Наҳотки Ғарбнинг разил қадриятлари машинасига ғилдирак бўлишдан ўзга йўл тополмадингиз?!
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
Наҳотки Ғарбнинг разил қадриятлари машинасига ғилдирак бўлишдан ўзга йўл тополмадингиз?!
Душанба куни «28-Африка саммити» тадбирлари доирасидаги ижроий йиғин ўтказилди. Унда Африка Иттифоқининг ижтимоий масалалар бўйича комиссари лавозимига Судандан ўз номзодини қўйган Амира Фозил хоним кўпчилик овоз билан ғалабага эришди. Амира Фозилнинг таъкидлашича, у бу ғалабага кўплаб турли доираларнинг улкан саъй-ҳаракатлари натижасида эришган. У айни ғалаба Суданнинг Африка Иттифоқида ўз ролини адо этиши ҳамда ижтимоий масалада Судан тажрибасини ўртага ташлаши учун қулай имконият бўлишидан умид қилаётганини билдирди. Судан ташқи ишлар вазири ҳам ўзининг матбуот интервьюсида сиёсий етакчилар ва Судан халқини айни ютуқ билан муборакбод этди!!
Наҳотки, Судан Африка Иттифоқининг ижтимоий масалалар комиссарлиги лавозими орқали Африкага унинг тобора зўрайиб бораётган ижтимоий кризислари учун бирор давони тақдим эта олса?! Наҳотки, ОИТС касаллигининг суръат билан тарқалиши орқали аҳолини йўқ қилаётган ижтимоий бало-офатларни енгиб ўтишига ёрдам берадиган бирор муолажаларни тақдим эта олса?!
Бу савол жавобини Африка Иттифоқи сайтида 2017 йил 26 январ куни чиқарилган мана бу сўзлардан билиб олиш мумкин: «Африка Иттифоқи қошидаги Африка аёллари ва болалари таълими бўйича халқаро марказ учрашувига Норвегия мамлакатининг Эфиопиядаги элчихонаси, ЮНЕСКО ва ЮНИСЕФ ташкилотлари, Болаларни Қутқариш ташкилоти, халқаро «Рlan» ташкилоти мезбонлик қилади. Маслаҳатлашувдан мақсад, икки жинс ўртасида тенглик ва хотин-қизлар ҳуқуқига оид импульсни жонлантириш бўлиб, бу давлатлараро келишилган тараққиёт мақсадларини ҳамда барқарор тараққиёт мақсадларини, шунингдек, 2016-2025 йилларда Африкадаги таълим бўйича қитъалараро стратегияни ривожлантиришга қаратилган».
Демак, Судан ғарблик кофирларнинг ёрдами ва режаси асосида хотин-қизлар ҳуқуқлари, икки жинс ўртасида тенглик каби Ғарб қадриятларининг Африкага олиб кирилишида ёрдамчи бўлиши кутилмоқда… Ҳолбуки, ғарблик кофирларнинг ўзлари бу омадсиз қадриятларидан зада бўлишган. Чунки Ғарбдаги расмий статистик марказлар нашр қилган ҳисобот ва рақамларга кўра, икки жинс ўртасидаги тенглик деган нарса никоҳни бузмоқда, бутун оила аъзоларни тарқатмоқда, ахлоқ нормаларини издан чиқариб, инсоний табиатдан воз кечишга тарғиб қилмоқда, аёлларга зулм қилиш орқали турмуш, оналик ва анъанавий никоҳни парчаламоқда, жамиятдаги ижтимоий инфраструктурани вайрон қилмоқда. Наҳотки, Африкадаги инсонларга мана шуларни тақдим этиш билан мақтанамиз?! Наҳот, кофир Ғарб инсониятга тиқиштирган стратегияларни ижро этиш учун асосий мутасаддий бўлганимиз билан кеккаямиз?!
Мусулмон ўзи ва бошқалар учун ҳақдан ўзга нарсани тақдим қилиши дуруст эмас. Ҳақ эса Аллоҳнинг дини Исломдир, ундан балқиб чиқувчи ҳаёт низомидир. Судан Ислом ва унинг пок ижтимоий низомини етказиш билан бутун Африкага ҳидоят улашишда фаол рол ўйнаши мумкин. Аммо бунинг учун аввал ҳокимиятда ўтирганлар Ислом татбиқига ишонишлари керак. Чунки инсон ўзи эга бўлмаган нарсани бошқасига беролмайди! Ислом Африкага тақдим этилса, у ердаги раҳбарларни олийликка кўтаради. Бироқ улар ер юзига ёпишиб олишди, нафс-ҳаволарига учиб, Ғарбнинг разил бадбўй қадриятлари машинасига ғилдирак бўлишдан ўзга йўлни топишмаяпти, ўша қадриятларни татбиқ қилишда, ўшаларнинг байроғини кўтаришда бир-бирлари билан мусобақалашишмоқда. Ваҳоланки, Ғарб қадриятларида бирорта ҳам ҳақиқий даво йўқ. Ҳақиқий шифо мабдага асосланган ва Исломни татбиқ этадиган давлатда бор. У Пайғамбарлик минҳожи асосидаги рошид Халифалик давлати бўлиб, зулму зулматга ботган бутун Африкани ва бутун ер куррасини нурга, адолатга буркайди.
فَمَاذَا بَعْدَ الْحَقِّ إِلَّا الضَّلَالُ ۖ فَأَنَّىٰ تُصْرَفُونَ
«Ҳақдан кейин фақат йўлдан озиш бор, холос. Бас, қай тарафга бурилиб кетмоқдасизлар?!»
[Юнус 32]
Ҳизб ут-Таҳрирнинг Судан
вилоятидаги расмий нотиқаси – аёллар қисми
