Ўзгармас уч услуб
Ўзгармас уч услуб
بسم الله الرحمن الرحيم
Пайғамбарлар (алайҳимус салом) ўзлари яшаётган жамиятга доимо бегона фикр билан келганлар. Яъни “ла илаҳа иллаллоҳ” билан. Турли бутлар, тоғутларга сиғинувчи халқлар устидаги ҳукмрон кимсалар бу калиманинг мағиз-моҳиятини тушунгани учун унга қарши курашиб, тазйиқ ва таъқибни кучайтиришган, қийноқларга солган, ўлдирган… Макка мушриклари: “Муҳаммад бизни ота-боболаримиз йўлидан чалғитмоқда” деб жар солишган эди. Бугун ҳам Ҳизб ут-Таҳрир Исломий партияси Пайғамбаримиз ﷺ олиб келган “ла илаҳа иллаллоҳ”ни моҳияти билан тушунишга ва унга тўлиқ амал қилишга мусулмонларни чақирар экан, бу даъватнинг оламдаги барча давлатлар қонунларига ва ҳокимларга жиддий хатарлиги кўринди. Шунинг учун улар бу фикрни ўз халқларига бегона, бузғунчи ва ёт ғоя, дея жар солишмоқда. Улар тарихдаги золимлардан фарқли ўлароқ, “ла илаҳа иллаллоҳ” калимасининг шунчаки айтилишига эмас, балки уни моҳиятан тушуниб, амал қилинишига қарши уруш бошлашди. Улар азонни баралла айтилишини, масжидлар очиқ туришини, рўза ва ҳаж амалларига кенг йўл борлигини Исломнинг ҳаётда “борлиги”га далил қилиб кўрсатишди. Аммо пайғамбаримиз Муҳаммад ﷺнинг давлат раҳбари сифатидаги ишларини ва 1924 йилгача умматни бир вужуд, бир байроқ ва бир халифа билан бошқарилганлигини ўша давргагина хослаб кўрсатишди. Ҳизб ут-Таҳрир сиёсий партиясининг Пайғамбаримиз ﷺ Мадинада барпо қилган Ислом Давлатининг яна ҳаётга қайтиши ҳақидаги чақириғини динимизнинг бугунги душманлари “бузғунчи ғоя”, “ота-боболаримиз қилмаган ишлар”, деб аввалдаги Макка мушрикларидек талқин қилишмоқда.
Ва Муқаддас Каъбада ўша жоҳилият давридаги бутлар бугунда йўқлигидан умматни фахрлантирмоқда. Аммо элликдан ортиқ давлатчаларга бўлиниб, турли байроқлар остидаги бошқарувларнинг айнан Каъбадаги ўша бут-санамлардан фарқи йўқ эканидан чалғитишди. Мусулмонлар ҳаёт ишларининг инсон тарафидан тузилган ношаръий қонунлар асосида бошқарилиши куфр эканидан ғафлатда қолдилар. Бунда ёлланган илм аҳлининг хизматлари беқиёс бўлмоқда. Улар фақат Ҳизб ут-Таҳрир сиёсий партияси фаолиятига қарши бўҳтон ва туҳмат тошлари отишга киришсалар, умматда унга қизиқиш кучайишидан чўчиб, бу Ҳизбдан бошқа юзлаб Исломий ҳаракатлар рўйхатини тузган хожаларига хизмат қилмоқдалар. Макка мушрикларидан андоза олган бугунги Абу Жаҳллар тазйиқ- таъқиб, қарши ташвиқот ва алоқаларни узишга зўр бериб, тинимсиз шу қадимий уч услубда курашни давом эттиришмоқда.
Марказий Осиё, хусусан Ўзбекистонда 25 йилдирки Ҳизб ут-Таҳрир йигитларини қамоқда ушлаб, яқин йилларда озодликка чиққанларни яна қайта қамамоқда. Бу чорак асрлик ғайриинсоний тазйиқ, таъқиблардан изтироб чеккан мусулмонлар оиласидаги гўдакларнинг қон йиғлаши ҳам, интизор қалблар айрилиқлари ҳам на ҳукуматдагиларнинг ва на минбар хатибларининг бир тукини қўзғотмади. Улар бу жирканч курашда қонхўр ўрис “айиқ”, қаттол хитой ва маккор душман – Ғарб давлатлари билан ҳамкор қадам ташламоқда. Ҳукумат Хитойга юртни поёндоз этди. Ерларни куфр юртларидан ёғилиб келаётган инвесторларга сотиб юбормоқда. Исломга қарши кураш билан бир қаторда ёшларнинг куфр сақофати-маърифати билан заҳарланишига кенг йўллар очиб берди. Юртнинг олим кишиларини қамоқ ва қувғинга солиб, Ғарбнинг бузғунчи демократиясини ёйишга киришиб кетди. Англия Ҳизб ут-Таҳрир сиёсий партиясига “терроризм” тамғасини ёпиштиргач, Ўзбекистон режимининг 25 йиллик жинояти гўё оқлангандек бўлди-да, у ўз жиноятини янада авж олдирди ва худди қадимдаги бутпараст мушриклардек иймон аҳлига қарши курашини давом эттирмоқда.
Эй мусулмонлар! Устингизда шариатнинг ҳукмрон бўлиши манави хорликларга барҳам берувчи ечим эканини англаш вақти келмадими?! Ёлғончи, очофат, ваъдабоз, хоин ва малайлар найрангидан чарчамадингизми?! Ҳатто Ислом бешиги Мадинаи Мунавварада казинолар ва Муқаддас Каъба атрофида ароқхоналар очган Салмоннинг Ғазо қаттоли яҳудий сионист режимига ёрдамидан ғафлатдамисиз?! Эрдўғоннинг оғир металлар ва бошқа зарурий нарсалар билан яҳуд вужудини қўллаганини кўрмаяпсизми ахир?! Уйғур биродарларимиз қотили Хитой нажасларига юртингизни сотилиб кетаётганига кўз юммоқдамисиз?! Оламдаги фалокатлар бош сабабчиси ва бузуқликлар “уяси” Ғарб ўзининг жирканч ўлчовларини оилангизгача киритаётганига бепарвомисиз?! Орангиздан мардларингизни панжаралар ортида сақлаб, юртимиздан қувилишларига сукут сақлаб тураверасизми?! Билинг ва амин бўлингки, бу кунлар чақмоқдек ўтиб кетувчи қисқадир. Унда нима билан яшаган бўлсак, эртага шу билан Аллоҳга рўбарў бўлгувчимиз!
Бугун ўз имкониятлари билан мағрурланиб, ўзларини қудратли санаётганлар тарихдаги ўзларига ўхшаган ўша фиръавнларга бир боқишсин! Оқибатлари бугун ёки эртага ўшалар каби бўлишини кутаверсинлар! Инша Аллоҳ Роббул мустазъафин бу қон йиғлаган Ғазо аҳлини, геноцид қилинаётган уйғурларни, умрбод зиндонда қолаётган мазлумларни, албатта, ғолиб қилажак! У кун ўта яқиндир! Интиқом яқиндир! Нусрат яқиндир! Буни ғофилларгина ҳис қилишдан маҳрумдир, холос!
وَیَوۡمَىِٕذࣲ یَفۡرَحُ ٱلۡمُؤۡمِنُونَ بِنَصۡرِ ٱللَّهِۚ یَنصُرُ مَن یَشَاۤءُۖ وَهُوَ ٱلۡعَزِیزُ ٱلرَّحِیمُ
– “Ўша кунда мўминлар Аллоҳ ғолиб қилгани сабабли шодланурлар. (Аллоҳ) Ўзи хоҳлаган кишини ғолиб қилур. У қудрат ва раҳм-шафқат Эгасидир”. (Рум:5)
Ҳизб ут-Таҳрир Ўзбекистон матбуот бўлими аъзоси Зайниддин
10.03.2024й
