Исломий Умматнинг бирлашиши амалга ошмайдиган ишми?
بِسْمِ اللهِ الرَّحْمٰنِ الرَّحِيم
Исломий Умматнинг бирлашиши амалга ошмайдиган ишми?
(4-қисм)
Ўн тўрт асрлик буюк тарихга эга бу умматнинг тез кунларда бирлашиб, ягона уммат мавқеига эга бўлишларида Пайғамбар (с.а.в.) нинг сийратлари барча мусулмонлар учун намунадир. Шунинг учун мусулмонлар уни қайта-қайта ёдга олиб, унга ҳарис бўладилар.
Исломнинг Абу Бакр, Умар, Усмон, Алий ва бошқалар каби забардаст эр кишилари уларнинг ҳам кишиларидир. Мусулмонлар Ислом ибодатларини биргаликда бажарадилар. Уларни бирлаштириб турадиган шаръий аҳкомларнинг саноғи йўқ. Улар рамазон ойини бирга кутадилар, унинг рўзасини бирга тутадилар. Барчаларининг қалби Каъба томон ошиқади. У томон бир вақтда, бир кунда, бир соатда йўл оладилар. Ернинг барча томонларидан йиғилиб келиб, бир хил ибодатни адо этадилар, бир хил сўзни такрорлайдилар. Каъбани тавоф қиладилар, дуо қиладилар, қурбонликлар сўядилар ва Расулуллоҳ (с.а.в.)га салом ва салавот айтиш учун биринчи Ислом давлати бино бўлган жой – Мадинаи Мунаввара томон отланадилар. У ерда Расулуллоҳ (с.а.в.) нинг биринчи бор даъватни бошлаганлари, даъватда мустаҳкам турганлари, сабр қилганлари ва ниҳоят ғолиб бўлганларини ёдга олиб, бир-бирларига эслатадилар. Улар ўз юртларига ва яқинлари бағрига ўша ерда кўрган нарсалар хабарини сўзлаган ҳолларида қайтадилар. Уларни кўпчилик муборакбод қилгани келади.
Бир сўз билан айтсак, мусулмонларнинг ҳолати ер юзининг барча томонида бир хил. Барча жойда азоннинг «Аллоҳу Акбар» садоси бир хил тариқада ва бир хил услубда янграйди. Уларнинг барчаси Ислом Умматининг бирлашишини, Ислом ва мусулмонларнинг азиз бўлишини, Масжидул-Ақсо, Фаластин ва бошқа мусулмон юртларининг озод бўлишини интиқлик билан кутадилар. Биз келтирган бу омиллар Ислом Умматини бирлаштирадиган омиллар денгизидан бир томчидир. Оламнинг барча томонидаги мусулмонларнинг ҳолати шу. Шайтонга қул бўлиб, мусулмонлардан ажраганлар эса, ортга чекинган бир ҳовуч кимсалардир. Уларнинг ажралиб борадиган жойи жаҳаннам эканлиги аниқ.
Ҳа, Ислом ақлий ақида, фикрлар ва аҳкомлардан иборатки, Умматни ҳақиқатдан бирлаштиради, ҳар қандай халқни Умматнинг бир бўлаги ва таркибий қисмига айлантиради.
Ал-Ваъй журналидан фойдаланилди
Ҳизб ут-Таҳрирнинг Ўзбекистондаги медиа офиси. Зайниддин
03.04.2019й.
