بِسْمِ اللهِ الرَّحْمٰنِ الرَّحِيم

Роя газетаси:

Мустамлакачи давлатлар мусулмонларга бўлган душманлигини БМТ ниқоби билан беркитишади

Ҳижрий 1439 йил 3 муҳаррам, милодий 2017 йил 23 сентябр шанба куни «Франс 24» сайтида нашр қилинган хабарда бундай дейилади:

«Жума куни БМТнинг Ливиядаги махсус вакили Ғассон Салома ўлган полковник Муаммар Қаззофий режими тарафдорлари сиёсий амалиётда қатнашишлари мумкин, деди ҳамда Ливия ишига алоқадор давлатларнинг барчасини БМТ ҳимояси остида ҳаракат қилишга чақирди.

«Франс 24» каналига берган интервьюсида у «парламент ва президентлик сайловлари барчага очиқ бўлиши керак»лигини билдирди.

«Мен сиёсий битимнинг у ёки бу томоннинг шахсий мулки бўлиб қолишини истамайман. Зеро, унда Сайфулислом (Қаззофийнинг ўғли) ҳам қатнашиши мумкин ҳамда битим доирасига шахсан ўзим идорамда қабул қилган собиқ режим тарафдорлари ҳам киришлари мумкин», дея қўшимча қилди Салома.

Исломчилар ҳам қатнашиши мумкинми, деган саволга Салома «улар жуда катта сонни» ташкил қилишади, дея жавоб қилди ҳамда буни «Агар сизлар зўравон жамоалар ҳақида гапираётган бўлсангиз, улар демократик ўйинда иштирок этишни исташмайди, бундай ўйиндан ўзларини йироқ тутишади», дея изоҳлади.

Жорий йил июлда мансабга ўтирган Салома ўзининг Ливия учун чизган йўл харитасини тақдим қилди. Унинг даъвосича, айни харита «келаси ёзда бўлиб ўтиши кутилаётган оммавий сайловларга қадар бир неча режаларни ўз ичига олган».

Кейин «Биз айни сайловларга замин тайёрлашимиз керак, қандай қилиб президент сайлаймиз, унга қандай режимни берамиз, буни билиб олмоғимиз даркор», дея давом этди.

Унинг изоҳлашича, «Биринчи қадамда сайловларга оид қонун бўлиши керак, Ливияда президентлик сайловлари ҳеч қачон бўлмаган, ҳали ҳал этиш керак бўлган масалалар бор».

БМТ вакили Ливия ишига алоқадор давлатлар олиб борадиган ташаббусларнинг маслаҳатсиз бўлишидан огоҳлантириб, қадамлар «БМТ ҳимояси остида» ташланиши лозим, деди».

Роя газетаси шарҳи:

Ғарб давлатлари Ислом Умматига бўлган ўз душманликларидан жамоатчиликни чалғитиш учун, доим БМТ ва унинг қарорларидан ниқоб сифатида фойдаланишади. Яъни Ислом ва мусулмонларга қарши урушда БМТнинг қўли узун. Ливиядаги махсус вакили Ғассон Саломанинг Қаззофий режими тарафдорлари юртдаги сиёсий амалиётда қатнашишлари мумкин, деган гапи ҳам шу БМТнинг адаштириш услубларидан бири, шу орқали мустамлакачи давлатларнинг Ливиядаги нуфузини мустаҳкамлаш ва у ердаги бойликларни ташиб кетиш кўзланган. Бу бир жиҳатдан. Яна бир жиҳатдан, шу орқали айни давлатлар сиёсий Исломнинг ҳокимиятга келишини олдини олишга уринишяпти. Бироқ хомтама бўлмасинлар. Чунки ушбу буюк Уммат ҳаракати Аллоҳнинг изни ила, яқинда Пайғамбарлик минҳожи асосидаги рошид Халифаликни барпо этишга ва кофир Ғарб давлатларини исломий юртлардан супуриб ташлашга олиб боражак.

Роя газетасининг 2017 йил 4 октябр чоршанба кунги 150-сонидан