بسم الله الرحمن الرحيم

Роя газетаси:

Мингдан зиёд келгинди яҳудийлар Ақсога бостириб киришмоқда

Эй Уммат армиялари Ақсога қачон нусрат-ёрдам берасиз?!

Ҳижрий 1439 йил 9 зул-қаъда, милодий 2018 йил 22 июл якшанба куни Арабий 21 веб-сайти нашр қилган хабарда бундай дейилади:

«Мингдан зиёд яҳудийлар якшанба куни босқинчилар полицияси ҳимояси остида муборак Ақсо масжидига бостириб кириб, ўзларининг талмудий ибодатларини қилишни бошлаган. Бунга қаршилик қилишга уринган намозхонлар билан улар ўртасида таранг вазият юзага келди.

Улар бундай бостириб киришни экстремистик яҳудий ташкилотлари томонидан «ҳайкал бузилиши хотираси»ни қайта тиклаш чақириқларига жавобан амалга оширишди. Бу Қуддусдаги миллий ва исломий партияларни юзлаб яҳудийларнинг бостириб киришлари ортидан Ақсо масжидида оммавий ҳимоя сафарбарлигига даъват қилишга ундади.

Ўз навбатида, муборак Ақсо масжиди мутаваллиси шайх Умар Кисвоний «қутурган яҳудийларнинг Ақсо масжидига бостириб кирганликлари»ни ҳамда 1023 нафардан иборат бу яҳудийларнинг Ақсога «Исроил» махсус кучлари ҳимояси остида кирганини таъкидлади.

Бундан олдин босқинчилар кучлари Қуддусдаги Эски шаҳарда Ақсо масжидига бостириб кириш амалиётига қарши турган муробит ва фаолларни қамоққа олиш кампаниясини ўтказишган эди».

Роя газетаси шарҳи:

Эй мусулмонлар! Босқинчи яҳудийларнинг Ақсо масжидига тажовузи қачонгача давом этади. Қачонгача сизлар – хусусан, армияларингиз – уларнинг бундай қароқчиликлари олдида сукут қиласиз, Ақсони ҳимоя қилишга отланмайсизми?! Қачонгача Ақсони ҳимоя қилиш фақат Фаластин аҳлига, қуддусликларга тегишли масала бўлиб қолаверади, қачонгача улар ушбу муқаддас даргоҳни кўксилари билан қуролсиз ҳимоя қилишда, бунинг йўлида қақшатқич калтаклашлар, таъқибу қувғинлар ва қамоққа олинишларга дучор бўлишда давом этадилар?! Салкам икки миллиардга етиб қолган Уммат ўз Набийсининг Исро масканига ёрдам беришдан ожизми?! Умматнинг сон-саноқсиз қўшинлари ва ҳарбий самолётлари қани?! Армияларимиз орасида Ақсо нидосини қабул қиладиган, Салоҳиддин Айюбийдан ўрнак олиб, Ақсони кишанлардан озод этадиган ва Аллоҳнинг изни ила, икки дунё ютуғини қўлга киритадиган холис тақволи тоза қўмондонлар йўқми?!

Роя газетасининг 2018 йил 25 июл чоршанба кунги 192-сонидан