Сопи ўзидан

بسم الله الرحمن الرحيم

Ўзбекистонда 1 майдан маҳалла раисларининг сайлови бошланди.  Сайловга кўмаклашиш бўйича республика штаби раҳбари, маҳаллалар уюшмаси раисининг биринчи ўринбосари Жавдатхон Инагамов, сайловлар мамлакатнинг 9542 та маҳалласини қамраб олиб, май-июль ойлари давомида ўтказилишини маълум қилди. Ўзбекистон Республикаси Конституциясининг 127-моддасида “фуқароларнинг ўзини ўзи бошқариш органлари давлат ҳокимияти органлари тизимига кирмайди” дейилса-да, маҳалла раисини аҳоли сайламаслиги, балки ҳоким тайин қилишини сайлов жараёни кўрсатиб турибди. Ишчи гуруҳ маҳалла раиси лавозимига номзодлар бўйича ҳужжатларни тайёрлаб, тегишли комиссияга туман ёки шаҳар ҳокими билан келишиш учун тақдим этади. Туман ёки шаҳар ҳокими маҳалла раиси лавозимига тақдим этилган номзодларнинг ҳужжатларини кўриб чиқиб, кейинчалик ишчи гуруҳга топшириш учун ушбу номзодлар бўйича ўзининг хулосаларини тегишли комиссияга юборади. Ишчи гуруҳ ҳокимларнинг хулосаларини олгач, сайловга камида беш кун қолганида номзодлар тўғрисидаги маълумотларни фуқаролар йиғини биносига осиб қўяди.

2022 йил май ойида бўлиб ўтган маҳалла раислари сайловида ҳоким ўзи истаган номзодларни қолдириб, ёқмаган номзодларни сайлов рўйхатидан ўчиртиргани учун фаоллар Қашқадарё вилояти, Яккабоғ туман ҳокими Лутфиддин Абдуллаевга шикоят қилиб келишган эди. Бундан ташқари, маҳалла кенгаши ҳукумат қарорларини ижро этувчи орган сифатида ҳам намоён бўлмоқда. Масалан, президент Мирзиёевнинг 2025 йил 3 январдаги “2025 йилда Республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”ги қарорига кўра, “намунали хавфсиз йўлак” ва “намунали хавфсиз кўча”ларни ташкил этиш, маҳаллаларни тўлиқ видеокузатув билан қамраб олиш, пробация ҳисобида турган шахсларни жамият ҳаётига мослаштириш, “маҳалла еттилиги”нинг “ижтимоий профилактика” тамойили асосида фаолиятини кучайтириш, ҳуқуқбузарликни олдини олишда маҳалладаги жамоатчилик вакиллари, нуронийлар ҳамда маҳалла фаолларини кенг жалб этиш, ҳар бир “қизил” ва “сариқ” тоифадаги маҳаллалар бўйича манзилли ишлаш бўйича Бош прокуратура томонидан қатор топшириқлар берилиб, ушбу йўналишни қатъий назоратга олиш бўйича аниқ талаблар қўйилди.

Очиқ-ойдин кўриниб турибдики, маҳалла кенгаши, гарчи у конституциясида ҳукумат тизимига кирмайди дейилса-да, амалда ҳокимиятга бўйсунувчи ва ҳукумат сиёсатида иштирок этувчи давлат тизимидаги  ижроий  орган эканлиги намоён бўлмоқда. Мирзиёевнинг “Маҳалла раиси – Президентнинг қуйи бўғиндаги устуни” деган гапи ҳам буни тасдиқлаб турибди.

Золим Каримов давридан давлат хавфсизлигини таъминлаш учун хизмат қилувчи энг қуйи орган, деган даъвода шакллантирилган маҳалла кенгаши бугунги кунда ҳам айни ўша ниқоб остида Исломга амал қилувчи одамлар ва оилалар орқасидан айғоқчилигини давом эттирмоқда.

Ўзбек режими Ислом ақидасига зид қонун, фармон ва қарорлар қабул қилишда давом этмоқда. “Маҳалла еттилиги” эса, ҳукуматнинг энг қуйи бўғини сифатида уларнинг ижросида бевосита иштирок этар экан, маҳалла кенгаши бу режимнинг ғайриисломий қарорларини ҳаётимизнинг барча бўғинларига олиб киришда хизмат қиладиган бир инструмент бўлиб қолаверади. Расулуллоҳ ﷺ дедилар:

يأتي على الناس زمان الصابر فيهم على دينه كالقابض على الجمر

“Келажакда шундай замон келадики, у пайтда динини маҳкам тутаётган киши худди қўлида ёниб турган чўғни ушлаётгандек бўлади”. (Термизий ривояти)

Ҳизб ут-Таҳрир Ўзбекистон Матбуот бўлими аъзоси Иззатуллоҳ

11.05.2025й