Муборак Рамазон ойи табриги

بِسْمِ اللهِ الرَّحْمٰنِ الرَّحِيم

Бутун олам Парвардигори Аллоҳга ҳамду санолар бўлсин. Сарвари олам Муҳаммад Мустафо ﷺга, у кишининг аҳли оилаларига, улуғ саҳобаларига ва қиёмат кунига қадар ул зотга гўзал тарзда эргашган зотларга салоту саломлар ёғилсин, аммо баъд.

Ассаламу алайкум ва роҳматуллоҳи ва барокатуҳ.

Азиз мусулмонлар! Биз Ўзбекистон вилояти Ҳизб ут-Таҳрир аъзолари кириб келган Рамазон ойи муносабати билан сизларни муборакбод этамиз. Аллоҳ Субҳанаҳудан барчамизни ушбу мағфират ва яхшиликлар ойи бўлмиш рамазон ойида дўзахдан озод этилган бандалар жумласидан қилишини ҳамда Лайлатул Қадрга етказиб, унинг ажрига эришган зотлардан қилишини сўраймиз.

Ислом Уммати мана бир асрдирки ушбу муборак ойни кофир мустамлакачиларнинг зулми ва шафқатсизларча ундан ўч олиши остида кутиб олмоқда. Ислом юртларига куч билан ўрнатиб қўйилган хоин ва рувайбиза ҳукмдорларнинг Аллоҳ ва Унинг Росули ﷺга исён қилиб, ҳар қадамда хиёнат қилиши ва зўравонлиги остида кутиб олмоқда. Пайғамбарлар меросхўрлари номига нолойиқ бўлган сарой имомларининг ушбу ҳукмдорлар дунёси обод бўлиши учун хизмат қилиб, ботил фатволар чиқариб, умматни янада тубан ва қолоқ аҳволга солаётган бир аҳволда кутиб олмоқда. Бироқ шунга қарамай, бугунги Ислом Уммати кечаги уммат эмас, балки уйғониш йўлига қадам қўйган, Исломига юзланиб, уни татбиқ қилинишини хоҳлаётган, бунинг учун жонидан кечишга ҳам тайёр турган умматдир. Бу уммат оламни фисқу фасод ва шафқатсиз урушларга тўлдириб юборган капиталистик системанинг илдизига болта уриб, унинг ҳукмронлигига нуқта қўйишга интилаётган умматдир. Бу уммат инсоният келиб қолган жарлик ёқасидан уни қайтариб, яна тўғри йўлга соладиган рошид Халифаликни соғинган ва уни қайта тиклашга жидду жаҳд қилаётган умматдир.

Биз Аллоҳ Субҳанаҳу ва Таолодан бу йилги Рамазон ойини Ислом Уммати учун ҳайр-баракотли, аввал тарихда бўлганидек нусрат ва фатҳлар ойи қилишини, ниҳоят Пайғамбарлик минҳожи асосидаги иккинчи рошид Халифалик давлатини тиклашга муваффақ қилишини ялиниб-ёлвориб сўраймиз.

Муборак Рамазон ойи муборак бўлсин азиз мусулмонлар!

Ҳизб ут-Таҳрирнинг Ўзбекистондаги матбуот бўлими

02.04.2022й