بسم الله الرحمن الرحيم

Роя газетаси:

Матлак Ҳизб-Даъватга ҳужум қилиш билан Эрон-Ироқ машмашасини фош этмоқда

Ироқ миллий диалог жабҳаси раиси Солиҳ Матлакнинг ҳужум қилмаган доираси қолмади. Масалан, Ироқнинг «Сумария» канали билан ўтказган суҳбатида Ҳизб-Даъватга, бош вазир Ҳайдар Ибодийга, Халқ Сафарбарлигига, Ҳизб Исломийга ва Эътисомун Нуввабга ҳужум қилди.

Матлак «Бош вазир ўтган йиллар мобайнида давлатга маҳкам ёпишиб олган партияга аъзо бўлиб келди ва бу давлат фақат Ҳизб-Даъватнинг партияси бўлиб қолди», дер экан, «давлатнинг муҳим лавозимларидан 80 %и мана шу партия қўлида» эканига эътиборни қаратди.

У Ибодий «Мустақил шахсларни танлай билмайди ва фақат ўз партиясига яқин кишиларни танлайди», деди. Сўнг «Бу давлатнинг битта партия давлатига айланиб қолиши хавфи мавжудлигини, бу эса қабул қилиб бўлмас ҳолат» эканини таъкидлади.

Шунингдек, у «уччала раёсатни Эрон таъсирида сақлаб туриш мақсадида бир «сиёсий шовла» тайёрлашган», дея парда ортини фош этди.

Матлак «Фараз қилиш мумкинки, агар ўзгариш Салим Жабурийни ҳам ўз ичига олса, демак, давлатдаги мавжуд қолган раёсат курсиларини ҳам ўз ичига олди», деди ҳамда «парламентда ва давлатнинг бошқа ташкилотларида катта бузилиш бор»лигини очиқлади.

У «Салим Жабурий, Ибодий ва Маъсумларни сақлаб қолишга улкан халқаро аралашув мавжуд», дея таъкидлар экан, «Бу кризисда америкаликларнинг таъсири унчалик катта бўлмаганига, аммо эронликлар вазминлик билан ҳаракат қилиб, таъсир ўтказишни уддасидан чиқишган»ига диққатни қаратди. (Арабий 21).

Роя газетаси шарҳи:

Солиҳ Матлакнинг Ҳизб-Даъват ва ҳукумат ичкарисию ташқарисидаги бошқа партияларнинг қилаётган ишлари билан боғлиқ гаплари ҳеч кимга сир эмас. Бироқ Америка Ироқни ишғол этгандан сўнг ҳукумат таркибида ишлаб келган барча мулозимларнинг Америкага Ироқнинг нақадар тобелигини билмаётгани жуда ғалати. Солиҳ Матлакдек киши қандай билмаслиги мумкин, ахир, у 2014 йилда Ҳайдар Ибодий ҳукуматида бош вазир ўринбосари бўлиб ишлаган бўлса??!! Кейин 2015 йилда Ибодий республика президенти ўринбосарлари мансаблари билан вазирлар маҳкамаси раиси ўринбосарлари мансабларини бекор қилгандан сўнг, Матлакни ҳам ишдан бўшатганди.

Яна бир ғалати ери шуки, гўё Ироқда Америка билан Эрон ўртасидаги муносабатни нуфуз талашиш алоқаси, дея тасвирланяпти. Ҳолбуки, аслида, 2003 йилда уруш қилиб, собиқ президент Саддам Ҳусайнни олиб ташлаган Америкадир. У Ироқ бошқарувини ўша ердаги эронлик мулозимларга топширган, чунки Эроннинг бу юртдаги Америка нуфузини қаттиқ ҳимоя қилажагига қаттиқ ишонган эди. Кимки Ироқ аҳлига яхшиликни истаса, юртда бўлаётган ҳодисаларнинг барчаси Америка режаси бўйича кетаётганини, бу режа Американинг ироқлик малайлари ёрдамида ва Эроннинг қўллаб-қувватлови остида амалга оширилаётганини очиқ айтмоғи лозим.

Роя газетасининг 2016 йил 27 апрел чоршанба кунги 75-сонидан