بِسْمِ اللهِ الرَّ حْمَنِ الرَّ حِيمِ

Роя газетаси:

Мустабид Фаластин режими Қилқилияда Ҳизб ут-Таҳрир йигитларини қамоққа олмоқда

Ўтган чоршанба куни мустабид Фаластин режими Қилқилия шаҳри ва қишлоқларида қамоққа олиш кампаниясини бошлади. У кўплаб Ҳизб ут-Таҳрир аъзолари уйларига бостириб кириб, тинтув ўтказди. Кампания давомида Ҳизб йигитларидан камида тўрт нафарини қамоққа олди, қолганларига эса, полиция участкасига чақирув варақасини бериб кетди.

Ушбу қамоққа олиш кампанияси режимнинг бузғунчи сиёсати, иқтисодий зулми ва ижтимоий ҳимоя қонунини зўрлаб татбиқ қилишига қарши Ҳизб ва унинг аъзолари томонидан амалга оширилган қатор тадбирлар ортидан бошланди.

Бу режим ўзининг ваҳшийлиги ва фиръавнча хатти-ҳаракати билан ҳеч кимдан ҳаё қилмай, Фаластин аҳлига қарши ўзининг бузғунчилик сиёсатини олиб бормоқда… Бир вақтнинг ўзида, бундай қилмишларини танқид қилган ҳар бир кишини бостириб, қамоққа оляпти. У гўё оятдаги

﴿مَا أُرِيكُمْ إِلَّا مَا أَرَى﴾

«Сизларга фақат ўзим раъй қилаётган нарсанигина кўрсатаман»     [Ғофир 29]

деган Фиръавннинг гапини гапираётгандек.

Ҳизб ут-Таҳрир йигитлари даъватни етказиш ва Умматни уйғотиш йўлида ҳаракат қилиш ҳамда малай ҳукмдорларга қарши фикрий-сиёсий кураш олиб бориш вазифасини зиммаларига олган эканлар, айни йўлда бу каби тўсиқлар уларга асло таъсир қилмайди. Шунинг учун режим Ҳизб ут-Таҳрир йигитларига қарши курашда ўзидан кўра зўрроқ режимларнинг ҳам ҳоли нима кечганига бир қараб кўрсин, уларнинг ҳоли фақат шармандалик билан тугаганига гувоҳ бўлади. Зеро, Ҳизб йигитлари режимнинг Фаластин аҳлини бузиш, юрт, фуқаро ва муқаддас даргоҳларни зое кетказишга сабаб бўлаётган сиёсатларига қарши курашдан ҳаргиз тўхтамайдилар. Уларни режимнинг на репрессияси қўрқита олсин, на зулми, на таъқибу қамоқлари… Чунки уларнинг дўсти Аллоҳ, Аллоҳ йўлидан тўсаётган режимнинг дўсти эса, зулмдир.

Роя газетасининг 2018 йил 14 ноябр чоршанба кунги 208-сонидан