بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Ҳизб ут-Таҳрирга туҳмат қилишдан тийилинг

Америка ва Ҳиндистонни минтақадан чиқариб юбориш бузғунчиликни чинакамига йўқ қилишдир

Маълумки, Ҳизб ут-Таҳрир-Покистон вилояти Халифаликнинг муаттар даъватчиси Навид Баттни озод этилишини талаб қилувчи кампания бошлаган. Ҳизб Покистон режимининг мушрик ҳиндуслар давлатига маърифий, сиёсий, иқтисодий ва ҳарбий жиҳатдан итоаткорлик қилиш билан «Буюк Ҳиндистон» лойиҳасига замин тайёрлаётганини фош этиб келмоқда. Шунингдек, Ҳизб Покистон хавфсизлик хизматини АҚШ ва Ҳиндистоннинг минтақадаги жойлашувига, яъни узоқ йиллар давомида портлашлар ва суиқасдлар билан Покистон барқарорлигини бутунлай издан чиқарган жойлашувига қарши ҳаракатга келишга даъват қилмоқда. Ҳизб ут-Таҳрир-Покистон вилоятининг мана шу фаолиятларига нисбатан режим Ҳизбга туҳмат билан реакция билдирди ва «Фажр» газетасида мақола чиқарди. «Портлашлар ортида экстремистлар ва бойлар турибди» сарлавҳаси остида чиққан бу мақола профессионаллик ва холисликдан йироқ равишда, хавфсизлик хизмати буюртмаси асосида ёзилгани шундоқ кўриниб турибди. Газетанинг 2017 йил 23 февралдаги Интернет сайтида нашр қилинган айни мақоласида бундай дейилган: «Панжобга тақиқланган Ҳизб ут-Таҳрирга аъзо бўлган шахсларни ҳибсга олиш учун уч гуруҳдан бири юборилди. Бу ҳизб Қаландас мозорида ўзини портлатган кишига воситачи ҳисобланади».

http://www.dawn.com/news/1316402/militants-facilitators-behind-shrine-blast-traced-cm-told

Ҳизб ут-Таҳрир-Покистон вилояти бундай ботил айбловлар тарқатишга шерик бўлган ахборот воситаларини огоҳлантиради: Сизлар қиёмат куни ҳар бир нарсани кўриб-эшитиб турувчи Аллоҳ Субҳанаҳу олдида турасиз. У бандаларидан каттаю кичик гуноҳлари устида ҳисоб талаб қилади, Аллоҳнинг дўстларига туҳмат қилиш ҳам мазкур гуноҳлар сирасидандир. Сиз бу ёвуз режимнинг Пайғамбарлик минҳожи асосидаги рошид Халифаликка даъват қилаётганларга қарши тарқатаётган ёлғон ва туҳматларини нашр қилиш ўрнига, Ҳизб ут-Таҳрирнинг матбуот бўлимига мурожаат қилиш имконига эга эдингиз. Ўқувчиларни тинимсиз алдаб адаштиришга уриниш ўрнига, ушбу матбуот баёнотини изоҳ сифатида қайта нашр қилишингиз ҳам мумкин. Аллоҳ Субҳанаҳу ва Таоло бундай деди:

يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ

«Эй муминлар, агар сизларга бир фосиқ кимса бирон хабар келтирса, сизлар (ҳақиқий аҳволни) билмаган ҳолингизда, бирон қавмга мусибат етказиб қўйиб, қилган ишларингизга афсус-надомат чекиб қолмасликларингиз учун (у фосиқ кимса олиб келган хабарни) аниқлаб-текшириб кўринглар!»   [Ҳужурот 6]

Бу ёвуз режимнинг ўзига келсак, у Уммат лойиҳаси бўлган Пайғамбарлик минҳожи асосидаги рошид Халифалик лойиҳасига қарши туриши билан энг ёмон разилликка қўл урди. Бунинг ўрнига, у Вашингтон ва Деҳлига кескин қарши туриши керак эди. Чунки шу пайтга қадар юртда тинимсиз содир этилаётган портлашлару қирғинлар ортида мана шу давлатлар турибди. Жиноят ва бузғунчиликка қарши талаб этилган позиция шу эди.

Энди, режимнинг Ҳизбга нисбатан экстремистик тамғасини ёпиштираётганига келсак, бу билан у ўзининг Покистонда холис Исломга даъват қилаётганларга қарши олиб бораётган репрессиясини давом эттириш учун «миллий диалог режаси»ни оқламоқчи. Чунки Ҳизб Саҳвон портлашларини, бунга ўхшаш ҳодисалар ортида турган томонларни қаттиқ қоралади, мусулмон ва ғайримусулмонлар дохил айбсиз оддий фуқаролар нобуд бўлаётган бу каби ҳодисалар Исломда ҳам мутлақо қораланганини баён қилди.

Бундан ташқари, режимнинг ёлғон-яшиқ гаплар ва туҳматлар тарқатаётгани унинг ҳаром содир этишдан, Аллоҳ Субҳанаҳу ва Таолога қарши чиқишдан тап тортмаслигига, буларнинг эвазига эса Вашингтондан медаллар билан мукофотланаётганига далолат қилмоқда. Аллоҳ Субҳанаҳу ва Таоло бундай деди:

وَيْلٌ لِّكُلِّ هُمَزَةٍ لُّمَزَةٍ* الَّذِي جَمَعَ مَالًا وَعَدَّدَهُ * يَحْسَبُ أَنَّ مَالَهُ أَخْلَدَهُ

«Барча туҳматчи-ғийбатчига ҳалокат бўлсин. У мол-дунё тўплади ва уни ҳисоб-китоб қилди. (Бу) мол-дунёси мангу (ўлмайдиган) қилиб қўяди, деб ўйламоқда»                                                                                   [Ҳумаза 1-3]

Дарҳақиқат, Покистон режими ўзининг америкапараст эканини исботлади. Буни у Афғонистонда америкалик салибчиларга қарши, Кашмирда босқинчи ҳиндусларга қарши жанг қилаётган мужоҳидларга қарши амалиёт олиб бориш билан исботлади. Шунингдек, ҳар қандай босқинчи душманга қарши жиҳодга етакчилик қилувчи Пайғамбарлик минҳожи асосидаги рошид Халифалик барпо этишга даъват қилаётган холис инсонларни репрессия қилиш билан ҳам исботлади.

Ҳизб ут-Таҳрир бугун кофирлар истамасалар-да, барпо бўлиш арафасида турган ушбу Халифалик сари фаолиятини тўхтовсиз давом эттиради. У шуни таъкидлайдики, илгари худди қурайшлик мушриклар Исломнинг давлат сифатида барпо бўлишига йўл қўймаслик учун туҳмат ва ёлғонлар қўллаб, ҳеч нарсага эришолмаганлари каби, бугун режимнинг ушбу давлатнинг қайта барпо бўлишига йўл қўмаслик йўлида қўллаётган туҳмат ва ёлғонлари ҳам ҳаргиз наф бермайди, уни кечиктиролмайди. Билъакс, Уммат бугун тоғутлардан халос бўлиш учун кимлар фаолият олиб бораётганига кундан-кунга кўпроқ ишонмоқда. Ҳизб ут-Таҳрир шуни тўхтовсиз таъкидламоқдаки, мўминларга нусрат келиши учун албатта Набий САВнинг Ислом давлатини барпо этиш тариқатларига эргашмоқ лозим. Қуролли кучлар сафидаги холис зобитлар дохил қудрат ва ёрдам аҳлининг нусрат-ёрдам бериши ҳам шу тариқат шартларидан биридир. Қачон ҳокимият очқичлари қўлга киритилса, Ҳизб ут-Таҳрир бузғунчи душманни қувиб солиш ва илоннинг бошини узиб ташлаш учун бутун Уммат куч-қудратини сафарбар этади. Бу эса минтақани АҚШ билан маккор ҳиндуслар давлати элчихоналари ва консулликлари, дипломатларидан тозалаш орқали амалга ошади. Ана шунда ҳақ рўёбга чиқади, ботил яксон бўлади.

بَلْ نَقْذِفُ بِالْحَقِّ عَلَى الْبَاطِلِ فَيَدْمَغُهُ فَإِذَا هُوَ زَاهِقٌ

«Йўқ, (Биз ундай айбу нуқсондан покдирмиз), Биз Ҳақ Қуръонни ботил-жаҳолатнинг устига отурмиз, бас (ҳақиқат ботилни) эзиб-янчиб, баногоҳ (ботил) йўқ бўлур»                                                                          [Анбиё 18]

Ҳизб ут-Таҳрирнинг Покистондаги матбуот бўлими

Телефон: +(92)333-561-3813

Факс: +(92)21-520-6479

Электрон почта: htmediapak@gmail.com

Веб саҳифа: www.hizb-pakistan.com