ нусрат берса, ҳеч ким сиздан ғолиб бўлолмайди, агар сизни ёрдамсиз қўйса, Ундан ўзга ким ҳам нусрат-ёрдам бера оларди, бас, мўминлар Аллоҳнинг ўзигагина таваккал қилсинлар (суянсинлар)»    [Оли Имрон 160]

Ҳеч шубҳа йўқки, қудратга эга бўлиш лойиҳаси, Пайғамбарлик минҳожи асосидаги Халифаликни барпо этишдир, Ислом ва мусулмонлар душманлари билан ҳамкорлик қилиш эмас.

Ҳизб ут-Таҳрирнинг Покистондаги матбуот бўлими

Twitter: http://twitter.com/htmediapak

Facebook: http://www.facebook.com/pages/Naveed-

Butt-Media-Office-HT/116266191744214

e-mail: Этот адрес электронной почты защищен от спам-ботов. У вас должен быть включен JavaScript для просмотра.">htmediapak@gmail.com

Webpage: www.hizb-pakistan.com