Капитализм касалхоналарни ўликхоналарга айлантирмоқда!
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
Капитализм касалхоналарни ўликхоналарга айлантирмоқда!
Мана, шифокор ва ҳамширалар иш ташлашганига икки ҳафта бўлди, ўз-ўзидан, бу барча давлат касалхоналаридаги бегуноҳ беморларнинг қаровсиз қолиб, ўлим топишларига олиб келмоқда. Иш ташлаш ортидаги асосий сабаб ҳукуматни 2013 йилги битимни ижро этишга мажбурлаш бўлган, яъни шифокорларнинг 300 %ли асосий мукофотларига қўшимча, кечиккан маошларини ундириш бўлган.
Шулардан келиб чиқиб, биз Ҳизб ут-Таҳрир-Кения аъзолари қуйидагиларни таъкидлаймиз:
Кундек равшанки, Кения иш ташловчилар юртига айланиб қолди, давлат секторларида ишловчи меҳнаткашлар иш ташлашгани ташлашган. Бундай ачинарли ҳол, ўз халқига фаровон яшаши учун ғамхўрлик қилишини иддио қилаётган ҳар қандай ҳукумат учун жуда шармандали ҳол. Чунки ҳукумат, шундоқ ҳам солиқлардан тинкалари қуриган халқига эътибор қаратмай, тиббий ёрдам олишга оид асосий ҳуқуқларидан маҳрум қилди, шу орқали давлат касалхоналарида қийин аҳволга ташлаб қўйди.
Тиббий сектор барча капиталистик режимлардаги давлат секторлари каби, етарли даражадаги давлат ғамхўрлигидан маҳрум. Ғамхўрлик у ёқда турсин, бутунлай эътиборсиз ташлаб қўйилди. Чунки капиталистик ҳукуматлар мақсади, халқ фаровонлигини таъминлаш эмас, балки фақат бир сиқим нуфуз эгалари ва олигархлар фаровонлигига эътибор беришдир. Капиталист сиёсатчиларнинг, хоҳ ҳукуматда, хоҳ мухолафатда бўлсин, асл авҳоли мана шу. Улар ҳар сафар касал бўлсалар, энг зўр ривожланган тиббий муолажа олиш учун хорижга югуришади! Ишчилар фаровонлиги масаласига эса қиё ҳам боқишмайди, фуқароларини дори-дармонлардан, имкониятларидан маҳрум қилишади. Бошқа жиҳатдан, ўзларига қарашли сиёсий партияларнинг сайловда ютиб чиқиши учун сайловолди кампанияларига давлатдан миллиардлаб доллар ўғирлашади… Мана шулар натижасида давлат касалхоналари дори-дармонлар тақчиллиги, шифокор ва ҳамширалар етишмовчилиги муаммосига йўлиқади.
Шуни таъкидламоқчимизки, капиталистик система нафақат паст табақадаги ишчи ва мулозимларга зулм қилади. Балки, ишларнинг бирдан-бир ўлчови манфаат, деган мафкураси билан унинг зулми бундан-да даҳшатлироқдир. Инсон ҳаётининг фақат дунё орттиришдан иборат бўлиб қолганига айнан мана шу ўлчов жавобгар. Масалан, шифокорлар ва бошқа мулозимлар даромадли иш ҳақи талаб қилишлари ортидан, ҳануз ўзлари даволаётган беморлардан яхши даволаш эвазига пора талаб қилишмоқда. Бу аҳвол, бугунги капиталистик тузум остида, касалхоналарни ўлим тузоғига айлантирди.
Шуни ҳам таъкидламоқчимизки, даволаниш халқнинг асосий эҳтиёжларидан бири бўлиб, диққат билан жиддий эътибор беришни талаб қилади. Бу хизматга қандайдир имтиёз каби ёки ғаразгўйлик билан муносабатда бўлмаслик керак, балки бу – давлатнинг фуқароларга кўрсатадиган бурчидир. Бу Исломдаги бошқарув низомининг тиббий хизмат кўрсатиш масаласидаги қарашининг айнан ўзидир. Бу иш халифа ўзининг вазифасига бевосита риоя қилиши билан бўлади. Чунки тиббий хизматдан фойдаланиш фуқаролар ҳуқуқларидан биридир. Набий САВ бундай дедилар:
«الإِمَامُ رَاعٍ وَهُوَ وَمَسْؤُولٌ عَنْ رَعِيَّتِهِ»
«Имом-халифа бошқарувчидир ва ўз қўл остидагилардан жавобгардир».
Шаъбон Муаллим
Ҳизб ут-Таҳрирнинг
Кениядаги матбуот бўлими вакили
Телефон: +254 737 606 667 – +254 717 606 667
Электрон почта: abuhusna84@yahoo.com
