Мирзиёев эълон қилган конституциявий ислоҳотлардан мақсад нима?
بسم الله الرحمن الرحيم
Хабар ва изоҳ
Мирзиёев эълон қилган конституциявий ислоҳотлардан мақсад нима?
Хабар: fergana.ru 2021 йил 6 ноябрда “Ўзбекистон президенти конституциявий ислоҳотларни эълон қилди” деган сарлавҳа остида қуйидаги хабарни тарқатди:
Ўзбекистон президенти Шавкат Мирзиёев 6 ноябр куни инагурация маросимида сўзлаган нутқида мамлакатда конституциявий ислоҳотлар амалга оширилишини маълум қилди. Маъруза матни давлат раҳбари сайтида эълон қилинган.
“Жаҳон амалиёти шуни кўрсатадики, туб ўзгаришлар даврида кўплаб давлатларда конституциявий ислоҳотлар амалга оширилди. Шу боис сенатор ва депутатлар, кенг жамоатчилик, халқимиз билан яна бир бор маслаҳатлашиб, конституциявий қурилишнинг жаҳон тажрибасини ўрганган ҳолда, мамлакатимизнинг бугунги ва истиқболли тараққиётини белгилаб берувчи асосий қонунни такомиллаштириш масаласини диққат билан кўриб чиқишимиз зарур” – деди президент.
Изоҳ: Мирзиёевнинг бу эълони динни ҳаётдан ажратиш асосига қурилган капитализм куфр тузуми умрини узайтиришга уриниш билан бирга ўзининг президентлик мансабида қолиши муддатини узайтиришга бўлган уриниш эканлигида ҳам ҳеч шубҳа йўқ. Чунки ҳозирги конституция бўйича у фақат икки марта сайланиши мумкин, холос. Бу конституцион ислоҳотларни у қандай амалга ошириши кераклигини ўзининг Россия, АҚШ ва ғарбдаги хўжайинлари белгилаб кўрсатиб беришида ҳам ҳеч шубҳа йўқ. Буни Мизиёевнинг “конституциявий қурилишнинг жаҳон тажрибасини ўрганган ҳолда” деган сўзлари кўрсатиб турибди. Бу конституция ислоҳотларидан “терроризм” ва эктсремизмга қарши кураш” ниқоби остида Ислом ва мусулмонларга қарши курашни давом эттириш ўрин олишида ҳам ҳеч шубҳа йўқ. Чунки бу куфр конституциясидир. Куфр билан Ислом эса ҳеч қачон бир–бири билан келишмайди.
Маълумки, ҳозирда Ислом уммати, жумладан Ўрта Осиёдаги, хусусан Ўзбекистондаги мусулмонлар ҳам уйғониб келмоқда. Бундан эса мустамлакачи кофир давлатлар ва уларнинг бошчиси Американинг ташвишга тушиши аниқ. Шунинг учун бу мустамлакачи кофирлар Ислом юртларидаги малай ҳокимларга халқни алдаб, ухлатиш учун ислоҳотлар деган усти ялтироқ макрни ишга солишни буюришади. Мирзиёев ҳеч уялмай “кенг жамоатчилик, халқимиз билан яна бир бор маслаҳатлашиб…” демоқда. Росулуллоҳ соллаллоҳу алайҳи васаллам ҳадисда айтганларидек, бу рувайбиза ҳокимлар ҳеч уялмай халқ номидан гапираверишади. Аслида бу диктатор ҳокимлар халқ фикри билан мутлақо ҳисоблашмайди. Буни аччиқ воқелик кўрсатиб турибди. Шунинг учун Мирзиёвнинг бу сўзлари халқ устидан кулишдир.
Эй Ўзбекистондаги мусулмонлар! Мирзиёвнинг Қуръонга қўлини қўйиб қасам ичгани сизни алдаб қўймасин!! Бу сизларни алдаш учун яна бир макрдир, холос! Зеро Ислом билан куфр – юқорида айтиб ўтганимиздек – асло келишмайди. Демократия, унинг қонунлари ва конституциялари Ислом юртларини хонавайрон қилиш, улардаги бойликлар ва ресурсларни талаб кетиш учун мустамлакачи Россия ва ғарб давлатлари қўлидаги бир қуролдир, холос. Мирзиёев амалга оширадиган бу конституциявий ислоҳотлар мана шу давлатларнинг корпорациялари ва ширкатларига сизнинг олтинингиз, нефтингиз, газингиз ва бошқа бойликларингзни талаб кетиши учун янада кенг йўл очиб беради. Шунинг учун бу куфр тузумни, унинг қонунлари ва конституциясини тарих ахлатхонасига улоқтиринг. Ислом тузумини, унинг шаръий ҳукмларини, қонунлари ва конституциясини ҳаёт майдонига олиб кириш учун бор кучингиз билан ҳаракат қилинг. Зеро, шунда дунё ва охират саодатига эришасиз.
﴿يَا أَيُّهَا الَّذِينَ آمَنُوا اسْتَجِيبُوا للهِ وَلِلرَّسُولِ إِذَا دَعَاكُمْ لِمَا يُحْيِيكُمْ﴾
Эй мўминлар, Аллоҳ ва Унинг пайғамбари сизларни абадий ҳаёт берадиган нарсага (яъни, динга) даъват қилар экан, уни қабул қилинглар (Анфол 24)
Ҳизб ут–Таҳрир марказий медиаси учун Ислом Абу Халил – Ўзбекистон
