بِسْمِ اللهِ الرَّحْمٰنِ الرَّحِيمِ

Мусулмонларда Халифаликни барпо этиш имконияти борми?!

Шайх Саид Ризвон Абу Аввод (Абу Имод) қаламига мансуб

– Олам мусулмон юртларига қарши мисли кўрилмаган қутурган урушни гувоҳи бўлмоқда. «Терроризмга қарши кураш» ниқоби остидаги бу урушда дунёнинг ҳеч истисносиз барча давлатлари қатнашмоқда… Бу урушда мусулмон юртлари бойликлари талон-торож қилиниб, ресурслари йўқ қилинмоқда.

– Олам гувоҳ бўлаётган бу прокси урушларни ёлланма армиядаги мустамлакачининг манфаатларидан бошқа нарсани билмайдиган малай қўмондонлар бошқаряпти.

– Бугунги кунда истибдод, зулм, туғён, очлик ва қашшоқликда яшаётган халқлар устидан гапирса ёлғон гапирадиган, қасам ичса қасамхўрлик қиладиган, ваъда берса албатта бузадиган, рақобатлашса ғирромлик қиладиган раҳбарлар етакчилик қилмоқда.

– Олам гувоҳ бўлаётган бу курашларда йирик давлатлар халқлар тақдири устидан ҳукм ўтказиб, бир-бирлари билан нуфуз ва манфаат талашишмоқда.

Мана шундай оғир воқелик олдида ўз-ўзидан савол туғилади: Мусулмонларда Халифаликни барпо этиш имконияти борми?!

Масаланинг оғир томони Халифаликнинг ҳеч бир давлатда йўқлигидир. Халифалик ҳазоратга боғлиқ альтернатива бўлиб, капитализмга таҳдид солади ҳамда у билан бўлган курашни ҳазорат билан боғлиқ курашга, ҳаёт-мамот курашига айлантиради. Ушбу ҳаёт-мамот курашида икки томон ўз ораларига бошқа ҳеч кимни сиғдирмайди ҳамда бу кураш то бири иккинчисини йўқ қилмагунча асло тугамайди… Чунки у ақида ва мабда курашидир.

– Хўш, шундай бир вазиятда Халифаликни барпо этиш имконияти борми ёки йўқми?!

Бунга жавоб айтишдан олдин шуни эслатмоқчимизки, ҳар қандай ҳолатда ҳам биз Аллоҳ томонидан Халифаликни барпо этиш вазифаси юкланган мусулмонлармиз. Биз Аллоҳга нусрат фақат Унинг қўлида, барча иш Унга қайтади, қачон бир нарсани истаса ва бўл, деса албатта бўлади, дея имон келтирганмиз. Демакки, ҳаракат қилмоқ ва Унга таваккул этмоқ бизнинг зиммамизда. Кейин, Аллоҳнинг нусрат ва ғолиблик ваъдасига мушарраф бўлган бизмиз. Аллоҳ Таоло бундай деди:

﴿وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْناً يَعْبُدُونَنِي لَا يُشْرِكُونَ بِي شَيْئاً وَمَن كَفَرَ بَعْدَ ذَلِكَ فَأُولَئِكَ هُمُ الْفَاسِقُونَ﴾

«Аллоҳ сизлардан имон келтирган ва яхши амаллар қилган зотларга худди илгари ўтган зотларни халифа қилганидек уларни ҳам ер юзида халифа қилишни ва улар учун Ўзи рози бўлган (Ислом) динини ғолиб-мустаҳкам қилишни ҳамда уларнинг (аҳволини) хавфу-хатарларидан сўнг тинчлик-хотиржамликка айлантириб қўйишни ваъда қилди. Улар Менга ибодат қилурлар ва Менга бирон нарсани шерик қилмаслар. Ким мана шу (ваъда)дан кейин куфрони (неъмат) қилса, бас улар фосиқлардир»                      [Нур 55]

Қолаверса, моддий кучлар ва халқаро шароитларни муҳокама қилиш учун аввало халқаро воқеликни, бошқарув ва давлат талабларини онгли равишда англаш ва ҳар бир иш тайёргарлигини кўриш лозим. Чунки ғоя буюк, душман кучли, кофирлар макри абадий.

Мазкур саволга жавоб бериш учун қуйидагиларни ўрганиш лозим бўлади:

1 – Халқаро вазият:

Халқаро вазиятни ўрганиб чиқсак, Американинг яккаҳокимлигини, давлатлараро қарорларни бошқариб, халқаро тизимга ҳукмронлик қилаётганини гувоҳи бўламиз. Унинг «ким биз билан бўлмаса, у биздан эмас», деган шиор остидаги бу ҳаракати унинг олам давлатларига душманлигини ва ўз манфаатлари олдида уларнинг манфаатини менсимаётганини кўрсатмоқда. Халқаро муносабатларнинг негизи кураш ва тил бириктирув бўлиб қолди, ҳамма ҳамма учун тузоқ қўйяпти. Дунёнинг барча кураш ўчоқларида давлатлараро нуфуз талашишни кўряпмиз.

Масалан, АҚШ билан Хитой ўртасидаги кураш ҳамда АҚШ билан унинг Шимолий Атлантика Алянси (НАТО)даги шериклари ўртасидаги кураш каби. Шунингдек, АҚШ-Россия муносабатларидаги нотинчлик, душманлик даражасига етганини, Европа билан Россия ўртасида кучли адоват борлигини кўряпмиз.

Кейин, АҚШнинг Атлантика Алянси етакчиси сифатида Афғонистондан чиқиб кетиши ушбу Алянсга аъзо давлатларда ва уларнинг Алянс истиқболига бўлган қарашларига катта салбий таъсир кўрсатди. Бу эса, ушбу Алянснинг парчаланишидан дарак бермоқда.

АҚШ-Британия-Австралия иттифоқи ҳамда Франция ўзига нисбатан орқадан пичоқ уриш, дея баҳолаган ядровий сув ости кемаси билан боғлиқ шартнома Европа Иттифоқи давлатларининг ўзаро муносабатларига салбий таъсир қилди, бундан кейин ҳам таъсир қилади. Шу билан бирга бу келишмовчилик Евроиттифоқнинг АҚШ билан бўлган муносабатига, хусусан Франция-Британия муносабатларига ҳам таъсир қилади.

Шунингдек, биз нуфуз минтақалари устида прокси урушлар ва ҳарбий тўнтаришларда ўз аксини топган давлатлараро кураш кетаётганининг ҳам гувоҳи бўлмоқдамиз.

2 – Дунёга ҳукмронлик қилаётган капиталистик тузум:

Динни ҳаётдан ажратиш, амаллар ўлчовини утилитаризмга (манфаатпарастликка) айлантириш, эркинликни жиловсиз қўйиш, ҳар қандай қадриятдан қутулиш, атеизм, жинсни ўзгартириш ва бузуқликни кенг ёйиш, буларнинг барчаси бузуқ жамиятларни келтириб чиқарди. Ўз навбатида, бу жамиятларда миллатчилик ва ирқчилик каби хавфли иллатларни, ўнг қанот экстремистик оқимларни, уюшган жиноятчилик ва гиёҳвандлик гуруҳларини пайдо қилди, жамиятларни парчалади ҳамда уларнинг бирлиги ва жипслигини бузиб, кризис ва муаммоларга дош беролмайдиган заиф жамиятларга айлантирди.

Утилитар капиталистик тузум ўзининг демократик сиёсий асоси ҳамда стандартларининг иккиламчилиги, ғоя воситани оқлайди, деган тушунчаси билан жамият ва давлатлар ичида курашларни келтириб чиқарди. Бузғунчи, ахлоқий, инсоний ва руҳий қадриятларни пайдо қилиб, жамият ва давлатларни бадбўй балчиққа ботириб ташлади.

Ушбу тузумдаги иқтисодиётнинг асоси (яъни нисбий етишмовчилик) кризисларни келтириб чиқарди ва кризисларга ваҳшиёна ечимлар берди. Оқибатда очкўз капиталистлар ва қаттол монополистлар етишиб чиқди.

Хуллас, капиталистик тузум ҳамма ёвузликнинг ўчоғи ва ҳамма халқлар бахтсизлигига сабабчидир. Капитализм қай давлатга қадам босмасин, у ерда албатта вайронагарчилик, коррупция, қашшоқлик, очарчилик ва репрессия келтириб чиқарди. Пайдо қилган кризислари ўзининг капиталистик тузумига қаттиқ таъсир қилиб, капиталистик иқтисодий муаммоларга ва капиталистик жамият иллатларига ечим беролмайдиган тузумлигини намоён қилди. Бу тузум дунёдаги деярли ҳар бир давлатни қарзга ботирди ва уларда турли касалликларни тарқатди.

Кечаги кунда ечим, дейилган эркинлик, демократия ва илмонийлик бугунга келиб ҳамма муаммонинг асл иллати ва балогардони эканлиги аён бўлди.

3 – Ислом Умматининг ҳолати:

Умматнинг бугунги ҳолатига назар ташлаган киши қуйидагиларга гувоҳ бўлади:

– Бутун Ислом юртларида исломий уйғониш бўлаётгани ва ушбу ҳодисалар натижасида келиб чиққан Умматдаги онг даражасининг ўсаётгани.

– Умматнинг мустамлакачилар ва уларнинг воситаларини қаттиқ ёмон кўраётгани.

– Мусулмон юртларида ҳақиқий ўзгартириш мақсадида қўзғолонлар портлагани, бу қўзғолонлар ҳукмдорларни ожиз қолдириб, таянчларини йўқ қилиб, мустамлакачининг нуфузини кулини кўкка совураётгани.

– Халифалик лойиҳасининг барча мусулмон юртларида афкори оммага айланаётгани, у ерлардаги халқ базаси томонидан қўллаб-қувватланаётгани, халқнинг Халифалик соясида ва шариат ҳукмронлигида яшашга интиқлиги.

– Исломий ҳаётни қайта бошлашни табанний қилган мабдага асосланган Ҳизб ут-Таҳрирнинг мавжудлиги. Бу Ҳизбнинг баландпарвоз гапларни шиор қилиб олмагани, балки муфассал комил исломий лойиҳа ва дастурга эга эканлиги. Ҳизбнинг ҳаётдаги ички ва ташқи жиҳатдан энг кичик нарсаларгача тартибга солувчи батафсил низомларни ишлаб чиққанлиги. Ҳизбнинг мусулмонлар қаерда бўлмасин, уларнинг масалаларини қабул қилиб, уларга чегара билмас, ранг ва ирқ танланмас оламшумул Исломни берганлиги. Ўз тарафдорларини етакчилар ва давлат арбоблари сифатида етиштириб, ҳар бирини Ислом сақофати билан қуроллантирганлиги, уларда сиёсатни ажойиб суратда тушуниш ва давлатни мабдаий ақидавий маъмурий бошқариш учун лойиқ кучни яратганилиги.

Хулоса:

– Биз мустамлакачи давлатлар ўртасида кетаётган ва манфаат учун бир-бирларини қонини тўкаётган халқаро курашни бошдан кечиряпмиз.

– Капиталистик тузумнинг йиқилаётганини, ўз муаммоларини ечишдан ожизлигини, қадриятлари йўқолиб, давлати муваффақиятга учраганини бошдан кечиряпмиз.

– Халқлар устидан ҳукмрон бўлишга қаратилган ҳарбий ечимнинг барбод бўлаётганини бошдан кечиряпмиз.

– Биринчи давлат бўлмиш Америка бошчилигидаги Ғарб жамиятларининг ич-ичидан бўлинаётганини, таркибий қисмлар ўртасида алоқалар узилиб, парчаланганини кўряпмиз. Бу жамиятларда қотил ирқчилик авж олиб, мусулмонларни асло сиғдиролмаётганига, бутун бир жамият яшаб қолиши учун лозим бўлган энг муҳим воситалар эса, фалаж аҳволга келиб қолганига гувоҳи бўляпмиз.

– Ҳукмдорларнинг ўзликларидан узилиб, тахтлари ликиллаб қолганини, репрессив ҳарбий таёғини ичдан қурт емираётганини кўряпмиз.

– Буларнинг муқобилида, Исломни кўряпмиз. Унинг агар рошид Халифаликка ва лойиқ холис етакчиликка етишса, куфр миллати унинг яқинига ҳам йўллай олмайдиган энг йирик энергия сифатида тобора ўсаётганини гувоҳи бўляпмиз.

– Демак, биз шундай олтин фурсат-имкониятни кўряпмизки, у мусулмонларга – мана, сизнинг замонингиз келди, туринг арслондек ўкириб, душманингизни йўқ қилинг, Халифаликни барпо этинг, сизни шараф кутмоқда, сиз унга лойиқсиз, демоқда.

– Биз борлиқни яратган Холиққа имкон келтириб, борлиқни бошқариш тадбир қилиш калитлари қўлида эканига, авлиёларига нусрат бериб, душманларини хор этишига, берган ваъдаси албатта ҳақлигига, қилган ҳукми узил-кесил эканига имон келтирганмиз.

Аллоҳдан сўраймизки, бутун мусулмонларнинг, хусусан, куч-қудрат аҳлининг қалбини ўз динларига нусрат бериш, Халифаликни барпо этиш ва Ҳизб ут-Таҳрирдаги биродарларига қўлларини узатиш сари очсин… Аллоҳ Таоло уларни ҳам, бизни ҳам бундай ишга мушарраф айлаб, нусратини уларнинг ва бизнинг қўлларимиз билан берсин. Бу билан барчамизни бу дунё азизлигию охират улуғлигига ноил қилсин.

Роя газетасининг 2021 йил 10 ноябр чоршанба кунги 364-сонидан