Ливан режими полицияни Суриялик қочқинларга қарши содир этаётган қонунбузарликларидан огоҳлантирмоқда
بِسْمِ اللَّـهِ الرَّحْمَـٰنِ الرَّحِيمِ
Роя газетаси:
Ливан режими полицияни Суриялик қочқинларга қарши содир этаётган қонунбузарликларидан огоҳлантирмоқда
Ўтган пайшанба куни Ливан режими баладияларни полиция ходимлари томонидан қочқин Сурия аҳлига қарши содир этилаётган қонунбузарликлардан огоҳлантирди. Бу огоҳлантирув ҳуқуқ фаоллари томонидан ижтимоий тармоқларда тарқатилган видеолавҳа ортидан янгради. Видеолавҳада полициячиларнинг қочқинлардан бир нечтасини ҳибсга олгани, бир нечтасини эса ҳужжатларини текшириш учун мажбуран тиз чўктиргани акс этган.
Ливан ички ишлар вазири Ниҳад Маншуқ шаҳар мэрларига кўрсатма юборди. Кўрсатмада «полиция хизматларига қонунлар ва амалий қоидаларга риоя қилиш зарурлиги, фуқаролар ва суриялик қочқинлар билан муомала қилаётганда қўлларидаги қуролларни суистеъмол қилмаслик тўғрисида қаттиқ таълимотлар» беришлари лозимлиги, «улардан суистеъмол қилган ва бунга эътиборсиз бўлганларига маъмурий чора кўриш кераклиги» айтилган.
Маншуқ кўрсатмасига мувофиқ таълимотлар «айниқса, сўнгги пайтларда суриялик қочқинларга нисбатан баладия полицияси ходимлари томонидан амалга оширилган қонунбузарлик ҳоллари намоён бўлган»дан сўнг берилди.
Ҳуқуқ фаоллари сўнгги икки кун мобайнида ижтимоий тармоқларда тарқатган видеолавҳаларда Байрут шимолида жойлашган Амашит баладияси полициясининг шаҳар ичкарисидаги қочқинлар яшайдиган жойларга тунда бостириб кириб, қонуний ҳужжатга эга эканликларини текшириш учун, бир нечтасини ҳибсга олгани акс этган.
Видео лавҳаларнинг бирида олти нафар сурияликнинг ерга тиз чўктирилгани, яна бир лавҳада ўндан зиёд сурияликнинг қўллари орқага қайрилган ҳолда деворга юзлари билан қаратиб қўйилгани, уларнинг яқинида баладия полициячилари туриб олиб, ҳужжатларини диққат билан текшираётгани акс этган. (Ҳаёт журнали).
Роя газетаси шарҳи:
Ливанда Шом аҳлидан иборат қочқинларга ёмон муносабатда бўлиш баладия полицияси ходимларигагина чекланиб қолмаган. Ливан полицияси бундай иш билан очиқчасига шуғулланмоқда ва айрим одамлар томонидан қочқинларга қарши амалга оширилаётган ножўя ишлардан кўз юммоқда.
Дарҳақиқат, Ливанда қочқинларга ирқчилик назари билан қараш сўнгги икки ҳафта мобайнида янада яққол кўзга ташланиб қолди. Айниқса, ўтган июн ойининг йигирма еттинчисида Сурия билан чегарадош ҳудуддаги ал-Қоъ шаҳрида ҳудкушлик бомбаси портлаши оқибатида беш нафар фуқаро ҳалок бўлгандан сўнг, ирқчилик янада авж олди.
Сўнгги йилларда қочқинларга нисбатан бундай чора-тадбирларга ўнлаб баладиялар қўл урмоқда. «Хьюман Райтс Вотч» ташкилотининг 2014 йил октябрда чиқарган ҳисоботида «Ливанда сурияликларга кечалари юришни тақиқлаш қонунга хилофдир ҳамда бу ирқчиликни ва салбий ишларни кучайтирадиган муҳитнинг пайдо бўлишига ҳисса қўшади» дея айтилган.
Роя газетасининг 2016 йил 20 июл чоршанба кунги 87-сонидан
