بِسْـــمِ اللهِ الرَّحْمٰـــنِ الرَّحِيـــم
Ўз халқини ўлдириш эвазига амалга оширилган бу қонли давлат тўнтариш уриниши ваҳший террор амалиётидир

Кеча кечқурун бу кўҳна халқнинг асл қадриятларидан ва исломий ўзлигидан бенасиб бўлган «ҳарбий инқилобчилар» томонидан амалга оширилган давлат тўнтариш уриниши ҳар қандай қонли террор ҳужуми каби бегуноҳ мусулмонлар ўлимига олиб келди. Тентакларча амалга оширилган бу қонли ҳаракат мусулмон халқнинг фарзанди бўлган аскарларни мусулмонлар фарзандларига ва полициясига қарши қўйди. Натижада юзлаб инсон ҳалок бўлди, минглаби жароҳатланди. Биз Ҳизб ут-Таҳрир-Туркия вилояти аъзолари бу қонли ҳаракатни асло қабул қилмаймиз ҳамда Аллоҳ Таолога дуо қилиб, ҳалок бўлган мусулмонларни ўз раҳматига олишини сўраймиз.

Бу «ҳарбий инқилобчилар» яқин кунларда бўлиб ўтадиган Олий Ҳарбий Кенгаш қарорлари билан келажаклари хавф остида қолишини ҳис қилишган эди. Шунинг учун шошма-шошарлик билан аҳмоқона ҳаракат қилиб, халққа суяниш ўрнига ўзларини қўллаб-қувватлаётган мустамлакачи давлатларга суянишди. Алалоқибат, ўз халқига қарши қурол қўллаб, бомба отиб, ўзларининг омадсизликларини исботлашди. Чунки халқ хоҳишига қарши борган ҳар қандай ҳаракат асло муваффақият қозонолмайди.

Туркия республикаси ташкил топгандан буён, бир неча бор давлат тўнтаришга уриниш бўлиб ўтди. Бу уринишлар ё ўзларининг шахсий манфаатларини таъминлаш ёки мустамлакачиларнинг сиёсий манфаатларини амалга ошириш учун бўлди. Бироқ хоҳ муваффақиятга эришган бўлсин, хоҳ бўлмасин, бу уринишлар Туркиянинг мусулмон халқига зулмдан бошқа нарсани келтирмади.

Бу уриниш ортида «параллел давлат» дея аталган Гулен ҳаракати турган бўлиши мумкин эмас. Чунки ушбу тўнтаришга бўлган уриниш Гулен ҳаракати қудратидан анча буюкдир. Бу тўнтариш уринишини ташкиллаштирган кучлар, ортида турганлар ва мустамлакачи кучлар ҳақида изланинг, ана шунда, жиноятчи ўшалар орасидан чиққанини гувоҳи бўласиз.

Эй ҳукмдор ва етакчилар!

Сизлар дўст тутган ўша мустамлакачилар Умматнинг душманлари эканини қачон тушуниб етасиз?! Бу халқнинг ё Аллоҳ, ё Аллоҳ, Аллоҳу Акбар Кабиро… дея танклар қаршисида мардлик билан қандай туриб берганини ўзингиз гувоҳ бўлдингиз! Масжидларда салавот айтишга берган буйруғингизни қандай қабул қилганига бир қаранг! Улар кўчаларга демократия учун чиқмадилар, балки илмонийликка қарши Исломлари билан чиқдилар. Шундай экан, сизлар ҳам мустамлакачиларга қарши чиқинг, танклар қаршисида мардлик билан турган халқингиз каби, сиз ҳам Америка, Британия каби мустамлакачи давлатларга қарши туринг! Ислом ва мусулмонларга душманлик қилаётганларга қарши туринг! Фақат шундагина бу халққа лойиқ бўласиз, фақат шундагина раҳбарлик омонатини ҳақ-рост адо қилган бўласиз!

Эй мусулмонлар!

Бу ҳукуматни «ҳарбий тўнтариш»дан ҳимоя қилганингиз каби Аллоҳнинг динини ҳам ҳимоя қилинг. Шу мардлигингизни Ислом ва мусулмонларга ҳужум қилаётган ҳамда ўзларини Аллоҳ Таолонинг буйруқларидан бехабар қилиб кўрсатиб, қабул қилмаётган кимсаларга ҳам қарши намойиш қилинг. Бу «ҳарбий тўнтариш»га «йўқ», деганингиз каби, ғайриисломий фикр ва тузумларга ҳам «йўқ», денг. Зеро, ушбу кўҳна юртда ҳақ барқарорлигини ҳимоя қилувчилар – инша Аллоҳ – сизларсиз. Инша Аллоҳ сизларнинг қўлингиз билан Пайғамбарлик минҳожи асосидаги иккинчи рошид Халифалик тикланиб, ер юзига яна Ислом бошқаруви қайтади.

Ҳизб ут-Таҳрирнинг Туркиядаги матбуот бўлими
Web: www.hizb-turkiye.org
E-Mail: Этот адрес электронной почты защищен от спам-ботов. У вас должен быть включен JavaScript для просмотра.">bilgi@hizb-turkiye.org