بسم الله الرحمن الرحيم 

Ов

  Юзлаган чумчуқларни тузоққа туширган овчи дарахт соясида уларни бирма-бир калласини узиб тоғорага ташлай бошлабди. Негадир ҳар бош узар чоғида кўзи ёшланаркан. Бу ҳолатни дарахт устидан кузатаётган она чумчуққа ёнма-ён турган болачаси дебди:

   _ Онажон овчининг кўзларига қаранг, раҳми келганидан дув-дув ёш тўкяпти.

Онаси эса боласига танбеҳ бериб, деди:

   _ Болажоним, сен овчининг кўзига эмас, қўлига қара!

    Бу масални қаердадир эшитгандим. Буни сўзлаган устоз "биз

раҳбарларимизнинг кўзига ва сўзларига эмас, балки қилаётган амалларига қарашимиз лозим" деган маъно бергандилар. Тўғри маъно! Биз айниқса шу йилларда "овчи"ларнинг қўлига қарашдан таълим берувчи устозларга жуда муҳтожмиз. Аммо халқимиз орасидаги бундай устозларни раҳбарлар ёқтирмайди. Уларни  "ов" лаб, қамаб, қатл қилиб, қувғин қилиб, зиндонлардан чиқармай, устига-устак уларни халққа хунук номлар билан танитишади. Шу боис содда ҳалқ уларнинг ваъдаларига, маддоҳ ва малай сарой муллаларининг олқишларига қараб ранг олмоқда. Алалоқибат фикрлаш, солиштириш, фарқлашдан тўхталган кишилар золимларнинг қўлларига, амалларига қараб баҳо беришдан маҳрум бўлиб, анави чумчуқ боласидек “тимсоҳ кўз ёшларига”, "халқим учун" деган ёлғонларга лаққа тушадиган бўлиб қолди, бошқача айтсак тор фикр эгаларига айланиб қолди.

  Оқ-қорани, паст-баландни ажратишга қодир ақл эгалари наҳотки Ҳақ билан ботилни, рост билан ёлғонни ажратишга ожизлик қилсалар?!!…

   Ўзбекистон хукуматининг Уммат яхшиларининг аввалги қонхўр овчиси ИАК томонидан Ислом ва мусулмонларга қарши олиб борилган аёвсиз кураши халқимизнинг ўз динига бўлган муҳаббатини йўқ қилолмади. Аксинча, одамлар, айниқса ёшлар тўп-тўп бўлиб масжидларга оқиб кела бошлади. Масжидлар эшиклари ёнида ДХХ, милиция ходимлари ва мактаб ўқитувчилари ёшларни Жума номозидан қайтаришга қанчалар уринмасин, бу каби аҳмоқона кураш ёшлардаги интилувчанликни янада кучайтириб юборди. Улар динимиз табиатини англай олишмади. Зеро, динга қарши кураш аввалдан унинг кенг ёйилишига туртки бўлган.  Улар кўп йиллар динимизга очиқ тажовузни кўриб, ҳис қилган халқимизда ўз динига бўлган муҳаббат тобора ортганини кўришди. Шу боис аввалги тажовузкор сиёсат бугунга келиб бошқача услубда амалда кўрина бошлади. Бу ўзгарган услуб ҳақиқатини оммага танитиш вазифаси – қанчалар машаққатли бўлмасин – даъват аҳлининг зиммасида қолаверади.

   Шу боис маломатчиларнинг маломатига, озорларига парво қилмаган ҳолда Умматга унинг устидаги раҳбарларнинг макру ҳийласи ва кирдикорларини фош қиламиз. Ақл эгаларининг ажратиш ва таққослашларига далиллар тақдим қилиб тафаккурини кенгайтирамиз. Токи бугунги раҳбарларнинг асл башарасини таниш учун уларнинг тимсоҳ кўз ёшини тўкиб, "халқим учун" деган алдовларигамас, балки чиқараётган қонун ва қарорларига қарасинлар.

    Маълумки, Ўзбекистон президенти Муборак заминга бориб умра сафарини адо этди. Пайгамбаримиз ﷺ равзаларида юрт номидан салом етказди, Муқаддас Каъбада халқнинг фаровонлигини сўраганини барчага овоза қилишди. Ҳар бир эзгу тилаклари муфтий томонидан оммага ошкор қилинди. Бу амаллари қандаям яхши амал. Ҳар бир мусулмоннинг зиммасида бўлган бу суннат амал у кишининг ҳам зиммасида экан, уни адо қилди. Уни Аллоҳ учун қилган бўлса, ибодати мақбул бўлсин деймиз, холос. Халқимизда зийрак қатлам ҳам бор. Шунинг учун  ойни этак билан ёпишга қанчалик уринилмасин бу қатлам ҳақиқатни англаб олаверади. Умра ва Ҳаж амаллари мўминлар зимасидаги вазифалардан бўлгани каби иймон ахлидан Роббимиз талаб қилган бошқа вожиботлар ҳам мавжуддир. Мўминлар барча каттаю кичик амалларида Аллоҳ буюрган тартиб асосида амал қилмоқлари вожиб. Намозни тўлиқ адо қилувчини ароққа ружуъ қўйган ҳолда топсак ажабланамиз. Тақводан сўзловчини ёлғончиликда кўриш ҳам шундай. Шу каби мусулмонлар юртида бошқарувда турувчининг бир суннатни адо этиши қанчалар қувонтирмасин, Аллоҳ Таоло ҳаром қилган ароқ заводларини қуриши, ҳаром бўлган қиморхоналарни очишларига рухсат бериши, бузуқлик уялари бўлган тунги клубларни кўпайишига кўз юмишлари мўмин кишилар қалбига озордан бошқани беролмайди! Қуръони Каримдан таълим берувчиларни "экстремистлар тузоқларига тушмасин" деган шиор остида таъқиб қилишлари, савоб ниятида кимнидир никоҳлаб қўйган кишиларни жазолашлар, мактабларда ҳижобни тақиқлаш каби ҳатто илмсиз кишилар хам биладиган эзгу ишларга қарши курашишларни авж олдириш, буларнинг барчаси раҳбарнинг умра сафаридаги холислигига шубҳа қилишимизга туртки бўлиши ўринли ва мантиқан ҳам тўғри бўлади.

    Хўш унда бугунги раҳбарнинг Умра зиёратида қандай “ҳикмат” бўлиши мумкин?

    Америка, Ғарб, Россия ва уларга ҳамтовоқ куфр давлатларининг Ироқ, Сурия, Афғонистон, Фаластиндаги узоқ йиллар давом этган ўта даҳшатли хунрезликлари бу мустамлакачиларга ғалаба келтирмади. Шундан кейин улар ўз мағлубиятларини оламга шармандаларча музокара столларида  "ғолиблик" тўнига ўраб кўрсата бошлашди, дунё сиёсатида янги режалар тузила бошлади. Улар ўзларининг Ислом юртларидаги садоқатли малайлари учун "кўз қисишда" устаси фаранг Эрдуғоннинг услубини самарали деб билишди.

   Уйғониш сари шиддат билан қадам қўяётган Уммат устидаги малай ҳокимлар ўз хўжайинларига “кўз қисиб”, яқин кунларда Жума намозларида, ифторларда, таровеҳларда ва ҳатто бомдоду таҳажжудда сафларимизда пайдо бўлиб, кўз ёшларини оқизса сиз азизликка ҳақли Уммат уларнинг кўзларигамас, қўлларига қарашни унутманг!

وَيَمْكُرُونَ وَيَمْكُرُ اللَّهُ ۖ وَاللَّهُ خَيْرُ الْمَاكِرِينَ

“Улар макр қилурлар, Аллоҳ ҳам «макр» қилур. Аллоҳ «маккор»роқдир” (Анфол: 30).

Ҳизб ут-Таҳрирнинг Ўзбекистондаги матбуот бўлими аъзоси Зайниддин

28.08.2022й