بسم الله الرحمن الرحيم

МХХ ва бошқа куч ишлатар тузилмаларга қулоқлик қилиш тўғрисидаги саволга жавоб

Ижтимоий тармоқлардан бирида Али исмли мухлисимиздан келган саволга жавобнинг иккинчи қисми.

Савол:

Али дан

Ассаламу алайкум азиз биродарим, аввало ишончимизга эга бўла олмаган уламолар кўпайиб кетган бугунги замонда ҳолислигингизни сақлаб, Аллоҳга бўлган тақвоингизни йўқотмай, бизларнинг саволларимизга жавоб бераётганингиз учун Аллоҳ дунё ҳаётингиз ва Охиратингиз учун фойдали бўладиган яхшиликларни берсин ва сизни Ўзи чиройли мукофотласин.

Мени саволим хозир айтадиганим воқелик устида. Бугунги кунда Ўзбекистонда яшовчиларнинг деярли барчасига маълумки, қишлоқ ва шахарларда аҳолининг нима қилаётганини, нималарни гапираётганини ИИБ ёки МХХ органлари ходимларига етказиб турадиган инсонлар бор. Улар ИИБ да ҳам МХХ да ҳам ишлашмайди, лекин уларни кўпчилик танийди ва нима иш қилишини ҳам билади. Бу инсонлар асосан диндор шахсларни кузатишади ва улар тўғрисида маълумот етказишади.

1-Савол:  Ислом шариатида мўъмин одамга зарар етишини, мисол учун қамалишини ёки унга тазйиқ бўлишини билиб туриб у тўғрисида бугунги МХХ ёки ИИБга маълумот бериш тўғрими?

2-Савол: Маълумот етказувчи инсонларнинг кимлигини ва бу инсонлар МХХ ёки ИИБ химоясида эканлигини биламиз. Шунинг учун кўп инсонлар уларга очиқ тарзда “Сен биз тўғримизда маълумот етказасан” – деб айта олмайдилар. Ислом шариатига мувофиқ мана шундай, яъни бугунги шароитда шунақа инсонларга нисбатан мусулмонлар қандай муносабатда бўлишлари керак?

Жавоб:

Ва алайкум ассалом ва роҳматуллоҳи. Самимий фикрларингиз учун ташаккур.

Иккинчи саволга жавоб

Биринчи саволда куфрий қонунлар билан, халқ устида турли тазйиқлар ва зулмларни олиб бораётган ҳукуматга мусулмонларнинг зарари учун хизмат қилаётган, баъзи ўзларини мусулмон деб сановчи аслида эса, мунофиқ одамлар ҳақида гапирган эдик. Энди шундай одамларга қандай муносабатда бўлишимиз кераклиги ҳақида гапирадиган бўлсак, табиийки, кимга бўлишидан қатъий назар, холис мусулмонларнинг муносабати Аллоҳ ва Росули кўрсатган тартибдаги муносабат, муомиладан бошқача бўлмайди.

Демак, холис мусулмонлар Исломга қарши бўлаётган курашларда куфрий бошқарувларга малайлик қилаётган ва айни дамда ўзларни мусулмон санаётган одамларга нисбатан қиладиган муомиласи, муносабати ҳам ўзига хос даъват ҳисобланади. Аллоҳнинг динига чақираётган, даъват қилаётган инсон эса ушбу даъватини Росулуллоҳ соллаллоҳу алайҳи ва саллам ва у кишидан аввалги пайғамбарлар (алайҳимуссалом) ушбу даъватда уларга қарши курашаётган кофирлар ва мунофиқларга қандай муносабатда бўлганларини билиб олишлари керак. Зеро, биз иймон келтирган Роббимиз бизларга шундай деган:

وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانْتَهُوا ۚ وَاتَّقُوا اللَّهَ ۖ إِنَّ اللَّهَ شَدِيدُ الْعِقَابِ

“Росул сизларга нима олиб келса, уни олинглар, сизларни нимадан қайтарса, қайтинглар. Аллоҳга тақво қилинг. Албатта Аллоҳ азоби қаттиқ Зотдир.”                                                                                                (Хашр. 7)

Куфр зулмига малайлик қилаётган Исломга қарши курашда ўзини кўрсатаётган шахсларга даъват қилмоқчи бўлаётган мусулмон дўстларимиз албатта, ушбу ишларида ҳам Аллоҳнинг буюрганлари ва қайтариқларидан четга чиқмасликлари керак. Чунки золим режимларга хизмат қилаётган ушбу ўзларини мусулмон деб ҳисоблайдиганларнинг баъзилари билиб, тушуниб, баъзилари билмасдан тушунмасдан шундай ношаръий жиноятларни қилишмоқда. Бундай инсонларга “Сен хоинсан, сен ўлишинг керак, йўқол бу ердан” маъносидаги гапларни гапириш биринчидан, уларнинг мусулмонларга нисбатан нафратини янда кучайтирса, иккинчидан, Исломни ва мусулмонларнинг ўзини ҳам, куфрий малайлар даражасига тушириб, ахлоқи бузуқ бир бақироқлар кўринишига олиб келиб қўяди.

Сийратдан биламизки, Пайғамбаримизга қарши Маккада кофирлар, Мадинада Исломий давлат тикланганидан кейин эса, кўпроқ мунофиқлар турли азиятларни етказишган. Бундай азиятларга нисбатан қандай муносабатда бўлиш ҳақида Аллоҳ Таъоло қуйидагича аҳкомларни пайғамбарига туширган.

ادْعُ إِلَىٰ سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ ۖ وَجَادِلْهُمْ بِالَّتِي هِيَ أَحْسَنُ ۚ إِنَّ رَبَّكَ هُوَ أَعْلَمُ بِمَنْ ضَلَّ عَنْ سَبِيلِهِ ۖ وَهُوَ أَعْلَمُ بِالْمُهْتَدِينَ

 “Роббингнинг йўлига ҳикматли сўз ва яхши мавъиза билан даъват қил. Ва улар билан гўзал услубда мунозара қил. Албатта, Роббинг Ўз йўлидан адашганларни ўта билгувчи ва ҳидоят топгувчиларни ҳам ўта билгувчидир”.            (Наҳл. 125)

فَبِمَا رَحْمَةٍ مِنَ اللَّهِ لِنْتَ لَهُمْ ۖ وَلَوْ كُنْتَ فَظًّا غَلِيظَ الْقَلْبِ لَانْفَضُّوا مِنْ حَوْلِكَ ۖ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الْأَمْرِ ۖ فَإِذَا عَزَمْتَ فَتَوَكَّلْ عَلَى اللَّهِ ۚ إِنَّ اللَّهَ يُحِبُّ الْمُتَوَكِّلِينَ

 “(Эй Муҳаммад) Аллоҳ томонидан бўлган бир марҳамат сабабли уларга (саҳобаларингизга) юмшоқ сўзли бўлдингиз. Агар қўпол, қалби қаттиқ бўлганингизда, атрофингиздан тарқаб кетар эдилар. Бас, уларни афв этинг. Уларнинг ҳаққига истиғфор айтинг ва улар билан ишларда машварат-маслаҳат қилинг. Азму қарор қилганингиздан сўнг Аллоҳга таваккал қилинг. Албатта, Аллоҳ таваккал қилгувчиларни севадир”.                                                 (Оли Имрон. 159)

Пайғамбар соллаллоҳу алайҳи ва саллам дедилар:

أَرْبَعٌ مَنْ كُنَّ فِيهِ كَانَ مُنَافِقًا خَالِصًا, وَمَنْ كَانَتْ فِيهِ خَصْلَةٌ مِنْهُنَّ كَانَتْ فِيهِ خَصْلَةٌ مِنْ نِفَاقٍ حَتَّى يَدَعَهَا, إِذَا اؤْتُمِنَ خَانَ, وَإِذَا  حَدَّثَ كَذَبَ, وَإِذَا عَاهَدَ غَدَرَ, وَإِذَا خَاصَمَ فَجَر

 “Тўрт иш борки, кимда улар бўлса, ғирт мунофиқ бўлади. Кимда улардан бири бўлса то тарк қилгунига қадар унда мунофиқликнинг хислати бор бўлади. Яъни уларга омонат берилса хиёнат қиладилар, гапирса ёлғон гапирадилар, аҳдлашса аҳдни бузади, бахслашса фожирлик қилади, сўкинади”. Муттафақун алайҳ.

لَيْسَ الْمُؤْمِنُ بِالطَّعَّانِ, وَلاَ اللَّعَّانِ, وَلاَ الْفَاحِشِ, وَلاَ الْبَذِيءِ

  “Мўъмин киши таҳқирлайдиган, лаънатлайдиган, ахлоқсиз, беномус бўлмайди”.Термизий ривоят қилган ва ҳасан ҳадис деган.

Бундан ташқари, ҳаммамизга Пайғамбаримиз соллаллоҳу алайҳи ва салламнинг сийратиларидан маълумки, у зот соллаллоҳу алайҳи ва саллам Тоифга Ислом учун нусрат сўраб борганларида Тоифликлар жуда қўпол тарзда, ёмон жавоб қайтариш билан чекланмасдан, у кишини (соллаллоҳу алайҳи ва саллам) уриб баданларига жарохат етказишади. Шунда Жаброил алайҳиссалом Пайғамбар соллаллоҳу алайҳи ва салламнинг олдиларига келиб, “Ё Росулаллоҳ, айтинг Тоифни ер билан яксон қиламан”, деганида, Росулуллоҳ соллаллоҳу алайҳи ва саллам бу сўзнинг жавобига, “Булар Исломни тушунишмаяптида, тушунганларида бундай қилишмас эди”, дейдилар ва Тоиф аҳли ҳаққига дуо қиладилар. Бу бўлиб ўтган воқеа биз мусулмонлар учун динимизни тарқатишда энг кучли кўрсатма, энг ишонарли ва эргашишга арзигулик манҳаждир.

Хулоса қилиб айтадиган бўлсак, юқорида айтилган ҳолатдаги инсонларга ҳикматли сўз ва яхши мавъиза қилиб, уларга нисбатан асло қупол, дағал, бадхулқ, ахлоқи бузуқ бўлмаслигимиз, бизга шариатимиз буюрган кўрсатма экан.

Ва шуни ҳам айтиб қўйиш керакки, етакчи капиталист давлатлар хозирги дунёдаги хукмронлигини, бойликларга эгалигини сақлаб қолиш учун олиб бораётган салбчилик курашларини хоҳ интернетдаги ходимлари билан бўлдими, хоҳ харбий жанговар армиялари билан бўлдими, ёки саволда айтилган мусулмонлар орасидаги ахборот етказиб турувчи ходимлари билан бўладими фарқсиз, эндиликка келиб мусулмонлар уйғонишни бошлади ва бу уйғонишни куфр тузуми ва унинг малайлари ҳар қанча уринмасинлар асло тўхтатиб қола олмайдилар!

يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن يُتِمَّ نُورَهُ وَلَوْ كَرِهَ الْكَافِرُونَ

 “Улар (кофирлар) Аллоҳнинг нурини оғизлари билан ўчирмоқчи бўладилар. Аллоҳ эса, агарчи кофирлар ёқтирмаса ҳам, Ўзнинг нурини батамом қилишдан бошқа ҳар нарсадан бош тортади.”.                                                                  (Тавба. 32)

Валлоҳу аълам.

Ҳизб ут-Таҳрирнинг Ўзбекистондаги медиа офиси Муслим

11.02.2016й