Исломдан бўлмаган ёт ғояларга алданманг!
بسم الله الرحمن الرحيم
Исломдан бўлмаган ёт ғояларга алданманг!
Бугунги кунда Ўрта Осиё ҳукуматлари бир қанча ғояларни илгари суриб, бу ғояга ўз халқларини даъват қилмоқдалар. Улар шу ғоя асосида халқни гўёки бирлаштиришга интилмоқдалар, бунинг учун улар қўл остиларидаги барча имконият ва воситалардан, жумладан, ОАВ лардан фойдаланмоқдалар. Мана шу ғоялардан бири ватанпарварлик мафкурасидир. Бу ҳолат, айниқса, Ўзбекистонда яққол кўзга ташланмоқда. Шу ўринда, сиз азиз ўқувчига бир савол билан мурожаат қиламиз, ватанпарварлик мафкураси тўғрисида чуқурроқ фикр юритиб кўрганмисиз? Чунки чуқур фикр юритиш билан ватанпарварликка даъват қилишдан асл мақсад нима эканлигини билиб олиш мумкин.
Тўғри, ҳар бир инсонда ўз туғилиб ўсган жойига муҳаббат қўйиши ҳақиқатдир. Бу нарса инсонда табиий ҳолатдир, яъни ғаризийдир. Лекин бу нарсани мафкура, яъни етакчи фикр сифатида кўтариб чиқиш ўта хатарлидир, унинг оқибатлари бугунги кунда ҳам кўриниб турибди. Биз мусулмон эканмиз, аввало, ватанпарварликка шариат нима деганини билиб олсак. Ватанпарварлик тўғрисида шариатда ҳеч нима келмаган, Ислом ҳеч қачон ватанпарварликка даъват қилмаган. Энди Халифалик давлатини ҳимоя қилишга келсак, бу ҳам ватанпарварлик дейилмайди, чунки Халифалик ҳам шаръий аҳкомдир, уни ҳимоя қилиш ҳам шаръий аҳкомдир. Бу ерда Исломий ҳаётнинг давомий бўлишлиги ҳимоя қилинади, бу эса ўз-ўзидан Исломий даъватни бутун дунёга олиб чиқадиган Исломий давлатни ҳимоя қилишга олиб боради, шу сабабданки, Исломий ҳаёт, Исломий давлат мавжуд бўлсагина амалга ошади. Демак, мусулмон одам учун ватанпарварлик ғоясини кўтариб юриш ҳам, унга эргашиш ҳам жоиз эмас.
Энди воқега назар ташлайдиган бўлсак, ватандошлик робитаси (алоқаси) нотўғри эканлигининг учта сабаби бор:
Биринчидан, ватандошлик робитаси тубан робита бўлиб, тараққиёт йўлига қадам қўйган чоғда инсонларни бир-бирига боғлаб туришда ҳеч қандай фойда бермайди.
Иккинчидан, бу робита ҳиссиётга тааллуқли бўлиб, ўз жонини ҳимоя қилиш йўлида яшаш учун курашиш туйғусидан келиб чиқади. Ҳиссиётга тааллуқли робитани доимо ўзгартириб, алмаштириб юбориш мумкин, шунинг учун ҳам у инсонларни доимий бир-бирига боғлаб туриш учун ярамайди.
Учинчидан, ватандошлик робитаси мудофааланиш ҳолатидагина вужудга келадиган муваққат алоқа воситасидир, аммо инсон ҳаётининг аслий ҳолати бўлган тинчлик ва барқарорлик ҳолатларида эса унга зарурат йўқ.
Бу сабабларни қисқача шарҳлайдиган бўлсак, тараққий этиш учун ақида бўлиши керак, масалан, АҚШ ва Европа давлатлари капитализм ақидаси асосида уйғонди ва ривожланди, тараққиётга эришди, асло ватанпарварлик ёки бошқа мафкура билан эмас. Ватанпарварлик мафкураси эса тубандир, у инсонда доимо ҳиссиёт кўринишида бўлгани сабабли, у доимий эмас. У бир бор бўлиб, бир йўқ бўлади, яъни ташқи хавф юзага келсагина инсонларни бирлаштириши мумкин холос. Ташқаридаги хавф бартараф бўлиши билан у яна йўқолади, шу билан унинг вазифаси тугайди. Бу робита инсонларда бўлганидек, ҳайвонларда ҳам бор. Тараққий этишга яроқсизлиги ҳам шунда, яъни у инсон ҳаётида дуч келадиган муаммоларга ечим бера олмайди ёки сиз ватанпарварлик бирорта муаммога ечим бера олганини кўрганмисиз? Бугун дунёдаги ҳар қандай давлатга назар солиб кўринг, қайси бири ватанпарварлик мафкураси асосида тараққий этди, борми шунақа давлат?
Бугун Ўрта Осиё ҳукуматларининг ватанпарварликка даъват қилиб, гўёки халқни бирлаштиришга ҳаракат қилаётгандек кўринсада, аслида бу ҳам мусулмонлар ўртасини бўлишнинг бир кўринишидан бошқа нарса эмас. Юқорида айтганимиздек, Ислом ҳеч қачон ватанпарварликка даъват қилмаган. Ҳозирда мусулмонларни Исломий ҳаётга даъват қилаётганларга “ватан хоини” деган номни ёпиштириш ҳам мана шу мафкура асосида амалга оширилмоқда. Малай ҳокимлар даъватчиларни “тинчлигимизни кўра олмаётган ғаламислар” каби сохта айбловлар билан уларга нисбатан халқ нафратини қўзғатишга ҳаракат қилмоқда. Уларни халққа ташқи хавф сифатида кўрсатиб, уларга қарши курашишни ҳар бир фуқаросидан талаб қилмоқда. ОАВ лар эса шу мавзудаги турли кўрсатувларни тез-тез намойиш қилиб турибди. Охирги вақтларда шундай ташқи хавф бўлиб ИШИД хизмат қилмоқда. Мана шундай ҳийла-найранглар билан ҳукуматлар халқни тўғри йўлдан чалғитиб, ўз тахтларида иложи борича кўпроқ ўтиришни хоҳлашмоқда.
Мусулмонлар ўз Исломларини ўргансалар ва ечимни фақат ундангина олсалар, бундай найрангларга алданишмас эди. Чунки ҳар бир мусулмон ўзи қабул қилган Ислом ақидасини тушуниб ва унга амал қилиб яшаса, ҳаёт майдонида қоқилмай юради, тўғрини нотўғридан ажрата олади ва бахтли бўлади ин ша Аллоҳ.
Ҳизб ут-Таҳрирнинг Ўзбекистондаги медиа офиси Фаррух
25.08.2015й.
