بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Кампунг Мелайдаги портлаш

Ахборот воситалари 2017 йил 24 май чоршанба куни кеч соат 21:00лар атрофида Кампунг Мелай минтақасида бомба портлагани тўғрисида хабар тарқатди. Портлаш бир неча кишининг ўлимига сабаб бўлди. Ўлганлар орасида жиноятни содир этганларнинг айримлари ҳам бор.

Биз Ҳизб ут-Таҳрир-Индонезия аъзолари бу хусусда қуйидагиларни таъкидлаймиз:

1 –Портлатиш амалиётини жирканч ва қабул қилиб бўлмас қилмиш деган эътиборда, уни содир этганларни қоралаймиз. Чунки исломий шариат бирор шахснинг бошқа шахсни ноҳақдан ёки шаръан рухсат берган сабабсиз ўлдиришни ҳаром қилган. Айниқса, жамоий худкушлик содир этишни, давлат ва хусусий мулкларни вайрон қилишни, бу билан кенг миқёсда хавотирли муҳит яратишни шариат ҳаром қилган.

2 –Барча томонларни, хусусан, полиция ва ахборот воситаларини портлашларни тахминларга асосланиб исломий жамоа ёки ҳаракатларга мансуб дейишдан эҳтиёт бўлишга чақирамиз. Чунки бу каби портлашлар маълум шахс ва жамоаларнинг шахсий сиёсий мақсадларини амалга ошириш ёхуд исломий ташкилотлар номини қора қилиш учун одамлар ва юрт тинчлигини бузишга, қасддан тартибсизлик келтириб чиқаришга, Индонезияни терроризмнинг ўчоғи қилиб тасвирлаш учун провокация қилишга… қаратилган бўлиши мумкин.

3 –Полициядан айни портлаш уюштирувчисини дарҳол ҳибсга олиб, бу қилмишни содир этишга ундаган омилларни фош этишни талаб қиламиз. Чунки фақат шу йўл билангина жамиятдаги парокандаликка сабаб бўлиши мумкин бўлган барча башоратларни тўхтатиб қолиши мумкин.

Бизга Аллоҳнинг Ўзи кифоя ва У нақадар яхши вакил, нақадар яхши дўст, нақадар яхши ёрдамчидир.

Муҳаммад Исмоил Юсанто

Ҳизб ут-Таҳрирнинг Индонезиядаги

расмий нотиғи

Телефон: 0811119796

Электрон почта: Ismailyusanto@gmail.com