Ҳизб ут-Таҳрир – Судан вилояти зулҳижжа ойида такбир айтиш анъанасини Порт-Судандаги катта бозорда гулдурос юриш орқали қайта тирилтирмоқда
Матбуот баёноти
Ҳизб ут-Таҳрир – Судан вилояти зулҳижжа ойида такбир айтиш анъанасини Порт-Судандаги катта бозорда гулдурос юриш орқали қайта тирилтирмоқда
Бугун, ҳижрий 1446 йил 6 зулҳижжа, милодий 2025 йил 2 июн душанба куни аср намозидан сўнг, Ҳизб ут-Таҳрир – Судан вилояти аъзолари зулҳижжа ойида такбир айтиш анъанасини қайта тирилтирдилар. Порт-Судандаги катта бозорда жойлашган Ибн Масъуд масжидида аср намозидан кейин Ҳизб ут-Таҳрирнинг Судан вилоятидаги расмий нотиғи ёрдамчиси, муҳтарам устоз Муҳаммад Жомеъ (Абу Айман) намозхонларга хитоб қилиб, уларга Зулҳижжа ойининг баракали ва улуғ кунлари қандай фазилатларга эга эканини эслатди. Саҳоба розияллоҳу анҳуларнинг бу кунларни такбир ва таҳлил билан улуғлаганлари ҳақида гапирди. Шундан сўнг устоз Абу Айман такбир айта бошлади ва ортидан жамоат ҳам биргаликда баралла такбир айтди. Сўнг барчалари Росулуллоҳ ﷺнинг ливосини ва «Зулҳижжа ойида такбир айтиш анъанасини қайта тирилтириш» деб ёзилган катта плакатни кўтарган ҳолларида, биргаликда гулдурос юришга чиқдилар.
Юриш давомида намойишчилар Аллоҳнинг буюк исмлари ила бозорни жаранглатиб, такбир ва таҳлил айтдилар.
Сўнгра масжид ёнида қайта тўпландилар ва устоз Абу Айман йиғилганлар ва барча мусулмонлар ҳаққига Аллоҳга дуо қилиб, эҳтиёжларининг рўёбга чиқишини, Аллоҳ Таоло очиқ ва яширин фитналарни кўтаришини ва ер юзида Пайғамбарлик минҳожи асосидаги рошид Халифалик давлатини барпо этиш орқали Ўз шариатини татбиқ қилиниши учун Исломга қувват беришини сўради. Ҳозир бўлганлар дуоларнинг орасида омин деб турдилар.
Иброҳим Усмон (Абу Халил)
Ҳизб ут-Таҳрирнинг Судан
вилоятидаги расмий нотиғи
