Исломий юртлар ҳукмдорлари Британия қироличасига аза тутишмоқда
بِسْمِ اللهِ الرَّحْمٰنِ الرَّحِيمِ
Исломий юртлар ҳукмдорлари Британия қироличасига аза тутишмоқда
Бу уларнинг мустамлакачи Ғарбга тобеликларидир
Жорий йил 8 сентябр куни Покистон бош вазири Шаҳбоз Шариф ўзининг Твиттердаги расмий саҳифасида «Британия қироличаси Елизавета IIнинг вафот этганидан ғоят қайғуда эканини, Покистоннинг Бирлашган Қироллик таъзиясига шерик экани»ни таъкидлади. Ҳақиқатда ҳам, арабу ажам исломий юртлар ҳукмдорлари Британия қироличасининг вафот этганидан чуқур қайғуда эканликларини билдиришди. Бу хусусда Ҳизб ут-Таҳрир – Покистон вилояти матбуот бўлими ўз баёнотида қуйидагиларни таъкидлади:
«Британия мустамлакачилиги ишларини кучли нуфузли тармоқ орқали инглиз аристократияси бошқаради. Мамлакатнинг мустамлакачи иқтисод тизимига асосий ҳисса қўшган ягона муҳандис ҳам мана шу инглиз аристократиясидир. Дунё давлатларининг аксар қисмини оғир қарзларга ботирган айни тизимда Ғарб инвесторлари судхўрлик кредитлари орқали фойда кўришади, бир вақтнинг ўзида, бу давлатларнинг саноатлашган давлатга айланишларига тўсқинлик қилишади. Бу аристократиянинг разведка жосуслари маҳаллий аҳолимизни қироллик тожи йўлида манипуляция қилишга ёлланган ўзларининг сиёсий ва ҳарбий малайларидан фойдаланган ҳолда мусулмон юртларида тартибсизликларни келтириб чиқаришади.
Покистон ҳукмдорлари сўзларига қарасангиз, уларни гўё Ҳинд ярим оролида эмас, Онтариода яшаяпти, деб ўйлайсиз. Ҳолбуки, Ҳинд ярим ороли уч аср мобайнида Британия аристократияси жиноятларига саҳна бўлиб келди… У ерда юз минглаб инсон очарчиликдан азоб чекди. Минтақани босиб олган британияликлар бойликларини талон-торож қилиб, триллионлаб доллар даромад қилишди».
Матбуот баёноти сўнггида бундай дейилди:
«Мусулмонлар Британия аристократиясини асл моҳиятини билишлари ва қиролича вафотига шу нуқтаи назардан жавоб беришлари лозим. Британия давлати ҳозирги замонавий дунёда таназзулга учраб турган экан, бу ҳолат мусулмон юртлари учун қулай фурсатдир. Мусулмон юртлари бундан фойдаланиб, Британия билан давом этаётган алоқа кишанларини узиб, шу жумладан, унинг «Миллатлар ҳамдўстлиги»дан ва ҳарбий, иқтисодий тузоқларидан қутулмоқлари керак. Шу боис, мусулмонлар учун мустамлакачи давлатларни ва уларнинг рамзларини яхши кўрувчи анави ҳукмдорларни ағдариб, динларини Пайғамбарлик минҳожи асосида ҳокимият тепасига олиб чиқмоқлари вақти келди. Шундагина бутун оламни АҚШ ва Европа мустамлакачилигидан қутқарган бўладилар. Ана шунда олам уруш жиноятчилари ва тоғутларининг ўлганига аза тутмайди.
Роя газетасининг 2022 йил 21 сентябр чоршанба кунги 409-сонидан
