Матбуот баёноти

Нью-Йорк Таймснинг сўнгги мақоласи Американинг афғон мужоҳидларини бўлиб ташлаш стратегиясининг яна бир намунасидир

2024 йил 24 октябрда Нью-Йорк Таймс газетаси Афғонистоннинг ҳозирги ички ишлар вазиридан олган интервьюга таянган ҳолда бир неча мақола чоп этди. «Афғонистонда энг кўп қидирилаётган шахс энди ўзгаришлар учун энг яхши умидми?» номли мақола ҳам ана шулардан бири бўлиб, бу мақолаларнинг барчасидан мужоҳидлар орасида бўлиниш пайдо қилиш ва баъзиларини Америка манфаатига ишлашга йўналтириш кўзланган.

Илгари Ҳизб ут-Таҳрирнинг Афғонистондаги матбуот бўлими АҚШ ва Ғарб қўллаётган бу каби сиёсатлардан огоҳликка чақирган эди. Масалан, 2023 йил бошларида Ҳизб ут-Таҳрир «Ғарбнинг мужоҳидларга қарши навбатдаги хавфли эртаги» номли кампания бошлади. Шу орқали Американинг «экстремист Толибон» билан «мўътадил Толибон»га бўлишга қаратилган алдов стратегиясини фош этди. Шунингдек, Ғарб оммавий ахборот воситалари ва таҳлил марказлари айни бўлиб ташлаш стратегиясини қандай амалга ошираётгани ҳақида батафсил маълумот берувчи 11 саҳифалик ҳужжат ҳам барчага шахсан тарқатилди.

Америка афғон мужоҳидлари бирлигини ўзининг сиёсий, разведка ва мафкуравий нуфузи олдида тўсиқ деб билмоқда. Шунинг учун уларни «экстремист Толибон» билан «мўътадил Толибон»га бўлишга ҳаракат қилиб, «яхши мўътадил», деб ҳисоблаётган «мўътадил Толибон» билан алоқа қилмоқда. Нью-Йорк Таймс мақоласи маълум шахслар билан кўпроқ мулоқот қилишни рағбатлантириш учун мотивацион тилдан фойдаланиб, уларни «прагматист» ва «мўътадил» деб таърифлайди.

Ғарб сиёсатчилари ва оммавий ахборот воситаларининг ҳукмрон режимларга нисбатан қўллаган истелоҳлари ҳеч қачон оддий ва маъносиз бўлмайди. Балки ҳар бир атама ортида катта сиёсий режа ётади. Тарих бўйича бу мустамлакачи давлатлар ўз ҳукмронлигини мустаҳкамлаш мақсадида жамоаларнинг ҳар бирини сохта номлар остида бўлиб-парчалаб келган.

Мақсад, дастлаб одамлар онгида бўлиниш тушунчасини пайдо қилиш, сўнг шу орқали узоқ вақт чўзиладиган ҳокимият учун курашга замин яратишдир. Бу услуб ҳаммага маълум бўлган «бўлиб ташла» сиёсатининг яққол намунасидир.

Қўшма Штатлар айни услубдан совуқ уруш даврида коммунистик гуруҳларни «мўътадиллар» билан «радикаллар»га бўлишда фойдаланди. Шу орқали Совет нуфузига қарши курашиш учун Иттифоқ давлатларидаги «мўътадил етакчилар» билан алоқа боғлади. Бу стратегия, шунингдек, Совет Иттифоқи даврида Фаластин, Сурия ва Афғонистондаги мужоҳидларга қарши қўлланилган. Уларни «мўътадил» билан «экстремист» тоифаларга бўлиб, заифлаштирдилар, мўътадиллар билан ҳамкорлик қилиб, исломий лойиҳаларини ўзгартирдилар.

Биз биламизки, мужоҳидлар бўлиниш тарафдори эмаслар. Бироқ Ғарб лойиҳалари қаршисида ҳушёр бўлишимиз ва ундан нари туришимиз зарур. Худди шундай ёндашувни қабул қилишлари учун Ғарб мужоҳидларга хушомад қилиб, аниқ шахсларни нишонга олади. Уларга Афғонистон билан Ғарб ўртасидаги кўприк сифатида қараб, «ўзгариш учун энг яхши умид» деб билади.

Бироқ, Ҳизб ут-Таҳрир – Афғонистон вилояти ҳеч қандай шахс ёки гуруҳни қўллаб-қувватламасдан, оқламасдан, уларни самимийликлари туфайли туб ўзгаришни амалга ошириш имкониятига эга, деб билади. Туб ўзгариш эса Пайғамбарлик минҳожи асосидаги иккинчи рошид Халифалик давлатини барпо этиш, Исломни тўлиқ татбиқ қилиш ва уни бутун жаҳонга етказиб, Умматни бирлаштиришдан иборат.

﴿فَلَا تُطِعِ ٱلۡمُكَذِّبِينَ + وَدُّواْ لَوۡ تُدۡهِنُ فَيُدۡهِنُونَ + وَلَا تُطِعۡ كُلَّ حَلَّافٖ مَّهِينٍ + هَمَّازٖ مَّشَّآءِۢ بِنَمِيمٖ + مَّنَّاعٖ لِّلۡخَيۡرِ مُعۡتَدٍ أَثِيمٍ﴾

«Бас, ёлғонга чиқарувчи кимсаларга итоат этманг! Улар сизнинг (ўзларига) кўнгилчанлик-муроса қилишингизни исташади. Шунда улар ҳам (сизга) кўнгилчанлик қилишади. Яна сиз ҳар бир тубан қасамхўр, ғийбатчи-ю, гап ташувчи, яхшиликни ман қилгувчи-бахил, тажовузкор, гуноҳга ботган, қўпол ва булардан ташқари бенасаб-ҳароми кимсага итоат этманг!»            [Қалам 8-12]

Ҳизб ут-Таҳрирнинг Афғонистон вилоятидаги матбуот бўлими