ИСЛОМИЙ ЖАМОАТ

Исломда ижтимоий алоқалар туркумининг давоми

بسم الله الرحمن الرحيم

Рукнимизнинг ўтган сонларида муслима аёлнинг Исломий жамоатдаги мавқеси мавзусини кўриб чиқа бошлаган эдик. Бугун ҳам ушбу мавзумизни давом эттирамиз.

6. Аёлларни умумий ҳаётда одмиликка ва ҳамма ёқни ўраб турадиган комил-расо кийимларни кийишга буюрган. Хос ҳаётни эса аёллар ва маҳрамларга чеклаб қўйган. Аёлнинг жиддий, одми бўлиб кўриниши у билан Аллоҳдан қўрқмайдиган кимсаларнинг ёмон назарлари ўртасини тўсишида шубҳа йўқ. Қуръон бу либосни ниҳоятда аниқ ва тўлиқ сифатлаб берган. Аёл бу комил либосни кийиб, рўмоли билан кўкрагини тўсган вақтда, бош ёпинчиғи билан бўйни ва кўкрагини ўраб, жилбоб (ёпинчиқ)ни устига ташлаган вақтда, барча жисмини то товонигача тўсиб туриши учун ёпинчиғини пастгача туширганда комил-расо либосни кийган ва уни кийиш билан ўзини сақлаган бўлади. Ҳамда унинг одмилиги намоён бўлади. Бу комил либос билан умумий ҳаётга чиқиб, унда ўз ишларини бажариши мумкин бўлади ва ўзи билан Аллоҳдан қўрқмайдиган кимсаларнинг ёмон қарашлари ўртасини тўсадиган жиддийлик ва одмиликнинг энг юқори поғонасида бўлади.

Булар ижобий амалларни бажаришни ўз ичига олган шаръий ҳукмлардир. Салбий амалларни бажаришдан қайтарган шаръий ҳукмлар эса қуйидагилар:

1. Эркак ва аёлни хилватда бирга қолишдан қайтарган. Хилватда қолишнинг маъноси эркак ва аёлнинг бирор киши уларнинг изнисиз кира олмайдиган жойда бирга бўлишларидир. Масалан, уйда ёки йўл ва одамлардан узоқдаги холи жойда бирга бўлишлари каби. «Қомусул муҳит» китобида «Хилват – бошқа биров билан холи жойда бирга бўлиш», дейилган. Демак, хилват икки шахснинг ёлғиз учрашиши бўлиб, у ерда улар ўзлари билан бирга бошқа бировнинг бўлишидан тинч бўладилар. Бу хилват бузуқликнинг айнан ўзгинаси бўлгани учун, бу шахслар ким бўлмасин ва бу хилват қандай бўлмасин, Ислом маҳрам бўлмаган эркак ва аёлнинг ҳар қандай ёлғиз қолишларини қатъий тақиқлаган. Пайғамбар с.а.в. деганларки: «Бирор киши ёнида маҳрами бўлмаган аёл билан ёлғиз қолмасин. Чунки уларнинг учинчиси шайтон бўлади». (Муслим ривояти). Шариат хилватда қолишдан қайтариш билан эркак ва аёлни орасига ҳимоя тўсиғини ўрнатди. Хилватнинг воқелиги шундайки, у эркакни аёл ҳақида аёлликдан бошқа нарсани билмайдиган, аёлни эркак ҳақида эркакликдан бошқасини билмайдиган қилиб қўяди. Бу хилватда ёлғиз қолишдан қайтариш билан бузуқлик сабаблари бартараф этилади. Чунки хилват бузуқликка олиб борувчи воситалардан биридир.

Ҳизб ут-Таҳрирнинг Ўзбекистондаги медиа офиси. Муслим

25.12.2018