Мажруҳ келажак…
Мажруҳ келажак…
بِسْمِ اللهِ الرَّحْمٰنِ الرَّحِيم
Бугунги кунда фарзандларимиз тарбиясидаги асосий масала уларнинг онгини ёт ғоялардан ҳимоя қилишга қаратилмоқда. Бунинг учун уларни қаттиқ назоратга олиб, ижтимоий тармоқлардан узоқлаштириш, ҳар қандай диний маълумотлардан чеклаш устувор вазифага айланган. Уларни имкони борича масжидларга йўлатмаслик борасида қаттиқ чоралар кўрилган. Албатта фарзандининг тарбияси ҳар бир ота-онанинг эътиборидаги ва масъулиятидаги масаладир. Шунинг учун фарзандларимизни ҳар қандай ёт ғоялардан сақлашимиз керак. Фақат ўйлантираётган бир масала бор, яъни бугунги кунда фарзандларимиз учун хавфли, деб қаралаётган ёт ғоя деганда нимани тушуниш керак? У қайси ғояга нисбатланиб биз учун ёт бўляпти? Нима учун унинг хавфи ижтимоий тармоқлар, диний маълумотлару масжидларда кўриляпти?
Бу саволларнинг жавоби оддий. Санаб ўтилган жиҳатларнинг барчаси бугун ҳаётимизга татбиқ қилаётганимиз капитализмнинг динни ҳаётдан ажратиш ақидасига нисбатан ёт. Бу ақиданинг ботил тушунчалари зеҳнларимизга жуда осонлик билан кириб келиб ўрнашди. Чунки унга қарши тура оладиган исломий ақидадан юз ўгириш орқали зеҳнларимизни унга очдик ва худдики саратон касаллиги каби уни эгаллашига имкон яратиб бердик. Натижада у бугун зеҳнларимизга хўжайин бўлиши баробарида биринчи ҳужумни динимизга қаратди. Ҳар қандай исломий тушунча ва қадриятларни биз учун ёт эканини уқтириб, уларга нисбатан нафрат уйғотишга, қарши курашишга ундай бошлади. Биз эса, унга итоат қилиб, кўр-кўрона эргашмоқдамиз.
Биз фарзандларимизни ёт ғоялардан сақлаётганимизга қаттиқ ишониб, уларни ҳар қандай маълумотдан чегаралаб, демократик тушунчалар учун кенг йўл очиб беряпмиз. Бу эса, демократик тушунчаларнинг фарзандларимиз онгини ҳеч бир тўсиқсиз эгаллашига шароит яратиб беряпти. Масалан, фарзандимизни масжидга боришини қаттиқ тақиқлаймиз, агар вақтини турли кўнгилочар кафе, ресторанларда ўтказмоқчи бўлса унга вақтни чегаралаш орқали гўёки назорат қилгандек бўлиб, рухсат берамиз. Ижтимоий тармоқларда диний мавзудаги маълумотларни кўришини қаттиқ тақиқлаймиз, турли кўнгилочар ёки қиморга тарғиб қилувчи роликларни кўришига монелик қилмаймиз. Ҳаттоки уларни тарбиялаш учун суҳбатлашганимизда ҳам асосий эътиборни ишбилармонлик, моддий бойлик орттириш, фойда ва зарар ҳақида ўзимиз билган тушунчаларни беришга қаратамиз, буларни англашлари учун қаттиқ ҳаракат қиламиз. Гарчи айримларимиз фарзандларимиз билан Аллоҳнинг дини ҳақида суҳбатлашса-да, диннинг ҳаётдаги ўрни ҳақидаги фикрларни бермаймиз, чунки улар бизнинг тушунчамиз бўйича ёт фикрлар. Сабаби бизга сингдирилган тушунчалар бўйича дин ҳаётдан ажратилган.
Биз бузуқ тушунчалар асосида фарзандларимизни фикрий қолоқ қилиб вояга етказаётганимизни, келажагимизга ўзимиз болта ураётганимизни англаш вақти келди. Бугунги ҳаётимиздаги муаммоларнинг юзага келиши айнан ўзимиз учун ёт бўлган ботил ақиданинг бузуқ тушунчалари оқибатларидир. Қизларимизни никоҳсиз ҳомиладор бўлиши, ўғилларимиз маишат ва айш-ишрат учун турли жиноятларга қўл уриши очиқ хавф бўлса, фикрий қолоқлашиб бораётганлари яширин ва ўта кучли хавф. Биз эса, фарзандларимизни яхши яшаши, усти бут, қорни тўқ бўлиши учун тинмай ҳаракат қилсак-да, бу иллатларга қандай дучор бўлаётганини тушунолмай қолдик. Чунки биз фарзандларимиз ҳаётини моддий ривожлантиришга эътибор бердигу, фикрий ривожланишларини демократия ихтиёрига топширдик. Мана хавф қаерда. Бу хавфни эса, фақатгина Исломни ҳаётимизга қайтариб, унинг ақидасини теран англаш билан кўра оламиз ва бартараф қиламиз. Шунда биз ўзимиз учун асл ёт ғоя нима эканлигини аниқ билиб оламиз, акс ҳолда фарзандларимизни, келажагимизни мажруҳ қиламиз.
Ҳизб ут-Таҳрирнинг Ўзбекистондаги медиа офиси. Салоҳиддин
18.10.2019й
