بِسْمِ اللهِ الرَّحْمٰنِ الرَّحِيمِ

Йиллик Халифалик конференцияси

2022 йил 6 март куни Чикагода Ҳизб ут-Таҳрир – Америка Халифаликнинг 1924 йилда қулатилиши сабабли ўтказилаётган халқаро кампания доирасида йиллик Халифалик конференциясини ўтказди. Аллоҳ Субҳанаҳу ва Таоло Пайғамбарлик минҳожи асосидаги Халифаликни қайта барпо этишга буюрган экан, ушбу кампания ҳам бутун дунё мусулмонларини исломий ҳаётни тадаббур қилишга ва қайта бошлашга ҳаракат қилишга бўлган даъват ҳисобланади.

Исломнинг илмоний либерал тизумдаги ўрни ўтган аср давомида баҳс мавзуси бўлиб келди. Араб баҳори қўзғолонлари ортидан Ғарб ва унинг исломий оламдаги тарафдорлари Исломнинг кенгайиши ва сиёсатдаги ролини тўхтатиб қолиш учун қарши чораларни қўллади. Айниқса, Халифаликнинг қайта барпо бўлиш мавзуси нишонга олинди.

Капитализм ва унинг либерал, илмоний ғояларининг муваффақиятсизлигини санаб ўтишга ҳожат йўқ, чунки нафақат исломий оламда, балки, Осиё, Африка ва Лотин Америкадаги унинг оқибатларини шундоқ ҳам барчамиз кўриб, сезиб турибмиз. Ҳатто ғарбликлар ҳам либерал дунё тузуми тамойилларини ҳимоя қилишга ҳамда ўз қадриятларини сақлаб қолишга бонг уришмоқда. Мусулмонлар зеҳнларида Халифалик ва сиёсий Ислом фикрларига интилиш ҳамда либерализм, капитализм ва илмонийликдан нафратланиш, гарчи Ғарб ва малайлари буни ёмон кўришларига қарамай,  чуқур илдиз отди.

Шунга биноан, «Келажак режаси», деб номланган бу йилги конференциясида Умматдаги Халифаликка бўлган интилиш, истак ва эҳтиёжлар тилга олиниб, Халифаликнинг аниқ ва амалий схемаси тақдим этилди. Конференциямиз Қуръони Карим оятларидан тиловат қилиш билан бошланди ва ўқилган оятлар инглиз тилига таржима қилинди. Сўнг қуйидаги сарлавҳаларда тўртта маъруза қилинди: «Халифалик давлати жиҳози», «Буюк иқтисодий қудрат бино этиш», «Қарама-қаршиликларни ҳал этиш ва исломий жамият барпо қилиш», «Ҳизб ут-Таҳрир – бизнинг фаолиятимиз ва қарашларимиз». Конференция сўнггида маърузачилар иштирокчилар саволларига жавоб бердилар.

«Халифалик давлати жиҳози» номли биринчи маърузада Али Мирчант Халифалик давлати структурасини ташкил қилувчи муфассал тизимни ҳамда ундаги вазифалар, маъмурият ва муассасаларни ёритиб берди. Бунда Ҳизб ут-Таҳрирнинг Xaлифалик лавозими, унинг армияси, саноат вазирлиги, Уммат мажлиси масаласидаги пухта ишларидан фойдаланди.

«Буюк иқтисодий қудрат бино этиш», номли иккинчи маърузада доктор Айман Ҳомид Исломдаги иқтисодий низомни жуда тиниқ тарзда, яъни инсониятнинг иқтисодий муаммосини муваффақиятли ҳал этганини тушунтириб берди.

«Ихтилофларни ҳал этиш ва исломий жамиятни бино этиш» номли учинчи маърузада Ҳайсам ибн Собит Исломнинг шонли таърихи ва тамойилларини баён қилиб берди. У ўз маърузасида Пайғамбаримиз ﷺ раҳнамолигидаги илк Ислом давлати барпо этилгандан буён Ислом жамиятида мавжуд бўлган ижтимоий жипсликни алоҳида таъкидлаб ўтди. Унинг таъкидлашича, тарих гувоҳ бўлганидек, давлат конституцияси (мусулмон ва ғайримусулмонлар)дан иборат фуқароларнинг хавфсизлиги ва қадр-қимматини ҳимоя қилиб, уларга тенг имкониятларни яратиб берган. Буларнинг барчаси Ҳизб ут-Таҳрирнинг қарашлари эканини таъкидлади.

«Ҳизб ут-Таҳрир – бизнинг фаолиятимиз ва қарашларимиз» номли тўртинчи маърузада доктор Абдуррофе Ҳизбнинг тарихи, муваффақиятлари ва фидоийликларига ойдинлик киритди. Доктор Абдуррофе – Умматнинг ишонган хизматкори бўлган ва бўлиб келаётган ушбу Ҳизб сиёсий ҳизб сифатида бутун дунёда фаолият қилмоқда, унинг мабдаи Ислом, ягона ғояси Халифаликни қайта барпо этиш орқали исломий ҳаётни қайта бошлашдир, деди. Шунингдек, Ҳизбнинг олимлари, фидоийликлари, бошқаларда топилмас сиёсий онги, мабдаи ва қарашлари ҳақида ҳам сўз юритди.

Ҳа, ҳақиқатдан ҳам Ҳизб ут-Таҳрир сиёсий ҳизб, зўравонлик фаолияти билан шуғулланмайди. У мусулмон юртларидан бирида Пайғамбарлик минҳожи асосидаги рошид Халифаликни барпо этиш учун Исломий даъватни етказар экан, бу йўлда фақат фикрий ва сиёсий курашга чекланган. Бунинг сабаби Ҳизбнинг Пайғамбаримиз Муҳаммад ﷺнинг тариқатларини маҳкам ушлаганига бориб тақалади. Дарҳақиқат, ул зот исломий даъватни етказиш ва Ислом давлатини барпо этишда фикрий ва сиёсий курашдан бошқа нарса қилмаганлар. Шунинг учун Ҳизб айни тариқатга қаттиқ амал қилиб, зўравонлик услубига асло қўл урмади ва бу исботланган воқеий ҳақиқатдир.

Ҳизб ут-Таҳрир Америка                                           3 шаъбон 1443ҳ

 6 март 2022м