بسم الله الرحمن الرحيم

Хабар ва изоҳ

Осиё ривожланиш банки Ўзбекистонга 273 млн. доллар қарз берди

Хабар: Podrobno.uz 7 апрелда ҳукумат қарорига таяниб хабар беришича, Осиё ривожланиш банки Ўзбекистондаги йўлларни ривожлантиришга 273,8 млн. доллар ажратди.

“ОТБ директорлар кенгаши 24 йил муддатга, шу жумладан тўрт йиллик имтиёзли давр учун маблағ ажратишни маъқуллади” – дейилади ҳужжатда.

Изоҳ: Маълумки, қарзлар бевосита мустамлакачи давлат томонидан ёки шу Осиё ривожланиш банки ва халқаро валюта фонди каби ана шу мустамлакачи давлатлар ҳукмрон бўлган халқаро муассасалар томонидан берилади. Бу муассасалар мустамлакачи давлатлар чангалларидан биридир. Осиё ривожланиш банкидаги энг йирик акционерлар АҚШ, Япония, Хитой, Ҳиндистон, Канада, Австралия, Германия, жанубий Корея каби давлатлардир.

Бундай қарзлар берилишдан мақсад Ўзбекистон каби учинчи дунё деб аталадиган мамлакатлардаги бойликларни талаб кетиш, бу мамлакатларни қолоқлик ҳолида қолдириш, бинобарин кофир ғарб давлатларига қарам бўлиб қолаверишини сақлаб қолиш эканлиги сир бўлмай қолди. Мустамлакачи давлатлар учинчи дунё мамлакатларини қарзлар тузоғига туширишга устаси фаранг бўлиб кетган. Бу қарзлар давлатни қудратли қиладиган оғир саноат каби маҳсулот ишлаб чиқариш лойиҳаларига сарфланмайди, балки йўллар ётқизиш, сувлар чиқариш каби истеъмолчилик ва маиший хизматлар лойиҳаларига сарф қилинади. Бинобарин, бу қарзлар бойликнинг ўсишига олиб келмайди, аксинча, қарздор мамлакатларнинг қарз берган давлат ҳукмронлигига бўйсунишига олиб келади, холос. Қарздор давлатлар бу қарзларни узиш у ёқда турсин, унинг процентларини ҳам тўлай олмайдиган ҳолатга келади.

Ўзбекистоннинг ташқи қарзи марказий банк ҳисоботига кўра 2022 йил 1 январда 39,6 млрд. долларни ташкил қилди. Бу қарз 2021 йил бошланишидан бери 16% га ёки 5,4 млрд. долларга кўпайди. Бу эса ялпи ички маҳсулотнинг 57% и демакдир. Ялпи ички маҳсулот ўтган йили 69,23 млрд. долларни ташкил қилган эди.

Ўзбекистон ҳокимлари юритаётган энг кўзга кўринарли сиёсатларидан бири ўз халқини шу Осиё ривожланиш банки каби молиявий муассалар берадиган риболи қарзлар ботқоғига ботиришдир.

Шунинг учун бу қарзлар боқоғидан ва бу қоронғу туннелдан чиқишнинг ягона йўли, қашшоқлик, ишсизлик, қолоқлик ҳолатидан бу золим тузумларга барҳам бериб, Умматни битта халифа ҳукми остидаги битта давлатда бирлаштиришдир. Зеро, шунда Уммат бошқа миллатлар ва халқлар ўртасида ўзига муносиб бўлган ҳақиқий ўрнини эгаллайди. Бу давлат инсонларнинг жонини, молини ва ор номуси ҳимоя қилади. Росулуллоҳ ﷺ бундай дедилар:

«الإمام جنة يقاتل من ورائه ويتقى به»

«Имом (халифа) бамисоли ортида туриб жанг қилинадиган ва ҳимояланиладиган бир қалқондир».

Ҳизб ут–Таҳрир марказий медиа офиси радиоси учун Ислом Абу Халил – Ўзбекистон