بِسْمِ اللهِ الرَّحْمٰنِ الرَّحِيم

Набиййимиз Муҳаммад САВнинг 12 робиул-аввалдаги мавлудлари хотираси ҳидоят, куч-қудрат ва ғолиблик хотирасидир

Ҳақ Таборака ва Таоло Ўзининг Қуръони Каримида бундай дейди:

لَقَدْ مَنَّ اللَّـهُ عَلَى الْمُؤْمِنِينَ إِذْ بَعَثَ فِيهِمْ رَسُولًا مِّنْ أَنفُسِهِمْ يَتْلُو عَلَيْهِمْ آيَاتِهِ وَيُزَكِّيهِمْ وَيُعَلِّمُهُمُ الْكِتَابَ وَالْحِكْمَةَ وَإِن كَانُوا مِن قَبْلُ لَفِي ضَلَالٍ مُّبِينٍ

«Албатта Аллоҳ мўминларга ўзларидан бўлган (яъни одам жинсидан бўлган), уларга Аллоҳнинг оятларини тиловат қиладиган, (гуноҳларидан) поклайдиган ҳамда уларга китоб ва ҳикматни ўргатадиган пайғамбарни юбориш билан яхшилик қилди. Зеро улар илгари очиқ хато-залолатда эдилар» [Оли Имрон 164]

Шу кунларда, биз 12 робиул-аввалда Росулуллоҳ САВнинг мавлудлари хотираларини нишонламоқдамиз. Хўш, ушбу муаттар муборак мавлуд Ислом Уммати ва бутун башарият учун нимани англатади?!

Росули акрам САВнинг мавлудлари бутун башариятга ҳидоят рисоласини етказган буюк Уммат мавлудидир! Араблар Исломдан олдин турли-туман зулму ситамга тўла ҳаётда яшардилар. Улар бўлинган, тарқоқ халқ ва қабила бўлиб, уларни ҳеч ким бирлаштиролмас, бир-бирларига боғлолмас эди. На бирор вазн-шавкатлари бор эди, на ҳазорат ва мумтоз маданиятлари. Билъакс, залолат ва гумроҳликда яшаб, бир-бирлари билан қирпичоқ бўлишарди!! Уларнинг айни сифатларидан бугунги башарият сифати ҳам унчалик фарқ қилмайди, шу жумладан, илмоний тузум остидаги ҳамда янги аср жоҳилиятидаги капитализм билан демократия замонида яшаётган ҳозирги Исломий Уммат аҳволи ҳам деярли фарқ қилмайди.

Ўшанда Росули карим буюк Ислом рисоласини олиб келгач, бу аҳволдаги араблар бошқа инсонлардан мумтоз, битта Умматга айландилар, ҳеч қандай фойдаси ҳам, зарари ҳам тегмайдиган, арзимас илоҳлар ўрнига, битта Аллоҳга ибодат қилдилар!! Улар ҳаётларида Исломни татбиқ қилиш орқали Аллоҳ Субҳанаҳу ва Таолога қуллик қиладиган бўлдилар, Аллоҳга қилган ибодатлари фақат диний шиорларгагина чекланиб қолмай, балки бутун ҳаётий муносабатларини раббоний аҳкомлар билан тартиблаштирадиган бўлдилар.

Шунинг учун ҳам араблару бошқа халқлар ушбу буюк дин билан ер юзидаги барча инсонлар учун чиқарилган энг яхши Умматга айландилар, энг кучли, энг маданиятли ва энг илмли уммат бўлдилар, ҳатто умматлар гултожисига айландилар. Уларнинг давлати ҳудуди Шарқдан Тинч океанигача, Ғарбдан Атлантик океанигача, Жанубдан Марказий Африкагача, Шимолдан Сибиргача етиб борди. Ҳатто тарих олимлари Исломий Халифалик мулкидан Қуёш ботмайди, (доим унга қуёш боқиб туради), дедилар!! Илм-фан ривожланиши соҳасига келсак, Ислом Умматининг илмий тараққиёт, ободончилик ва бошқа соҳаларда исломий бошқарув соясида қўлга киритган ютуқлари кўламини таърифлашга сўз ожиз. Бир вақтнинг ўзида, Ғарб ўзини Исломдан узоқ тутган бутун даври мобайнида маърифат ва иқтисодда қолоқлигича қолди. Унинг уйғониб, тараққиётга эришиши мусулмонлар билан сиёсий, иқтисодий ва савдо соҳасида тўқнаш келган пайтдагина бошланди. Шундан бошлаб, Ғарб исломий илм, адабиёт ва фан соҳасидаги бир неча асрлик юксалиш даврида ухлаб ётган уйқусидан уйғонди ва ушбу исломий бойликларга меросхўр чиқиб, саноат инқилоби ясади… Ҳалигача у Ислом Умматига айни инқилоби билан мақтаниб келади!!

Уммат Муҳаммад Мустафо САВнинг пайғамбарликлари орқали уйғонди ва бу уйғониш тариқати мусулмонлар ишларини бошқарган тақволи ҳукмдорлар сабабли бўлди. Бу ҳукмдор-халифалар Умматни ҳақ-рост бошқардилар, динимиз аҳкомларини қолдирмай мукаммал тўғри татбиқ этдилар. Масалан, Абу Бакр Сиддиқ РА Росулуллоҳ САВдан сўнг бошқарувга ўтиргач, бундай деганлар: «Мен сизга бошлиқ бўлдим. Лекин сизларнинг энг яхшингиз эмасман. Менга Аллоҳга итоат қилишимга қараб итоат қилинг, агар осийлик қилсам, менга итоат қилманг… Орангиздаги кучли киши то ундан бошқанинг ҳаққини олиб бермагунимча менинг наздимда заифдир, орангиздаги заиф киши то унинг ҳаққини қайтармагунимча менинг наздимда кучлидир!!». Мана, Умар форуқ РА ҳам халифа бўлгач, минбарга кўтарилиб, «кимингиз менда эгрилик кўрса, тўғриласин!!», дейди. Бир оддий мусулмон киши «Аллоҳ ҳаққи, эй Умар, агар сенда эгрилик кўргудек бўлсак, кескир қиличимиз билан тўғрилаймиз», деб жавоб қайтаради. Шунда Умар РА табассум қиладилар ва «Алҳамду лиллаҳ, У мусулмонлар орасида Умарни кескир қиличи билан тўғрилаб қўядиган кишиларни чиқариб қўйибди!!», дейди. Уммат куч-қудрати, унинг жиҳод ва фатҳлар каби фарзларни адо этиши билан кифояланган. Мана, Салоҳиддин Айюбий, нима демоқда: «Қандай ҳам кулай ё табассум қилай, ҳолбуки, Росулуллоҳ САВнинг Исро масканлари бўлмиш муборак Ақсо масжиди салибчилар қўлида бўлса?!». Мўътасим Биллаҳ ҳам «эй Мўътасим», дея қичқириб ёрдамга чақирган аёлни озод этиш учун унинг юртига бутун армиясини тортиб борди!! Уқба ибн Нофе РА Шимолий Африкадаги шаҳарларни бирин-кетин фатҳ қилгач, Атлантика океани олдида туриб, «эй денгиз, Аллоҳ ҳаққи, агар ортингда одамлар турганини билганимда эди, Аллоҳ йўлида жиҳод қилиб, тулпорим туёқлари билан сенга шунғиган бўлардим», деди!

Бугунги кун ҳукмдорларига нима бўлди?! Нега мусулмон армиялар казармаларида биқсиниб ётишибди, ҳаракатга келсалар ҳам, фақат ғарбпараст ҳукуматларни ҳимоя қилиб, ўз халқларини қириш учун қўзғаляптилар?! Мазкур буюк раҳбарлар қаерда-ю, бу ғарбпарастлар қаерда?! Буларнинг бошқаруви даврида аҳвол нима бўлди?! Дарҳақиқат, Умматнинг забардаст халифалар ортидан бачкана лилипутлар қолди, уларнинг на ҳурмати бор ва на қадри, Умматларига мутлақо эътибор беришмайди, кофирлардан қўрқиб тиз чўкишади, бир диндаги мусулмонларга мускулларини кўрсатиб, «ботирлик» қилишади, айш, шаҳвату лаззатга ботиб бўлишган, АҚШ, Британия, Франция, Россия, «Исроил» каби кофир давлатларга асло осийлик қилмай, амру фармонларини сўзсиз бажарадилар!!

Эй Уқба ибн Нофеъ юртидаги мусулмонлар!

Сизнинг бу жинояткор ҳукмдорлардан тоқатингиз тоқ бўлди, томирингизда шавкат ва улуғлик қони жўш урмоқда, елкангизга чирмашиб олган бу рувайбиза разил кимсалардан хорлик ҳис қилдингиз ва ўрнингиздан туриб, «биздан нарига даф бўлинглар», дея қичқира бошладингиз… Уларга қарата: етар бизни шунча қийнаб, хўрлаганингиз… бас, даф бўлинглар, бир юрт фарзандлари бўла туриб бизни шунча қашшоқлик, куфр, бадбахтлик ва низо ботқоғига ботирдинглар!! Мусулмонлар еридан даф бўлинглар, зулмингиздан ҳатто тошлар ҳам шикоят қиляпти, дастингиздан тилсиз ҳайвонлар, осмондаги қушлар, денгиздаги балиқлар зорланяпти!!, дедингиз. Бироқ уларга қарши қилган қўзғолонингиз мукаммал бўлмади, чунки сизга Росулуллоҳ САВга дину дунёсида нусрат бериб, Мадинаи Мунавварада илк Ислом давлатини қуришларига ёрдам берган ансорлари сингари қудрат ва ёрдам аҳли топилмади!! Мусулмон армиялар сизни ёрдамсиз қолдиришгач, қўзғолонингиз тинчиб қолди ва ҳақиқий ўзгариш орқали уни қайта такомиллаштиришингизга ҳануз мунтазирдир. Қўзғолонни такомиллаштириш одамларнинг ҳамияти ҳамда Парвардигор шариатини ҳакам қилиш истаги билан қувват аҳли ва жамиятдаги қўзғолончилар қувватини бирлаштириш орқали бўлади. Модомики, қувват аҳли ўз бурчларини адо этмас эканлар, бу юртдаги мусулмонлар ҳам, бошқа исломий юртлардаги мусулмонлар ҳам малай илмоний режимни ағдариб, қудратли Ислом давлатини барпо этишга муваффақ бўлолмайдилар. Зотан, Ислом давлати Роббимиз Китоби ва Набиййимиз САВ суннатлари билан ҳукм юритади, ана шунда Росулуллоҳ САВнинг

«ثُمَّ تَكُونُ خِلاَفَةً عَلَى مِنْهَاجِ النُّبُوَّةِ»

«… Сўнг Пайғамбарлик минҳожи асосидаги Халифалик бўлади», дея қилган башоратлари рўёбга чиқади. Демократия қопқонини қўйиш ва ҳокимият тақдим этиш каби нарсалар эса, Ғарбнинг юртдаги ўз ҳукмронлигини давом эттиришга қаратилган макридир.

Муҳаммад Мустафо САВнинг мавлудларини ҳақиқий байрами муборак Ақсо масжиди озод этилганидан сўнг Ислом Уммати томонидан унинг майдонида ўтказилади. Ўшанда у бор овози билан «Аллоҳу Акбар, вал иззату лил-Ислам», «Ва қул жаал ҳаққу ва заҳақол батил, иннал батила кана заҳуқо», дея ҳайқиради!! Ўшанда Уммат бирлигини парчалаган ва исломий юртларини бўлиб ташлаб, заиф давлатчаларга айлантирган чегараю постларни оёқлари билан янчиб ташлайди!! Ана шунда ушбу улуғ Уммат армиялари «ла илаҳа иллаллоҳ Муҳаммадур Росулуллоҳ» байроғи, «Аллоҳу Акбар, вал иззату лил-Ислам» шиори остида бирлашиб, буюк боболари хулафои рошидинлар каби шаҳарларни бирин-кетин фатҳ қилади!

Биз Ҳизб ут-Таҳрир-Тунис вилояти аъзолари, сиз мусулмонларни Пайғамбарлик минҳожи асосидаги рошид Халифалик давлатини барпо этишда биз билан бирга ҳаракат қилишга даъват қиламиз. Сиз қувват аҳлини ушбу динга ёрдам беришга ҳамда рошид Халифаликни барпо этишда ўз аҳлини алдамайдиган етакчи Ҳизб ут-Таҳрирни қўллаб-қувватлашга тарғиб қилинг. Дарҳақиқат, Ҳизб Роббимиз Китоби ва Набиййимиз суннатларидан истинбот қилиб, тўла бошқарув низомини тайёрлади. Биз шу низом билан Умматнинг буюк аждодлари йўлини қайта тиклаймиз ва Роббимизни рози қиламиз, ана шунда Набий САВ мавлудлари хотирасида Аллоҳнинг нусратини байрам қиламиз.

وَيَوْمَئِذٍ يَفْرَحُ الْمُؤْمِنُونَ *  بِنَصْرِ اللَّـهِ ۚ يَنصُرُ مَن يَشَاءُ ۖ وَهُوَ الْعَزِيزُ الرَّحِيمُ  *âوَعْدَ اللَّـهِ ۖ لَا يُخْلِفُ اللَّـهُ وَعْدَهُ وَلَـٰكِنَّ أَكْثَرَ النَّاسِ لَا يَعْلَمُونَ

«Ўша кунда мўминлар Аллоҳнинг нусратидан шодланадилар, (Аллоҳ) истаган кишиларига нусрат беради ва У қудратли раҳмлидир. (Бу) Аллоҳнинг ваъдасидир, Аллоҳ Ўз ваъдасига хилоф қилмас, лекин кўп одамлар (буни) билмаслар»                                                                                        [Рум 4-6]

Ҳизб ут-Таҳрир                                                                        12 робиул-аввал 1438ҳ

Тунис вилояти                                                                                     11 декабр 2016м