Ҳизб ут-Таҳрир даъватига ҳеч қандай маҳкама қарори таъсир қилмайди
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
Ҳизб ут-Таҳрир даъватига ҳеч қандай маҳкама қарори таъсир қилмайди
Кеча 2017 йил 6 июн сешанба куни Куала-Лампур олий суди Ҳизб ут-Таҳрир-Малайзия топширган ишни қайта кўриб чиқиш сўровини рад этди. Маълумки, Ҳизб ут-Таҳрир-Малайзия ўзининг юртдаги қонуний ташкилотлардан бири сифатида қайд этиш бўйича ички ишлар вазирига талабнома топширган эди. Ички ишлар вазири эса, унинг айни талабини рад этди. Шундан сўнг Ҳизб олий судга ишни қайта кўриб чиқиш сўрови билан мурожаат қилганди, олий суд судьяси Датин Азиз Нававий ички ишлар вазирини қўллаб-қувватловчи қарор чиқарди. Ҳизб адвокатлари томонидан айни ишга оид топширилган барча ҳужжат-далилларни инкор қилди ҳамда Ҳизб вазир харажатлари учун 10.000 малайзия рингити миқдорида маблағ тўлаш керак, деган ҳукм чиқарди.
Табиийки, биз учун бу кутилмаган қарор бўлмади, чунки шундай бўлишини тахмин қилган эдик. Ахир, сиз судда ички ишлар вазири билан кураш олиб борсангиз, натижасидан нимани кутардингиз?! Биз ўзларини демократия посбонларимиз, адолат ва инсон ҳуқуқлари ҳимоясига ишонамиз, дея кўксига урувчилар томонидан тортиб олинган ҳуқуқларимизни суддан талаб қилиб мурожаат қилган эдик, холос. Суднинг айни қарори эса, уларнинг адолат ва инсон ҳуқуқлари ҳимояси, дея оғиз кўпиртирган гаплари қуруқ шиорлардан ўзга нарса эмаслигини яна бир бор исботлади. Ички ишлар вазири Ҳизбни юртда қайддан ўтказишни рад этди, чунки унга кўра, Ҳизбнинг юрт тинчлигига ёки хавфсизлигига ёхуд жамоатчилик тартибига ёки ахлоқ нормаларга зарар етказувчи ёки уларга зид келувчи мақсадлар учун хизмат қилиши тахмин қилинар эмиш. Бунда у Селангордаги Ислом дини идораси ички ишлар вазирлигига тақдим этган маълумотларга асосланди. Бу маълумотлар Селангор муфтиёт кенгаши қабул қилган «2014-1» қароридан олинган бўлиб, кенгаш Ҳизб ут-Таҳрир эътиқод ва фикрларини аҳли сунна валжамоага мувофиқ Исломнинг ҳақиқий аҳкомларига зид, деб ҳисоблаган.
Ғайритабиий жиҳати шундаки, суд Ҳизбни қайд этишдан бош тортишда вазир ҳужжатига таянди. Яъни вазирнинг Ҳизб юрт тинчлигига ёки хавфсизлигига ёхуд жамоатчилик тартибига ёки ахлоқ нормаларга зарар етказувчи ёки уларга зид келувчи мақсадлар учун фойдаланилиши тахмин қилинади, деган «ҳужжат»ига асосланди. Ваҳоланки, Малайзияга ўтган асрнинг тўқсонинчи йиллари охирида кириб келган Ҳизб ут-Таҳрирда вазир айтган сифатлар мутлақо бўлган эмас. Бу ҳақиқатни шу вазир жаноблари ҳам, Малайзия полицияси ҳам яхши билади. Айни ҳужжат аслида, тахминларга ва нохолисликка асослангани учун жуда заиф бўлиб, далиллар билан исботланмаган. Ахир, Аллоҳ Таолонинг Пайғамбарлик минҳожи асосидаги рошид Халифаликни барпо этишга бўлган буйруғини Росулуллоҳ САВнинг тариқатларига эргашган ҳолда адо этишга ҳаракат қилаётган Ҳизбга қандай қилиб шундай айблов қўйиш мумкин?! Ҳизб ут-Таҳрир нафақат Малайзияда, балки бутун дунёда ўз даъватини тинч йўл билан фикрий ва сиёсий кураш йўли орқали олиб борада ва буни айни даъватнинг ўзи ҳам айтиб турибди?! Бинобарин, ички ишлар вазирининг Ҳизб ут-Таҳрирни Малайзияда расман рўйхатдан ўтказишдан бош тортаётгани, унинг ўз хаёлларидан келиб чиққан қўрқуви, холос! Шу боис Ҳизбни воқега зид тахминлар асосида расман рўйхатга олмаслик, калтабинлик эмасми?!
Вазир жаноблари!
Қани айтингчи, Ҳизб ут-Таҳрир устидан ҳукм чиқаришда нима учун Силангор муфтиётининг ёлғонлар ва ёмонотлиқ қилишлар билан тўлиб-тошган фатвосига таяняпсиз?! Нега бу масалада ўзимизга мурожаат қилиш билан тергов-суриштирувлар олиб бориш, далилларга таяниш сиёсатини қўлламадингиз?! Ахир Аллоҳ Субҳанаҳу шунга буюрмаганмиди?! Аллоҳ Таоло бундай деган:
يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ
«Эй мўминлар, агар сизларга бир фосиқ кимса бирон хабар келтирса, сизлар билмаган ҳолингизда, бирон қавмга мусибат етказиб қўйиб, қилган ишларингизга афсус-надомат чекиб қолмасликларингиз учун (у фосиқ кимса олиб келган хабарни) аниқлаб-текшириб кўринглар!» [Ҳужурот 6]
Сиз Ички ишлар вазири, ўзингизни мусулмон қилиб кўрсатиб келасиз, наҳотки, Ислом аҳкомларига риоя қилиш ўрнига, Исломни фақат ташқи жиҳатига амал қилишда давом этмоқчисиз?! Хўп, намоён қилмоқчи экансиз, у ҳолда Исломга амал қилувчи вазир эканингизни амалда исботланг-да! Агар Ҳизб ут-Таҳрирнинг эътиқод ва фикрлари аҳли сунна вал жамоага зид бўлса, аввало, буни ўрганиш ва суриштириш учун олдимизга келинг ёки бизни чақиринг борайлик олдингизга, шундан сўнг биз ҳақимизда қарорингизни чиқаринг! Қарор қабул қилишнинг олий тўғри йўли мана шу. Фақат бир томоннинг маълумотларига қулоқ солиб, аниқламасдан қарор чиқаришни нима дейиш мумкин?!
Вазир жаноблари!
Марҳамат қилиб айтингчи, нима учун қарорларингизни иккиюзлама стандартда қабул қиласиз?! Нима учун Пирсату (Малайзия бирлиги) партияси, Амана (Миллий ишонч) партияси, Пангса Иката (Малайзия маъҳади) партияси, ҳатто идеологияси ҳукуматга мутлақо зид бўлган Малайзия Социалистик партияси ва бошқа партиялар осонгина расман рўйхатдан ўтказилган-у, Ҳизб ут-Таҳрирдек бир исломий партияни расман рўйхатдан ўтказишдан ҳатто тўрт марталаб бош тортилмоқда?!
Бироқ, буларга қарамасдан, ёшларга шуни мамнуният билан айтамизки, Ҳизб ут-Таҳрирнинг Пайғамбарлик минҳожи асосидаги рошид Халифалик давлатини барпо этиш орқали исломий ҳаётни қайта бошлаш даъвати, Ҳизбнинг рўйхатдан ўтиши ёки ўтмаслигига мутлақо боғлиқ эмас. Бизнинг судда ютқазганимиз хато эканимизни англатмайди, яъни судда вазир ғалаба қозонган бўлса, бу унинг тўғрилигига далолат қилмайди. Хато ва тўғрилик Қуръон ва Суннат асосида аниқланади, суд қарори билан эмас. Ахир, Қуръон ва Суннатга қарши иш қилган кимса, қандай қилиб ғалаба қозонган ҳисоблансин?!
Шуни ишонч билан таъкидлаймизки, суднинг мурожаатимизни рад этганлиги Ҳизб ут-Таҳрир даъватига зинҳор таъсир қилолмайди. Бизнинг даъват, инша Аллоҳ, одатдагидек давом этаверади, ҳатто аввалгидан ҳам афзал тарзда давом этади. Чунки бундай адолатсиз қарор бизнинг азм-қароримизни янада кучайтиради, Малайзиядаги бу илмоний тузум Ислом тузуми билан дарҳол алмаштирилиши шарт эканига, чунки барча фуқароларига адолатни улашувчи ягона тузум шу эканига бўлган ишончимизни янада мустаҳкамлайди. Шубҳасиз, даъват намоз ва рўза… каби фарзлар билан бир хил. Демак, биз ушбу фарзни адо этиш учун рухсатга муҳтож эмасмиз, чунки даъват қилиш, намоз ўқиш ва рўза тутиш учун Аллоҳ Субҳанаҳунинг Ўзидан рухсат олинади, Унинг Ўзи буларга буюрган. Фаолиятимиз асносида тўсиқларга учраётганимиз нусратнинг яқин қолганига бўлган ишончимизни зиёда қилади. Шундай экан, ушбу даъват учун ҳаракат қилаётганлар қандай ҳам улуғдирлар, уни ман этаётганлар қандай ҳам хордирлар! Аллоҳ Ўз ишида ғолибдир.
Абдулҳаким Усмон
Ҳизб ут-Таҳрирнинг Малайзиядаги
матбуот бўлими раиси
Телефон: 03-89201614
Электрон почта: htm@mykhilafah.com
Веб саҳифа: www.mykhilafah.com
Адрес: Khilafah Centre, 47-1, Jalan 7/7A,
Seksyen 7, 43650 Bandar Baru Bangi, Selangor
