Мазлума онахон вафоти муносабати билан таъзия

بسم الله الرحمن الرحىم

Бугун Андижон вилояти Булоқбоши туманида яшовчи Алихонова Муборакхон ая вафот этдилар. Биз Роббимиз рози бўладиган сўзларни айтамиз:

إنا لله وإنا إليه راجعون

Онахон, эри ва икки ўғли орқасидан Жаслиқ, Навоий, Бухоро, Қарши зоналарига 20 йиллар давомида қатнадилар. Ўзбекистон ҳукумати уларни Ҳизб ут-Таҳрир Исломий партияси аъзолари бўлгани учун узоқ йиллар қамоқларда ушлаб турган эди.

Онахон хусусида муболағасиз айтилажак сўзимиз—бу Муборак ая юрт аёллари ичида ўз жуфтига садоқатлари, Аллоҳ ва Росулига ﷺ бўлган муҳаббатлари билан юрт аёллари ичида энг фаҳрлиларидан бири эдилар. Узоқ йиллар ичида чеккан машаққатларини эшитишнинг ўзи оғир. Зоналарга қатнаганда зона ходимларининг қўпол-расво муомалалари, ўғлига олиб борган бир парча мактуб учун 15 суткалаб қамалиб, ўзга шаҳарларда сарсон бўлганлари, қаҳратон совуқда ўғиллари ортидан учрашувга борганларида ходимлар рухсат бермасдан ҳафталаб кўчада қолганлари ва энг қизиғи, бу оворагарчиликдан ҳеч кимга нолимай сабрда бўлганлари – амалларимиз сарҳисоб бўладиган КУНда онахонни барчанинг ҳаваси келадиган мақомга ҳақли этишини умид қиламиз. Ва Роббул аъламиндан асрнинг энг садоқатли аёлларидан бири бўлгани учун Ўз ҳузурида муносиб ажрлар сийлашини тилаб дуо қиламиз.

Эй Оламлар Роббиси, Сен ушбу зулм масканига айланган Ўзбекистондан Ўзингнинг ҳузурингга қайтган Муборак аяни жаннатул- фирдавсларда зиндонларда шаҳид кетган Музаффарнинг оналари билан, шаҳид Нўъмоннинг оналари билан, шаҳид Фарҳоднинг оналари ва ўғиллари кўйида дийдорга ташна ўтган Валияхон оналар билан ва яна бир неча юзлаб шаҳид биродарларимизнинг оналари билан бирга суҳбатдош ва буюк Ислом тарихида номлари қолган Сумайя, Хадижа оналаримиз билан бирга ҳамроҳ қил!

Ва сўнгги сўзимизда Мирзоулуғбек акамизга, ўғиллари Мўминмирзо ва Бекмирзоларга бу оғир жудоликка чиройли сабр беришини Аллоҳдан тилаб қоламиз, оиласи ва яқинларига чуқур таъзия изҳор этамиз.

Бундай солиҳа онанинг жанозаларида сафда турган биродарларимизга ҳавасда қоламиз. Бу онахон ва юқорида номлари зик қилинган онахонларнинг Жаннатларда Қодир Подшоҳ Зот ҳузурида сидқ (рози бўлинган) ўринларда бўлишларини умид қилиб қоламиз.

إِنَّ الْمُتَّقِينَ فِي جَنَّاتٍ وَنَهَرٍ ‎﴿٥٤﴾‏ فِي مَقْعَدِ صِدْقٍ عِندَ مَلِيكٍ مُّقْتَدِرٍ ‎﴿٥٥﴾‏

– “Албатта тақводор зотлар жаннатларда ва дарёлар (усти)да Қодир Подшоҳ ҳузуридаги рози бўлинган ўринда бўлурлар”. (Қамар:55)

Ҳизб ут-Таҳрир Ўзбекистон матбуот бўлими

07.06.2023й