Ҳизб ут-Таҳрир-Ливан вилояти бутун Шом аҳли, хоссатан, Ҳалаб аҳли учун бирдамлик намойиши ўтказди
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
Ҳизб ут-Таҳрир-Ливан вилояти бутун Шом аҳли, хоссатан, Ҳалаб аҳли учун бирдамлик намойиши ўтказди
Ҳизб ут-Таҳрир-Ливан вилояти Байрутнинг Ториқул Жадид минтақасидаги Имом Али масжиди олдида бутун Шом аҳли, хоссатан, Ҳалаб аҳли учун бирдамлик намойиши ўтказди. Намойишда Ҳизб ут-Таҳрир-Ливан вилояти матбуот бўлими аъзоси шайх Аднон Мизён маъруза қилди. Унинг маърузасида қуйидаги сўзлар келган:
«Байрутдан шаҳидлар Ҳалабига, мағрурлар Ҳалабига, режимга, унинг хўжайинлари, тобелари ва иттифоқчиларига қарши чиққан қўзғолончилар Шомига… Лаббай ака-укаларимиз, лаббай опа-сингилларимиз, бугун биз сиз билан…, бутун Ливан мусулмонлари сиз билан…, қонингиз қонимиз, жароҳатингиз жароҳатимиз, аламингиз аламимиздир… Биз билан сиз битта Уммат фарзандларимиз… танингиз танимиз билан битта, бири-бирини ёрдамга чақиради… Сизу биз, Аллоҳнинг изни ила, Аллоҳнинг ердаги сара бандаларимиз, Аллоҳ баракот ато этган Шом замини, муробитлар заминидир, Ислом диёрининг марказидир… Мустамлакачи кофирлар, уларнинг малай ҳукмдорлари, ювиндихўр тобелари бизнинг орамизга чегара тортишга харчанд уринишмасин, улар исташмаса-да, Аллоҳ сиз билан бизни албатта жамлайди, улар бизни бўлиб-бўлиб ташлашмасин, барибир омадсизликка учрашди, ахир, Аллоҳ Субҳанаҳу ўрамини етти осмондан мустаҳкамлаб қўйган пухта ипни ким ҳам уза олсин, зеро, У
إِنَّمَا الْمُؤْمِنُونَ إِخْوَةٌ
«Албатта, мўминлар (бир-бирларига) биродардирлар» [Ҳужурот 10]
деган. Аллоҳ Субҳанаҳу сурияликлар, ливанликлар, маккаликлар, мадиналиклар, ҳалабликлар, байрутликлар… демади, балки мўминлар, деди. Биз Сизнинг биродарларингиз, бошқа ҳар қандай алоқаларни уздик ва фақат Аллоҳга, ақидага, исломий ака-укаликка боғландик. Шу ердан туриб, анави Ливан режимига, унинг барча тарафдорларига қарата – Сурия аҳли бизнинг қалбимизда, қалбимизнинг чуқур тўрида, то Аллоҳ уларга ёрдам бермагунча ёки улар учун ҳалок бўлмагунимизча, ҳаргиз тинчимаймиз, бизни бўлиш учун ҳамма ҳаракатингизни, бор бойлигингизни сарфлайверинг…, деймиз.
Эй Ҳалаб аҳли, эй собиру собитлар!
Шарқу Ғарб бутун қаланғи-қасанғилари билан сизга кўппакдек ташланмасин, Ливан аҳли сиз билан, зўравон ҳукмдорлари зулмига қарамай сиз билан. Сизнинг Ҳизб ут-Таҳрир сафидаги биродарларингиз мусулмонларни ўз масалалари, айниқса, Суриядаги, Шом ўлкаларидаги масалалари борасида ҳаракатга келтиришда ҳаргиз сустлашмаймиз. Афтидан, мустамлакачи кофирлар, уларга етакчилик қилаётган Америка ва барча иттифоқчилари аланга мисол ёниб турган нурни ўчирмоқчи бўлишаётган, кўринади. Чунки бу нур яқинлашиб келаётган нусрат йўлини ёритиб турганини билишган кўринади, Пайғамбарлик минҳожи асосидаги иккинчи рошид давлат соясида Халифалик, ғолиблик ва хавфсизлик билан таъминлаш ҳақида берилган раббоний ваъда рўёбга чиқажагини англашган, кўринади. Зотан, Ҳизб ут-Таҳрир ва Умматдаги холис инсонлар айнан шу Халифалик учун ҳаракат қилмоқдалар, инша Аллоҳ, сиз ҳам шу Умматдансиз… Агар мустамлакачи кофирлар ушбу ҳақиқатни англаб етишмаган бўлса, у ҳолда, сизу бизга шунчалар ташланган бўлишармиди?! Ҳа, улар ўз ниҳоялари тугаб, яқинлашиб қолганини билишди.
Аммо ўзларини қаршилик ҳаракати ё ман этиш ҳаракати, дея даъво қилаётган, аслида тоғут Башар билан бирга бўлган кимсалар эса, сизнинг қонингизни ичиб, Аллоҳ, Росули ва мўминлардан ҳаё қилишмаган пайтда, улар биздан ҳам эмас, сиздан ҳам эмас… Мана, улар ғарқ бўла бошлашди ва на дунёдан, на диндан ютишди…
Ливанда улар билан бирга ўтириб, мулоқотлар ўтказган, ҳатто битта ҳукумат тузган кимсаларга келсак, улар ҳам биздан эмас, сиздан ҳам эмас. Чунки маблағ билан қўллаб-қувватлашни ва сиёсий мансабларни кўзлаб, қўзғолонингиз билан савдо қилишяпти…
Улар ҳам, булар ҳам Ливан ҳукуматидан. Ҳаммалари сизга тарафдор эканликларини иддио қилишади. Аслида эса, ораларидан бировларининг сизни ўлдиришларига, яна бировларининг қочқин меҳмон ака-укаларимиз ва опа-сингилларимизни қамашларига, зулм қилишларига йўл беришади… Агар тарафдор бўлиш, деган сўздан улар ўлдириш ва зулм қилишни тушунишадиган бўлса, у ҳолда, сизга тарафдор бўлишмаса, қандай бўлишаркин?!!! Улар шундай даъволари билан ёлғон гапиришди, сизни алдашди…
Эй Ҳалабдаги мағрур аҳлимиз, эй Ислом диёри марказидаги аҳлимиз!
Сабр қилинг, бир-бирингизни сабрга, камарбасталикка чақиринг, Аллоҳдан тақво қилинг, шояд зафар қучсангиз. Чунки нусрат бир соатлик сабр ортидан келади. Зеро, кофир сизнинг қўзғолонингиз, сабрингиз ва имонингиздан ғоят зада бўлиб, каловланиб, босар-тусарини билмай қолди… Сиз туфайли «қора уй» раҳбарининг сочлари оқариб кетди, у «Сурия сочларимни оқартирди», деган эди, энди, «Сурия мени ўлдирди», демагунича уйидан ҳаргиз чиқмайди… Бу қудрати кенг Аллоҳга асло мушкул эмас
إِنَّ اللَّـهَ بَالِغُ أَمْرِهِ ۚ قَدْ جَعَلَ اللَّـهُ لِكُلِّ شَيْءٍ قَدْرً
«Албатта Аллоҳ Ўзи (хоҳлаган) ишига етгувчидир, дарҳақиқат Аллоҳ барча нарса учун миқдор-ўлчов қилиб қўйган» [Талоқ 2]
Эй Ҳалабдаги менинг ва ҳар бир холис кишиларнинг аҳли!
Сизнинг қўзғолонингиздан бугун куфр боши бўлиб турган АҚШ жиғибийрон бўлди… Ишни пайсалга солиб, кечиктириб, ёлғондан ўзини Асад ва режими душманилигини, давлатлараро мунофиқлик қилиб, Россияга қаршилигини даъво қиляпти, сизнинг қаршиларида тўсиқ бўлаётганингизни яширишяпти. Чунки режим билан келишишга рози бўлмаётганингиз улар учун ҳақиқий тўсиқдир, бас, шундай собит туринг. Сизнинг қўрқоқларни ва меҳмонхона қўзғолончиларини рад этишингиз ҳам, уларга тўсиқ бўлмоқда, бас, шундай давом этинг. Ла илаҳа иллаллоҳу Муҳаммадур Росулуллоҳ, деб ёзилган байроғингиз, Аллоҳнинг динини ҳакам қилиш талабини ифодаловчи такбир қичқириқларингиз ҳам уларга тўсиқ бўлмоқда, бас, шундай барқарор туринг…
Унутмангки, Аллоҳ сиз билан, Ливандаги мусулмонлар сиз билан, Ҳизб ут-Таҳрир сиз билан ва сизнинг орангиздадир.
Аллоҳ сизга нусрат ато этсин, қўлласин, куч-қудрат берсин, собитқадам қилсин».
Ҳизб ут-Таҳрирнинг
Ливандаги матбуот бўлими
Телефон: 009613155103
Факс: 06-424695
Электрон почта: Этот адрес электронной почты защищен от спам-ботов. У вас должен быть включен JavaScript для просмотра.">ht@tahrir.info
Ҳизб ут-Таҳрирнинг матбуот бўлими сайти: www.hizb-ut-tahrir.info
