بِسْمِ اللهِ الرَّحْمنِ الرَّحِيمِ 

Роя газетаси:

Исломий Ҳамкорлик ташкилоти

Қуддуси шариф ва Ақсо масжидини нега ҳимоя қилмайди?!

Ҳижрий 1438 йил 10 зул-қаъда, милодий 2017 йил 2 август чоршанба куни «Ал-Жазира нет» сайти нашр қилган хабарда бундай сўзлар келган:

«Сешанба куни Истанбулда Исломий Ҳамкорлик ташкилотининг ташқи ишлар вазирлари даражасидаги ижроий қўмитанинг Қуддус ва Ақсо масжиди масаласи ҳамда яҳудий келгиндилари маҳсулотлари импортини тақиқлаш билан боғлиқ фавқулодда учрашуви якунига етди.

Якуний баёнот «яҳудийлар давлатининг яқиндаги провокациясини, жумладан, Ақсо масжидини беркитиб қўйиб, мусулмонлар билан фаластинлик насронийларнинг муқаддас ерларда ибодат қилиш эркинликларига қарши жамоий жазолар қўллаганини қаттиқ қоралади» ҳамда Қуддусда исломий бошқарув соясида намунавий диний бағрикенглик ҳукм сурганини таъкидлади.

Баёнот халқаро ҳамжамиятдан яҳудийлар давлати босқинчилигини тўхтатиш йўлида керакли барча саъй-ҳаракатлар сарфлашни талаб қилди, БМТ ташкилотларини Ақсо масжиди билан боғлиқ кескинликни бартараф этишга чақирди.

Шунингдек, баёнот барча исломий юртларнинг манзилгоҳ қураётган яҳудийлардан келувчи маҳсулотларга тўлиқ тақиқ қўйилишини таъминлаш йўлида барча амалий чора-тадбир кўришлари зарурлигини таъкидлади».

Роя газетаси шарҳи:

Аллоҳ учун ҳар галгидан ҳам қаттиқроқ ғазабланиш ва айни ташкилотга аъзо давлатлар раҳбарларини ўз армияларини Ақсо масжидига ёрдам беришга сафарбар этишга мажбурлаш, Исломий Ҳамкорлик ташкилотининг вазифаси эмасмиди. Ахир, шу ташкилот Қуддус билан Ақсо масжиди шон-шарафини ҳимоя қилиш учун тузилганини иддио қилганку, Ақсо масжидини Умматнинг шон-шарафи деб баҳолар эдику?!!

Ёки бу ташкилотнинг роли, Ақсо ҳодисасидан икки ҳафтадан зиёд вақт ўтгандан сўнг фавқулодда йиғин ўтказиб, ожизлигини фош этиш, Ақсо масжидига назар солиб, бизга марҳаматингизни аяманг, дея халқаро ташкилотларга ялинишдан иборатми?! Кейин бошқа босқинчи яҳудийлардан мустасно, фақат манзилгоҳ қураётган яҳудийлардангина келувчи маҳсулотларга байкот эълон қилишга чақириш, холосми?!

Араб давлатлари Лигаси ва Исломий Ҳамкорлик ташкилоти сингари бу ташкилотларнинг барчаси Умматга, унинг масаласига ва муқаддас ерларига қарши тил бириктириш учунгина ташкил қилинганини, бундан бошқа нарса уларни ташвишлантирмаслигини ҳар куни исботламоқда. Дарвоқе, биз исломий юртлардаги режимларни кечаю кундуз ўз армиялари ва самолётларини мустамлакачи кофир Ғарб режаларига хизмат қилиш йўлида сафарбар қилаётганига, аммо масала мусулмонлар ва уларга ёрдам беришга бориб тақалса, ерга михланиб олишганига, ҳатто уларга қарши душман билан тил бириктиришаётганига гувоҳ бўлдик.

Роя газетасининг 2017 йил 9 август чоршанба кунги 142-сонидан