بِسْمِ اللهِ الرَّحْمٰنِ الرَّحِيمِ

Марокаш бош вазири яҳудийлар билан муносабатларни нормаллаштиришни Фаластиндан воз кечиш эмас деб ҳисоблайди

«Анадолу» ахборот агентлиги веб-сайтида (ҳижрий 1442 йил 22 жумодулаввал, милодий 2021 йил 6 январ куни) нашр қилинган хабарда бундай дейилади:

«Марокаш бош вазири, Адолат ва Тараққиёт партияси бош котиби Саъдуддин Усмоний Фаластин масаласида ўз партияси позицияси ўзгармаганини билдирди.

Буни у – Анадолу мухбирига кўра – юрт жанубидаги Агадир шаҳрида партияси аъзолари билан чоршанба куни ўтказган йиғинда айтди.

Унинг таъкидлашича, «Исроил» билан муносабатларни нормаллаштириш тўғрисидаги битимни имзолашни у ўзининг бурчи деб билади.

«Партиямнинг позицияси ўзгаргани йўқ. Биз «Сахара вилояти ва Фаластин»дан иборат иккала масалада ҳам савдолашиб ўтиришни истамаймиз», деди.

«АҚШнинг Сахарани Марокаш ҳудуди, деб тан олиши «шундай бир стратегик ўзгаришки, кўпчилик бунинг қанчалик муҳимлигини тушунмаяпти. Марокашнинг мухолифлари бу қарорнинг ўзлари учун нақадар хавфли эканини англамоқдалар. Шу боис бундан ҳайратга тушиб қолишди», деди у».

Роя:

Марокаш бош вазири Саъдуддин Усмонийнинг фикрича, Фаластинни босиб олган яҳудий вужудини тан олиш, у билан муносабатларни нормаллаштириш ҳамда ушбу замин ва у ердаги Ақсони озод этишдан бош тортиш Фаластиндан воз кечиш, деб ҳисобланмас эмиш! У ҳолда, воз кечиш – унинг наздида – нима ўзи, ахир, у Ихвонул Муслиминнинг бир бўлаги бўлган Адолат ва Тараққиёт партиясига раҳбар бўлса?! Таъкидлаш лозимки, Фаластиндан воз кечмадим, дейиш билан унинг ўзи партияси аъзоларига ёлғон гапиряпти. Аслида эса, у «АҚШнинг Сахарани Марокаш ҳудуди, деб тан олиши «шундай бир стратегик ўзгаришки, кўпчилик бунинг қанчалик муҳимлигини билмаяпти», дейиш билан Фаластин устида савдолашиб, уни Марокаш Сахарасига алмашди. Чунки у хўжайини Марокаш қироли билан бирга Фаластиндан воз кечиш савдосини олиб боришяпти. У қуйидаги гапи билан Ғарб ва яҳудийларни дўст тутган қиролининг тайёр малайига айланди: «Биз ўзимизга қарши ҳужумларни, партиямиз ниятлари айбланишини ҳамда позицияси шубҳа остига олинишини бутунлай рад этамиз». Хўш, ишлар яққол кўриниб турган бўлса, ниятларнинг бунга нима алоқаси бор?! Бу биринчидан. Қолаверса, шубҳа уйғотиш мумкин бўлган позиция қандай позиция бўлди, ахир, бу яҳудийлар билан муносабатларни нормаллаштириш позицияси эмасми?!

Роя газетасининг 2021 йил 13 январ чоршанба кунги 321-сонидан