ИСЛОМИЙ ДАЪВАТНИ ЁЙИШ

ВАЗИФАЛАР ВА СИФАТЛАР

(74-бўлак)

ДАЪВАТЧИГА ЗАРУР БЎЛГАН САБОТ

بِسْمِ اللهِ الرَّحْمٰنِ الرَّحِيم

Даъватнинг ва Исломнинг душманлари даъватни етказиш устида сабот билан туришга зарба бериш учун ишлатган қувватнинг айни ўзи билан даъват устида сабот билан туришга ҳам зарба беришга ҳаракат қиладилар. Аммо даъватнинг устида сабот билан туришга зарба бериш хусусида улар даъватни булғашга, унга туҳмат тошларини отишга ва унга куфр фикрларини, куфр ҳукмларини киритишга ҳаракат қиладилар. Масалан, улар куфр низоми бўлмиш демократияни, куфр фикрлари бўлмиш ҳурриятларни ҳамда куфр ҳукми бўлмиш ижтимоий адолатни даъватга, яъни Исломга киритмоқчи бўладилар. Улар бу билан мусулмонларнинг динларини чалкаштиришни хоҳлашади. Натижада мусулмонлар ҳақ билан ботил орасини, Аллоҳнинг ҳукми билан одамлар қўйган нарса орасини фарқлай олмайдилар. Шундай қилиб, Ислом душманлари даъватчиларнинг даъватини фасод қиладилар, мусулмонларни ва даъватчиларни ўз динлари ва даъватлари устида сабот билан туришларини йўққа чиқарадилар. Ислом душманлари олдиндан шундай иш қилиб келганлар ва ҳали-ҳануз шундай ишлар билан шуғулланиб келмоқдалар. Аллоҳ Таоло «Бақара» сурасида марҳамат қилади:

وَلاَ يَزَالُونَ يُقَاتِلُونَكُمْ حَتَّى يَرُدُّوكُمْ عَنْ دِينِكُمْ إِنِ اسْتَطَاعُوا

– “Агар қодир бўлсалар сизларни ўз динингиздан қайтаришлари учун сизлар билан уруш қилишда доим бўладилар”.   (Бақара:217)

Кимки даъватни етказса, бу ишда сабот билан туриши вожиб. Даъватнинг ва Исломнинг душманлари томонидан қилинган юқоридагидек уринишларни йўққа чиқариши лозим. Даъватчи ўзининг олдидаги шаръий фикрлар ва ҳукмларни маҳкам ушлаши ва уларни муҳофаза қилиши вожиб ҳамда ушбу фикр ва ҳукмлар соф, тоза ҳамда сақланиб қолиши учун бошқа фикр ва ҳукмларни улоқтириб ташлаши лозим. Мабда устида сабот билан туриш, шаръий фикрлар ва ҳукмларни маҳкам ушлаб, уларни муҳофаза этиш, улардан бошқаларини инкор қилиш Ислом ва даъват душманларининг ҳаракатларини чиппакка чиқаради, уларнинг ҳийлаларини ўзларига қайтаради.

Аммо даъватни етказиш устида сабот билан туриш хусусида эса, ҳибсхона ва қамоқхоналар очадилар, таёқ ва қамчиларни ишга соладилар. Ризқларни кесиш, ҳатто бўйинларни узиш билан даъватчиларга қарши урушадилар. Даъватчилар билан даъватни етказиш, унинг устида сабот билан туриш ва даъватда доим барқарор туриш орасини тўсиб қўйиш учун ҳамма жойда даъватчиларга қарши уруш эълон қиладилар. Шунда кимки ўз даъватидан фитналанса ҳақиқатда фитналанган бўлади. Кимки душманларнинг талабига жавобан даъватни етказишни тарк этса, тубанликка тушган ва фитналанганини намойиш этган бўлади. Ислом ва даъват душманлари ўзларига лаққа тушган одамни яхши кўриб, уни кўтар-кўтар қиладилар.

Ҳизб ут-Таҳрирнинг Ўзбекистондаги медиа офиси

18.08.2020й