بسم الله الرحمن الرحيم

Ижтимоий тармоқларда Исломга қарши кураш олиб бораётганлар кўзингизни очинг! Иймонингиздан воз кечиб, куфрга малайлик қилманг!

Дунё бўйлаб, ҳаётнинг ҳар бир соҳасида турли зиддиятлар, тортишувлар, курашлар, жанглар кундан кун авж олиб бормоқда. Табиийки, бу курашларнинг аксарияти Ислом ва мусулмонлар уйғониб бораётганига қарши ташкил қилинмоқда.

Худди шундай курашлардан бугунги кунда жуда кучли аҳамият касб этиб бораётгани бу, ижтимоий тармоқларда кетаётган фикрий курашлардир. Айтиб ўтиш мумкинки, Ислом олами уйғона бошлаганини кўриб, тушуниб турган курф олами, тезлик билан бутун дунё бўйлаб Ислом ва мусулмонларнинг номини қора қилиш, Ислом деганда террор ва жиноятни тушунадиган раъй омни вужудга келтириш учун бор кучини сафарбар қилди. Юқорида айтиб ўтганимиздек, бу иш ижтимоий тармоқларда ҳам зўр бериб кучли олиб борилмоқда.

Биз хозир ижтимоий тармоқлардаги курашларнинг моҳияти, кимлар нималар қилаётгани, услублари кабиларни гапирмоқчи эмасмиз. Хозир айтмоқчи бўлган сўзларимиз, ижтимоий тармоқларда ва умуман ҳаётнинг ҳар қандай соҳасида ҳам, ўзини мусулмон деб хисоблаган дўстларимиз модомики, гапираётган гапларини Аллоҳнинг йўлида даъват, Унинг динига тарғиб, чақирув деб ҳисоблар эканлар, бу ишни албатта, Аллоҳ ва Росули кўрсатган йўналишда олиб боришлари лозим бўлади. Зеро, биз иймон келтирган Роббимиз бизларга шундай деган:

وَمَا آَتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانْتَهُوا وَاتَّقُوا اللَّهَ إِنَّ اللَّهَ شَدِيدُ الْعِقَابِ

“ Росул сизларга нима олиб келса, уни олинглар, сизларни нимадан қайтарса, қайтинглар. Аллоҳга тақво қилинг. Албатта Аллоҳ азоби қаттиқ Зотдир.”                                                                                                                                           (Хашр. 7)

Шундан келиб чиқиб айтмоқчимизки, асосан ижтимоий тармоқларда куфр зулмига малайлик қилаётган Исломга қарши курашда ўзини кўрсатаётган шахсларга даъват қилмоқчи бўлаётган мусулмон дўстларимиз албатта, ушбу ишларида ҳам Аллоҳнинг буюрганлари ва қайтариқларидан четга чиқмасликлари керак. Чунки золим режимларга хизмат қилаётган ушбу ўзларини мусулмон деб ҳисоблайдиганларинг баъзилари билиб, тушуниб, баъзилари билмасдан тушунмасдан шундай ношаръий жиноятларни қилишмоқда. Бундай хоинларга “Сен хоинсан, сен ўлишинг керак, йўқол бу ердан” маъносидаги гапларни гапириш биринчидан, уларнинг мусулмонларга нисбатан нафратини янда кучайтирса, иккинчидан, Исломни ва мусулмонларнинг ўзини ҳам, куфрий малайлар даражасига тушириб, ахлоқи бузуқ бир бақироқлар кўринишига олиб келиб қўяди.

Бу тўғрида Ислом шариатида кўплаб кўрсатмалар келган.

ادْعُ إِلِى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُم بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِ وَهُوَ أَعْلَمُ بِالْمُهْتَدِينَ

“Роббингнинг йўлига ҳикматли сўз ва яхши мавъиза билан даъват қил. Ва улар билан гўзал услубда мунозара қил. Албатта, Роббинг Ўз йўлидан адашганларни ўта билгувчи ва ҳидоят топгувчиларни ҳам ўта билгувчидир”.        (Наҳл. 125)

وَلَوْ كُنتَ فَظّاً غَلِيظَ الْقَلْبِ لاَنفَضُّواْ مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الأَمْرِ فَإِذَا عَزَمْتَ فَتَوَكَّلْ عَلَى اللّهِ إِنَّ اللّهَ يُحِبُّ الْمُتَوَكِّلِينَ

“(Эй Муҳаммад) Агар қўпол, қалби қаттиқ бўлганингда, атрофингдан тарқаб кетар эдилар. Бас, уларни афв эт. Уларнинг ҳаққига истиғфор айт ва улар билан ишларда машварат-маслаҳат қил. Азму қарор қилганингдан сўнг Аллоҳга таваккал қил. Албатта, Аллоҳ таваккал қилгувчиларни севадир. (Оли Имрон. 159)

Пайғамбар соллаллоҳу алайҳи ва саллам дедилар:

أَرْبَعٌ مَنْ كُنَّ فِيهِ كَانَ مُنَافِقًا خَالِصًا, وَمَنْ كَانَتْ فِيهِ خَصْلَةٌ مِنْهُنَّ كَانَتْ فِيهِ خَصْلَةٌ مِنْ نِفَاقٍ حَتَّى يَدَعَهَا, إِذَا اؤْتُمِنَ خَانَ, وَإِذَا حَدَّثَ كَذَبَ, وَإِذَا عَاهَدَ غَدَرَ, وَإِذَا خَاصَمَ فَجَر

Тўрт иш борки, кимда улар бўлса, ғирт мунофиқ бўлади. Кимда улардан бири бўлса то тарк қилгунига қадар унда мунофиқликнинг бир хислати бор бўлади. Улар: омонатга хиёнат қилиш, ёлғон гапириш, аҳдга вафо қилмаслик, баҳслашганда фожирлик қилиш, сўкиниш. Муттафақун алайҳ.

الْحَيَاءُ مِنَ الإِيمَانِ, وَالإِيمَانُ فِي الْجَنَّةِ, وَالْبَذَاءُ مِنَ الْجَفَاءِ, وَالْجَفَاءُ فِي النَّارِ

Ҳаё иймондандир, иймон эса жаннатдадир. Беҳаёлик, фожирлик, қўполлик-шафқатсизликдир, қўполлик эса дўзахдадир. Аҳмад ва Термизий ривояти.

وَأَهْلُ النَّارِ خَمْسَةٌ … وَالشِّنْظِيرُ الْفَاحِشُ

“Дўзах аҳли беш қисмдур: … ва ахлоқсиз беномус…”, дедилар. Муслим ривояти.

لَيْسَ الْمُؤْمِنُ بِالطَّعَّانِ, وَلاَ اللَّعَّانِ, وَلاَ الْفَاحِشِ, وَلاَ الْبَذِيءِ

“Мўъмин киши таҳқирлайдиган, лаънатлайдиган, ахлоқсиз, беномус бўлмайди”.Термизий ривоят қилган ва ҳасан ҳадис деган.

Бундан ташқари, ҳаммамизга Пайғамбаримиз соллаллоҳу алайҳи ва салламнинг сийратиларидан маълумки, у зот соллаллоҳу алайҳи ва саллам Тоифга Ислом учун нусрат сўраб борганларида Тоифликлар жуда қўпол тарзда, ёмон жавоб қайтариш билан чекланмасдан, у кишини (соллаллоҳу алайҳи ва саллам) уриб баданларига жарохат етказишади. Шунда Жаброил алайҳиссалом Пайғамбар соллаллоҳу алайҳи ва салламнинг олдиларига келиб, “Ё Росулаллоҳ, айтинг Тоифни ер билан яксон қиламан”, деганида, Росулуллоҳ соллаллоҳу алайҳи ва саллам бу сўзнинг жавобига, “Булар Исломни тушунишмаяптида, тушунганларида бундай қилишмас эди”, дейдилар ва Тоиф аҳли ҳаққига дуо қиладилар. Бу бўлиб ўтган воқеа биз мусулмонлар учун динимизни тарқатишда энг кучли кўрсатма, энг ишонарли ва эргашишга арзигулик манҳаждир.

Хулоса қилиб айтадиган бўлсак, етакчи капиталист давлатлар хозирги дунёдаги хукмронлигини, бойликларга эгалигини сақлаб қолиш учун олиб бораётган салбчилик курашларини хоҳ интернетдаги ходимлари билан, хоҳ харбий жанговар армиялари билан бўладими фарқсиз, эндиликка келиб мусулмонлар уйғонишни бошлади ва бу уйғонишни куфр тузуми ва унинг малайлари ҳар қанча уринмасинлар асло тўхтатиб қола олмайдилар!

يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن يُتِمَّ نُورَهُ وَلَوْ كَرِهَ الْكَافِرُونَ

“Улар (кофирлар) Аллоҳнинг нурини оғизлари билан ўчирмоқчи бўладилар. Аллоҳ эса, агарчи кофирлар ёқтирмаса ҳам, Ўзнинг нурини батамом қилишдан бошқа ҳар нарсадан бош тортади.”. (Тавба. 32)

Ҳизб ут-Таҳрирнинг Ўзбекистондаги медиа офиси Муслим

20.04.2015й.