Кучли позицияга муҳтож бўлган пайтда сўзлар ўқдан ҳам кучли бўлади
بِسْمِ اللهِ الرَّحْمنِ الرَّحِيمِ
Матбуот баёноти
Кучли позицияга муҳтож бўлган пайтда сўзлар ўқдан ҳам кучли бўлади
Ҳиндулар давлати мусулмонларнинг покиза қонини тўкмоқда, Покистон ҳукмдорлари эса АҚШни рози қилиш йўлида «кенгбағир бўлиш»га чақириш билан овора!
Номард ҳинду аскарлари, ҳам озод Кашмир, ҳам босиб олинган Кашмир ичкарисидаги назорат линиясида мусулмонлар қонини тўкишда давом этмоқда. Бажва-Навоз режими эса, «кенгбағир бўлиш»га чақириш ва рамзий жавоб ўқини отиб, қуруқ баёнотлар бериш билан кифояланмоқда. 2017 йил 21 июл куни ҳиндулар давлати кучлари озод этилган Кашмирдаги Либа водийсини узлуксиз бомбардимон қилди, оқибатда бир гўдак ҳалок бўлди, Покистон режими бунга ҳеч қандай жавоб қайтармади. Бу ҳодисадан олдин, 16 июлда Атмуқам секторида ҳинду кучлари қўлида тўрт нафар покистонлик аскар шаҳид бўлган эди. Ушбу икки амалиёт ва очиқдан-очиқ ҳужумлар олдида, Бажва-Навоз режими доимгидек жавоб ўқини отиб қўйиш билан бирга ўзининг анъанавий баёнотини қилди, холос. Агар бугун холис етакчилик бўлганда эди, ҳиндулар қилмишига муносиб жавоб қайтариб, уларни шайтон васвасасига солиб қўйган бўларди. Айниқса, яқинда Ҳиндистон бош назоратчиси 21 июлда чиқарган ҳисоботида урушда Ҳиндистон қурол-аслаҳа захираси ўн кундан зиёдга етмай, тугайди, дея баёнот берди!
Эй Покистондаги мусулмонлар ва қуролли кучлар!
Ҳиндистон давлати ҳам, яҳудийлар давлатидан фарқсиз равишда, очиқдан-очиқ мусулмонлар қонлари ва юртлари дахлсизлигини поймол қилмоқда. Чунки иккаласи ҳам мусулмонлар ҳукмдорларининг ўлик жасадлар каби эканини биладилар. Бажва-Навоз режими ҳам қуролли кучларимиз тизгинини қўйиб юборишни, шу орқали мўминлар дилларига ором беришларини истамаяпти. Чунки у Покистон Ҳиндистоннинг регионал энг кучли давлатга айланишига тўғаноқ бўлмаслиги учун АҚШнинг «кенгбағир бўлиш» сиёсатини татбиқ этишга қарор қилган. Бу жинояткор режим ўзининг бундай ожизона позицияси Уммат учун қабр қазиш билан баробар эканини билади, била туриб, шундай қиляпти. Унинг «буюк Ҳиндистон» лойиҳасини амалга ошириш ҳаракати, исломий юртлар ҳукмдорларининг «буюк Исроил» лойиҳасига асос солишгани билан баробар. Чунки улар ҳам муборак Фаластин заминини озод этишга лоқайдлик билан қарашлари сабабли шундай қилишган.
Эй Покистон қуролли кучлари сафидаги холис зобитлар!
Сиз ўз куч-қудратингизга қараб, Умматнинг қанчалар кучга эга эканини яхши биласиз, анави ҳинду кучларининг қўрқоқлигини ҳам биласиз, ахир, улар 1999 йил июлда бўлган Каргил тепалиги жангида ҳалок бўлган баҳодир капитан Қарнал Шер Хоннинг ҳатто жасадига ҳам яқинлашишга юраклари дов бермаганку! Чунки ҳиндулар сиздан қўрқишади ва қўрқишлари сабаби сизнинг доим шаҳидликка тайёр туришингиз ва нусратга эришиш аҳдидан ҳаргиз қайтмаслигингиздир. Хўш, агар холис етакчилик жиҳод эълон қилиб, сизлардан юз минглаби ҳаракатга келса, бу ҳиндулар қай аҳволга тушади, тасаввур қилаверинг?!
Шуни билингки, мудом сиёсий ва ҳарбий раҳбариятдаги хоинлар бор экан, Ҳиндистон олдидаги хорлигимиз ҳаргиз тугамайди. Чунки улар устимизга битилган лаънат ва балодирлар. Унутманг, Бажва-Навоз режими ҳам, Америкага малайликда Мушарраф-Азиз, Киёний-Зардорий ва Раҳил-Навоз каби собиқ режимлардан асло фарқ қилмайди. Унинг мустамлакачилик манфаатларига хизмат қилишдан ўзга ташвиши йўқ, бу хизматлари Ислом ва мусулмонларни қандай оқибатларга олиб келиши унинг учун аҳамиятли эмас. Шунинг учун Умматни душманга топшириб қўйган бундай хоинларни ағдаринг ва Пайғамбарлик минҳожи асосидаги рошид Халифаликни барпо этиш учун Ҳизб ут-Таҳрирга, нусрат-ёрдам беринг. Ислом ва мусулмонларга ҳозироқ ёрдам беринг. Акс ҳолда, фуқаро ва ҳарбийлар арзимаган жангларнинг қурбони бўлишда давом этаверадилар. Ваҳоланки, Покистон дунёда ягона исломий ядровий давлат, дунёдаги энг кучли армиялар ичида еттинчи ўринни эгаллайди. Ҳизб ут-Таҳрирга ҳозироқ нусрат-ёрдам беринг. Ана шунда, босиб олинган Кашмирни рошид Халифалик байроғи остида озод этиш ва уни Покистонга бирлаштириш сари сафарбар этиласиз. Ахир юртингиз мусулмонлари етмиш йилдан бери тоқатлари-тоқ бўлди-ку! Ҳизбга ёрдам бериб, Аллоҳга таваккал қилинг. Ана шунда душманингиз устидан нусрат қучасиз ҳамда душманнинг амалий куч-қуввати сизнинг имонингиз ва бирлигингиз олдида қанчалик эканини гувоҳи бўласиз.
وَكَانَ حَقّاً عَلَيْنَا نَصْرُ الْمُؤْمِنِينَ
«Мўминларга нусрат бериш, Бизнинг зиммамиздаги ҳақ бўлган» [Рум 47]
Ҳизб ут-Таҳрирнинг Покистондаги матбуот бўлими
Телефон: +(92)333-561-3813
Факс: +(92)21-520-6479
Электрон почта: htmediapak@gmail.com
Веб саҳифа: www.hizb-pakistan.com
