بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Мусулмонлар ҳукмдорларининг кучсиз баёнотлари роҳингага қарши қатли омни тўхтатолмайди

Имод Амин қаламига мансуб

Мьянма шимолидаги Рохин вилоятида давлат таъқиб қилиб келаётган роҳинга мусулмонларининг қатли ом қилиниши 2017 йил 24 августдан бошлаб ғоят даҳшатли босқичга кирди. Чунки жинояткор Бирма армияси қилич, ўроқ ва милтиқлар билан қуролланган бутпараст террорчилар билан биргаликда, «минтақани тозалаш амалиёти» номи остида роҳинга қишлоқларига кириб, ўнлаб йиллардан бери давом этиб келаётган ҳарбий репрессиянинг энг қирғинбарот шаклини содир этишди… Бу амалиёт «шубҳали» исёнчиларнинг Мьянма полицияси маркази ва чегара постларига ҳужум қилишига жавоб сифатида амалга оширилди. Роҳинга мусулмонларининг барчаси, шу жумладан аёллар ва болалар ҳам бу ҳужумга алоқадорлиги эълон қилинди. Ҳужумчиларнинг ҳақиқатдан ҳам роҳинга мусулмонлари бўлганлигига ҳеч қандай далил бўлмасада, бундай «террорчилар»ни ер юзидан йўқ қилиш лозим, дея ҳаммалари нишонга олинди!

Мьянма армияси 2017 йил 2 сентябр куни чиқарган расмий баёнотида ўтган ҳафтада 400 нафар мусулмон ўлдирилганини айтди. Бироқ биз қирғин қилинган мусулмонларнинг ҳақиқий рақами бундан анча кўплигига асло шубҳа қилмаймиз, зотан, бу сон кундан-кунга ортиб бормоқда. Ушбу репрессиядан қочишга муваффақ бўлганлардан баъзилари Мьянма армияси ва бутпараст жангарилар содир этган ваҳшиёна қилмишларни сифатлаб берди. Уларга кўра, бу ваҳшийлар роҳинга мусулмонларини кўзларини ўйиб олишган, оммавий тарзда оила аъзолари кўз ўнгида пичоқ билан сўйишган, аёллари ва ёш қизларини оммавий равишда зўрлашган, болаларини, ҳатто кичик гўдакларини бошларини таналаридан жудо қилиб, дарёга улоқтиришган… ла ҳавла ва ла қуввата илла биллаҳ! «Google»га қарашли сунъий йўлдошда тарқатилган суратлар, роҳинга қишлоқларининг кенг кўламда ёнганини кўрсатиб турибди, чунки Мьянма армияси 2600дан зиёд уйни ёқиб юборган. Армиянинг бундай қонхўрликдан Бенгал чегараларига қочиб келган бечора мусулмонлар бошига қўлбола гранаталар улоқтириши ва автоматлардан ўққа тутиши, ярага туз сепгандан ҳам баттар иш бўлган.

Мана шундай даҳшатлар манзарасида ва унга нисбатан мусулмонлар туйғулари қаттиқ қўзғалган бир вақтда, Бенгал ҳукумати роҳинга мусулмонларига қарши ўзининг қатор хоинона позициялари рўйхатига яна хоинлик қўшди: қочқинларни қабул қилиб, хавфсиз бошпана билан таъминлаш ўрнига, хоин Ҳасина чегара қўшинларига уларни жаҳаннамга қайтариб юбориш ёки Бенгал кўрфазига ғарқ қилишга буйруқ берди. Бангладешга кириб олишга муваффақ бўлганлар эса, вилоят ҳудудида юришдан маҳрум қилинди. Жорий йил 26 август шанба куни воқеда 38.000 роҳинга мусулмонлари Рахин вилоятидан Бангладеш томонга қочиб келган, Ҳасина ҳукумати эса, улардан 20.000дан зиёдини йўлларини тўсиб, шафқатсизлик билан чегарадан ўтказмаган. Улар ҳозир чегара минтақасида қолиб, тўшаклари ер, ёпинчиқлари само бўлиб қолмоқдалар, жазирама иссиқ ва сел остида бошларини пластик доскалар билан тўсмоқдалар, оч-наҳор аҳволдалар… Ҳатто улардан Бангладешга кириш насиб қилганлари ҳам юрт тепасидаги жинояткор партия-Авоми ассоциацияси томонидан ғайриинсоний муомалага дуч келмоқдалар. Асосий ахборот воситалари нашр қилган ҳисоботларда айтилишича, айни ҳукмрон партия уюшмалари қочқинлар жамлоғига кириб, роҳинга қочқинларига тегишли аёллар либосларини, ҳайвонларни, ҳатто ошхона идиш-товоқларини талаб кетишган.

Ҳасина ҳукумати шунча хоинлик ва пасткашликлар билан кифояланмади. Балки Мьянма кучларига «терроризм»га қарши курашга оид қўшма амалиётлар ўтказишни таклиф қилиш билан уларнинг роҳинга мусулмонларини қатли ом қилишларига ёрдам беришга уриняпти! Бунга мисол, жорий йил 28 августда Бенгал ташқи ишлар вазирлиги Мьянманинг Даккадаги элчихонасига расмий мактуб йўллаб, унда Бангладешнинг Мьянма армиясига ёрдам бериш, яъни у ердаги бизнинг ака-ука ва опа-сингилларимизни қирғин қилишига кўмаклашиш истагида эканини маълум қилди! Ҳа, бу ҳукуматни Мьянма хавфсизлиги ташвишлантиряпти, аммо бир миллиондан ортиқ мусулмоннинг ўтган яқин кунлар ичида ғоят даҳшатли ўзгаришларни бошдан кечириб, репрессияга учраётгани ташвишлантирмаяпти.

Исломий юртлардаги қолган ҳукмдорларимиз ҳам хоинликда Ҳасинада қолишмаяпти. Масалан, улар бу қатли омни тилга олишган бўлишса-да, бироқ уни тўхтатиб қолиш учун ҳеч қандай амалий чорага қўл уришмади. Масалан, Эрон ташқи ишлар вазири Баҳром Қосимий роҳинга мусулмонларига қарши ҳарбий ҳужумлар давом этаётганига нисбатан қаттиқ хавотир изҳор қилди, Туркия Эрдогани қилган бор-йўқ иш, Мьянмани қатли ом қилишда айблаш бўлди, холос… гўё бу аниқ эмасдай! Шайха Ҳасина бўлса, роҳинга мусулмонларини Бангладеш хавфсизлиги учун эҳтимолий таҳдид, – деб ҳисоблади, бинобарин, уларнинг азоб-уқубатлари уни заррача ташвишлантирмади.

Репрессия остида қолган бу мусулмонларнинг кофирлар терроридан сақланадиган бошпаналари йўқ. Бу бўҳроннинг ягона ечими, бугунги малай ҳукмдорлардан бутунлай халос бўлиб, ўрнига Пайғамбарлик минҳожи асосидаги рошид Халифалик давлати соясида битта мард раҳбарни олиб келишдир. Ёлғиз ушбу халифагина мусулмонларни қайта бирлаштириб, уларнинг ҳам, ўзининг бошқа фуқароларининг ҳам номуслари ҳимоясини таъминлашга қодирдир.

فَاصْبِرْ صَبْرًا جَمِيلًا* إِنَّهُمْ يَرَوْنَهُ بَعِيدًا* وَنَرَاهُ قَرِيبًا

«Бас, чиройли сабр билан сабр-тоқат қилинг! Чунки улар у (Кун)ни узоқ деб билурлар, Биз эса унинг яқинлигини билурмиз!»   [Маориж 5-7]

http://telegram.me/hizbuzbekiston

Роя газетасининг 2017 йил 6 сентябр чоршанба кунги 147-сонидан