بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Конференциямизни тақиқлаб, матбуот бўлимимиз раисини ҳибсга олишингиз қўрқоқлик, ожизлик ва омадсизлигингизга далилдир

«Олам нима учун Халифаликка муҳтож?» номли конференциямиз 2017 йил 5 март якшанба куни ўтказилиши керак эди. Бу конференциядан мақсад Британия ва унинг маҳаллий шериклари томонидан Халифаликнинг ағдарилганига милодий йил бўйича 93 йил бўлганини эслатиш ҳамда бутун дунёнинг Халифаликка нақадар муҳтож эканига диққатни жалб қилиш эди. Бироқ конференция тақиқланиб, матбуот бўлимимиз раиси Маҳмуд Кар билан матбуот бўлими аъзоси Усмон Йилдиз ҳибсга олинди. Улар – хавфсизлик идорасига қилган аризамизни қабул қилиб олиш баҳонасида Байрампошодаги полиция идорасига чақирилиб, ўша ерда ҳибсга олинди. Ушбу ўзгаришлар асосида биз Ҳизб ут-Таҳрир-Туркия вилояти аъзолари қуйидагиларни билдирмоқчимиз:

1 –Конференцияни эълон этишимиз ортиданоқ маълум доиралар жамоатчилик орасида бизга қарши ёлғон ва туҳмат хабарлар тарқатишни бошлади. Эргенеконнинг қолдиғи бўлган судья ва прокурорлар кенгашининг собиқ раҳбари Эминоғаўғли билан туҳматчилиги сабабли ўзининг партияси Республика Халқ партияси (CHP)дан қувилган Айлин Назлиакалар томонидан шикоят ва даъво аризалари берилди. Ислом қадриятларини ҳақоратлаш учун «фикр эркинлиги»ни тинмай оғиз кўпиртириб келган бу кимсалар ўзлари истаган нарсани ҳукумат қўли билан амалга оширишга муваффақ бўлишди.

2 –Ушбу доираларнинг Исломни провокация қилишлари орқали конференция бекор қилинди. Бу эса, мусулмонларни туйғуларини қўзғаб, ўзларининг жимжимадор нутқлари билан ҳануз адаштириб келаётган ҳукумат вакиллари башарасини яна бир бор фош этди. Бу ҳодиса Ватан партияси раиси Перинчекнинг Миллий Ҳаракат партияси раиси Бахчелига айтган қуйидаги сўзларнинг тўғрилигини кўрсатиб турибди: «Улар Эрдоганни танлашса ҳам, Перинчекни танлаган бўлади. Чунки Эрдоган раислигидаги Адолат ва Тараққиёт партияси бир қанча масалаларда Ватан партияси мудофаа қилган кўплаб сиёсатларни қабул қилган».

3 –Пайғамбарлик минҳожи асосидаги Халифалик Аллоҳ Таолонинг ваъдаси ва Росулуллоҳ САВнинг башоратларидир. У мусулмонлар қалқони бўлиб, фарзларнинг тожидир. Олам Ислом билан, Ислом эса Халифалик билан барҳаёт бўлади. Шунинг учун ҳам мустамлакачи кофир Халифаликни ағдарди ва шунинг учун ҳам уни қайтариш учун бўлган ҳаракатга қарши курашмоқда. Бас, сизлар конференциямизни бекор қилиб кимнинг манфаатига хизмат қилмоқдасиз? Вазирларингиз учун бирорта ҳам конференция залини бермаган Европа давлатларигами?!

4 –Бугун ҳар турли ифлос ва бузғунчи фикрларни билдирадиган конференцияларнинг ўтказилишига ва ана шундай сўзларнинг айтилиши ва нашр қилинишига рухсат берилмоқда. Аммо Халифалик давлати барпо бўлиш арафасида бизнинг конференциямизнинг тақиқлангани сабаби эса, фикрларимизнинг тозалиги ва поклигидир, алдов сиёсати билан эмас, балки ҳақиқий-реал сиёсат билан шуғулланаётганимиздир! Зотан, биз фақат ҳақиқатни сўзлаймиз. Сиз илмоний ва демократларга фойдаси бўлиши мумкин бўлган бирорта ҳам сўзни айтмаймиз! Сафимизда сиз истаган сўзларни айтадиган мунофиқлар ҳам, сиз муқаддаслаштириб ўтказаётган демократик конституция сайловларида қатнашадиганлар ҳам йўқ! Бизнинг даъват ҳақ даъватдир, тутган йўлимиз ҳар қанча машаққатларга қарамай, Пайғамбарлик минҳожи асосидаги рошид Халифалик давлатига олиб боради. Ушбу давлат, Аллоҳнинг изни ила, яқинда албатта барпо бўлади.

وَعْدَ اللَّـهِ ۖ لَا يُخْلِفُ اللَّـهُ وَعْدَهُ وَلَـٰكِنَّ أَكْثَرَ النَّاسِ لَا يَعْلَمُونَ

«(Бу) Аллоҳнинг ваъдасидир. Аллоҳ Ўз ваъдасига хилоф қилмас. Лекин кўп одамлар буни билмайдилар»                                                                  [Рум 6]

Ҳизб ут-Таҳрирнинг Туркиядаги матбуот бўлими

Web: www.hizb-turkiye.org

E-Mail: bilgi@hizb-turkiye.org