بسم الله الرحمن الرحيم

Мусулмонлар ўртасига чегаралар қўйиш бу куфрнинг “Бўлиб ташла ва эгалик қил” режасидан бошқа нарса эмас

أَفَحُكْمَ الْجَاهِلِيَّةِ يَبْغُونَ ۚ وَمَنْ أَحْسَنُ مِنَ اللَّهِ حُكْمًا لِقَوْمٍ يُوقِنُونَ

 “Динсизлик ҳукмрон бўлишини истайдиларми?! Иймонлари комил бўлган қавм учун Аллоҳдан ҳам гўзалроқ ҳукм қилгувчи ким бор?!”                     (Моида. 50)

Интернет оламини кузатиб бораётганлар яхши биладиларки, 18 март куни Қирғизистоннинг Жалолобод вилояти Олабуқа райони ва Ўзбекистоннинг Наманган вилояти Чортоқ туманлари ўртасидаги баҳсли ҳудуд бўлган Чаласарт қишлоғига Ўзбекистон ҳукумати чегара хизмати ўз аскарларини  киритгани ҳақида хабарлар тарқади. Ўзбекистон ҳукумати бу ҳаракатини, гўёки хавфсизлик тадбирларини кўриш, деган баҳона билан ниқоблади. Қирғизистон ҳам тезликда ушбу ерга ўз аскарларини олиб келгани айтилди.

26 март куни эса, Ўзбекистон ҳукумати ўз аскарларнии олиб чиқиб кетгани тўғрисида хабарлар тарқади.

Интернет саҳифаларини кузатиб чиқадиган бўлсак, Худосиз коммунистик бошқарув билан, ўз халқини имкони борича кучли тазйиқлар билан бошқариб келаётган Ўзбекистоннинг чегара ҳудудларида доимий тарзда, йилдан йилга аҳолига нисбатан турли зулмлар, давомли чекловлар пайдо бўлаётганини кўряпмиз. Чегараларга симтўрлар тортилганиши етмагандек, ҳатто жуда кўп жойлардаги фуқаролар чегарадан мажбуран кўчириб ташланиб, мазлум халқнинг уйларининг ўрни кавлаб чуқурга айлантирилди. Ва бу зулмларни халққа “тинчликни сақлаш” дея уқтирилди.

Яқин ўтмишга назар соладиган бўлсак, яъни золим Каримовнинг мусулмонларга қарши салбчилик кайфиятидаги тузуми чегараларини хозиргидек симтўрлар билан ўраб, чегара ўтиш пунктларинни беркитиб, пашша учиб ўтишга қўрқадиган даражага олиб келишидан озгина аввалги пайтларга эътибор берсак, бу икки давлатнинг аҳолиси бир бирлари билан иноқлик – аҳиллик билан, қариндошлик, қудалик алоқаларини боғлаб, чегара нима билмасдан, тинч тотув яшаб келишган ва буни ҳеч ким инкор қила олмайди.

Золим Каримов мусулмонларни зулмлаш, тазйиқ қилиш йўлларини шу даражада маҳорат билан амалга ошириб келмоқдаки, бу куфрий режим мусулмонлар устида қилаётган зулмларини, “экстремизмга қарши кураш”, “бизнинг ҳукумат халққа тинчлик беряпти”, “ватанни ҳимоя қилиш”, “Каримов тинчлик беряпти” каби, куфр манфаатлари учун хизмат қиладиган фикрлар билан ниқоблади. Халқ эса золим ҳукуматнинг тарқатаётган ушбу фикрларини инсонлар онги учун ҳақиқий захар эканини тушуна олмай, “Каримов бўлмаса тинлик йўқ” дега тушунчага келиб қолди. Ушбу тушунчани захар эканини, Каримов бу фикрларни тарқатиш билан, халқни ўзига қул қилиб, ахмоқ қилаётганини тушунган, озгина бу тўғрида гапиришга журъат қилганлар эса, ё бу мамлакатдан қочиб қутулди, ё Каримов зиндонларига умрбодга ташланди, ёки ўлдириб юборилди.

Ўзбекистон ва Қирғизистон халқлари аксари мусулмонлар, яъни бир Уммат экани маълум. Бу икки давлатдаги мусулмон уммати ушбу давлатларнинг куфр етакчилари манфаатлари учун тузиб чиқилган бу сохта чегараларни нақадар зарарли, умматни парчалаб пароканда қилиб, бўлиб ташлашда энг катта қуроллардан бири эканинини тушуниб етишлари керак. Чунки Яратувчини очиқ инкор қилиб, Исломга қарши бор кучи билан курашган Худосиз социалистик режим тузиб берган чегараларни ўзини мусулмон санаган одам ўзи учун чегара деб ҳисоблаши, мусулмон ақидасининг қайси бандига тўғри келиши мумкин?!

Худосизлик тузумининг олиб борган бошқарув услубини сақлаб қолган, мусулмонларга қарши курашда ўзини танитган, Ислом ва мусулмонлар душмани бўлган Каримовнинг олиб бораётган чегараларни мухтахкамлаш ишлари ҳам, мусулмонларни парчалаш, ораларига нифоқ солиш, қариндош – уруғларни бир биридан ажратиш, умумий қилиб айтганда, Исломга қарши курашдаги қадамларини янада илдамлатишдан бошқа нарса эмас.

Кўриниб турибдики, Ўзбекистон бошлаган мазкур чегара муаммолари ва бошқа, чегараларга оид олиб борилаётган ҳар қандай ишлар, Ўзбекистоннинг ўзи учун халқини янада алдашга, шу йўл билан тинчликни ушлаб турганини кўрсатишга ва бошқа куфрий режаларини амалга ошишига хизмат қилиши билан бирга, Қирғизистон учун ҳам Россия манфаатларини амалга ошириб беришида қўл келувчи бир хийла экани эҳтимолдан йироқ эмас. Бу ишлар умумий олиб қаралганда, Ислом умматини янада парчалаш, бирлашишдан узоқлаштириш, имкони борича зулм остида ушлаб туришга қаратилган куфрий режалардир. 

Ҳизб ут-Таҳрирнинг Ўзбекистондаги медиа офиси Муслим

30.03.2016й